اكتشفت شعر طويل في الحمام!!!
انا عمري 29 سنة متجوزة، وجوزي عمره 32 سنة
من كام اسبوع كنت بنضف الحمام و اكتشفت خصلات شعر طويلة جنب الدش!!!
كنت مستغربه جدا لان جوزي اصلع وانا شعري قصير
علشان كده مستحيل خصلات الشعر دي تكوني ليا او لجوزي 😲
بصراحه كنت قلقانة قوي رميت الشعر بس الموضوع مش عايز يخرج من دماغي
متكلمتش مع جوزي بس راقبت الحمام كام يوم
واكتشفت ان الشعر بيظهر لما بسيب البيت وبكون في الشغل لفتره طويلة!!
مش عايزه افكر ان جوزي بيجيب واحدة البيت وانا مش موجودة
كنت حاسه اني هتجنن قررت اتكلم مع جوزي واسأله؟ جوزي اتجاهل الموضوع
بصراحه قلقت اكثر لان اللي بيحصل ده غريب اكيد.
ازاي جوزي مش مهتم كده، شكله بيقلل من المشكلة علشان يداري علي حاجه هو بيعملها ومش عايزني اكتشف الحقيقة 😠
بعد يومين اتكرر وجود الشعر سألت جوزي مره تانية
رده كان مريب اكثر، قالي الشعر ده فعلا غريب بس التفسير الوحيد لوجوده انه اكيد شعرك انتي!!!
طبعا انا متأكده ان الكلام ده مش صحيح
مش عايزه اتهمه بالخيانة بسبب شعر سخيف
بس انا مش هسكت غير لما اعرف ايه اللي بيجيب الشعر ده في حمامي؟؟
🌹#تحديث
فكرت اركب كاميرا سرية بس رجعت في كلامي
انا مش عايزه اخون ثقه جوزي فيه.
طلبت من رئيسي في الشغل اروح بدري “نص يوم” وهو وافق .انا اول مره اعمل كده.
لما دخلت البيت ماشوفتش اي حاجه غريبة
كنت متوقعه اشوف سياره غريبة قدام البيت او في الممر بس ده محصلش.
دخلت البيت بهدوء حسيت بالارتباك علي طول لما شوفت حذاء غريب داخل البيت ،الاغرب ان الحذاء شكله رجالي!!!
وقفت شويه علشان افكر واقرر هعمل ايه؟
هل اتسحب بالراحة، ولا اعمل صوت وأعرف جوزي اني في البيت.
وقبل ما أخد القرار جوزي خرج من المطبخ وكان ماسك في ايده كوبايتين شاي، طبعا بان علي جوزي المفاجأه!
اتظاهرت بالسذاجة و سألت جوزي، انت عرفت ازاي اني هرجع بدري من الشغل وعملتلي معاك كوبايه شاي !!!
كنت متوقعه انه هيكذب عليا بس هو قالي اقعدي وانا هشرحلك كل حاجه!
قالي انه صاحبه (ديف) اطرد من وظيفتة (سنه ٢٠٢٠)
“ديف صاحبة ده انا مش عارفاه كويس انا شوفته مره واحده بس”
قالي ان صاحبة ده مش مستقر في بيت “مش معاه فلوس ايجار بيت” وبيدور علي وظيفة عشان كده كان بيستأذن جوزي يستخدم حمامنا عشان ياخد دش قبل مقابلات العمل اللي هو بيروحها
كمان كان بيستلف قمصان وبدل من جوزي، واتضح انه صاحبه عنده شعر طويل ولحية
يعني هو مش بيخوني ولا حاجة هو بس بيساعد صاحبه 😍
وقتها شوفت ديف وهو شخص لطيف سلمت عليه و اتمنيتله التوفيق في مقابله العمل.
سلم علينا ومشي……
سألت جوزي وانت ليه مكنتش صريح معايه من الاول؟ قالي انه كان قلقان من رد فعلي واني ممكن ارفض
كمان قالي ان ديف كان محرج جدا من الموقف كله
ومش عايز اي حد يعرف
الحمد لله ان الموضوع طلع كده لاني بصراحه كنت خايفة قوي وقلقانة
ولما صارحت جوزي اني شكيت فيه، اتصدم
انا فرحانة ان الموضوع خلص علي خير 😍
#قصص
