اكتشفت شعر طويل في الحمام!!!
انا عمري 29 سنه
متجوزه , و جوزي عمره 32 سنه
من كام اسبوع كنت بنضف الحمام
و اكتشفت خصلات شعر طويله جنب الدش!!!
كنت مستغربه جدا
لان جوزي اصلع
وانا شعري قصير
علشان كده مستحيل خصلات الشعر دي تكوني ليه او لجوزي😮
بصراحه كنت قلقانه قوي
رميت الشعر , بس الموضوع مش عايز يخرج من دماغي
متكلمتش مع جوزي بس راقبت الحمام كام يوم
واكتشفت ان الشعر بيظهر لما بسيب البيت و بكون في الشغل لفتره طويله
مش عايزه افكر ان جوزي بيجيب واحده البيت وانا مش موجوده
كنت حاسه اني هتجنن
قررت اتكلم مع جوزي واسأله؟
جوزي اتجاهل الموضوع
بصراحه قلقت اكثر
لان الي بيحصل ده غريب اكيد
هو ازاي جوزي مش مهتم كده
شكله بيقلل من المشكله علشان يداري علي حاجه هو بيعملها
ومش عايزني اكتشف الحقيقه 😠
بعد يومين اتكرر وجود الشعر
سألت جوزي مره تانيه
رده كان مريب اكثر
قالي الشعر ده فعلا غريب
بس التفسير الوحيد لوجوده انه اكيد شعرك انتي!!!
طبعا انا متأكده ان الكلام ده مش صحيح
مش عايزه اتهمه بالخيانه بسبب شعر سخيف
بس انا مش هسكت غير لما اعرف ايه الي بيجيب الشعر ده في حمامي
🌹#تحديث
فكرت اركب كاميرا سريه بس رجعت في كلامي
انا مش عايزه اخون ثقه جوزي فيه
طلبت من رئيسي في الشغل اروح بدري بعد نص يوم وهو وافق
انا اول مره اعمل كده
لما دخلت البيت ماشوفتش في اي حاجه غريبه
كنت متوقعه اشوف سياره غريبه قدام البيت او في الممر
بس ده محصلش
دخلت البيت بهدوء
حاسيت بالارتباك علي طول لما شوفت حذاء غريب داخل البيت
الاغرب ان الحذاء شكله رجالي!!!
وقفت شويه علشان افكر واقرر هعمل ايه؟
هل اتسلل براحه , ولا اعمل صوت واعرف جوزي اني في البيت
وقبل مااخد القرار جوزي خرج من المطبخ وكان ماسك في ايده كوبايتين شاي , طبعا بان علي جوزي المفاجأه
وبمنتهي السذاجه سألت جوزي
انت عرفت ازاي اني هرجع بدري من الشغل وعملتلي معاك كوبايه شاي !!!
كنت متوقعه انه هيكذب عليه بس هو
قالي اقعدي وانا هشرحلك كل حاجه
قالي انه صاحبه (ديف) اطرد من وظيفته
**(ديف صاحبه انا مش عارفاه كويس انا شوفته مره واحده بس)
قالي ان صاحبه ده مش مستقر في بيت وبيدور علي وظيفه علشان كده
كان بيستأذن جوزي يستخدم حمامنا
علشان ياخد دش قبل مقابلات العمل الي هو بيروحها
كمان كان بيستلف قمصان وبدل من جوزي
واتضح انه صاحبه عنده شعر طويل ولحيه
يعني هو مش بيخوني ولا حاجه هو بس بيساعد صاحبه 😍
وقتها شوفت ديف وهو شخص لطيف
سلمت عليه و اتمنيتله التوفيق في مقابله العمل
سلم علينا ومشي
سألت جوزي وانت ليه مكنتش صريح معايه من الاول؟
قالي انه كان قلقان من رد فعلي واني ممكن ارفض
كمان قالي ان ديف كان محرج جدا من الموقف كله
ومش عايز اي حد يعرف
الحمد لله ان الموضوع طلع كده
لاني بصراحه كنت خايفه وقلقانه
ولما صارحت جوزي اني شكيت فيه , اتصدم
انا فرحانه ان الموضوع خلص علي خير🌷🌷🌷
#قصص
#السعوديه
