انا بحب جاري المتزوج!!!
انا امرأه عمري 34 سنه
من 7 شهور مريت بانفصال فوضوي مع جوزي الي كنت معاه لفتره طويله
بعد الانفصال قررت اعيش مع صاحبتي المقربه و بدفع معاها الايجار
قابلت جاري الجديد وبدأ يساعدني في نقل الاغراض
بصراحه اعجبت بيه علي طول , خلينا نسميه K
انا دلوقتي عايشه في ضواحي مدينه كبيره
علشان كده انا وهو بنركب القطر كل يوم الصبح علشان نروح شغلنا
احنا بنخرج تقريبا في نفس الوقت علشان كده بنتقابل
انا عارفه من الاول ان جاري عنده زوجه واطفال
هو كمان بيتكلم عنهم كتير قوي
وحاطط صورتهم في خلفيه تليفونه
كمان بينزل صورهم دايما علي مواقع التواصل
رغم كده انا معجبه بيه
في الاول كان مجرد اعجاب بريء وسخيف جدا
جاري وسيم ومضحك ولطيف
اول مره ركبنا مع بعض القطار سألني علي وظيفتي وكان باين عليه انه مهتم فعلا يسمعني
للاسف زوجي السابق عمره ماعمل معايه كده, وكنا دايما بنتخانق بسبب عدم اهتمامه بيه
كمان هو بيهتم بأطفاله جدا وبيشتري حلويات وحاجات علشانهم
مره فضل مع بنته علي التليفون طول الطريق يشجعها ويطمنها علشان كان عندها عرض مسرحي في المدرسه
طبيعي K يكون بالروعه دي معايه لان دي اصلا طبيعته مع الكل
لحد دلوقتي هو ماعملش اي حاجه تدل انه وقع في حبي
احنا اصدقاء مقربين لاننا بينتكلم كل يوم في رحله القطر الي مدتها 20 دقيقه
انا طول عمري مش بواجه اي مشكله في جذب انتباه الرجال , ومن علاقتنا ببعض دلوقتي , انا متأكده ان احنا هنرتبط ببعض قريب
علي فكره انا اعرف مراته من زمان , كنا مع بعض في نفس المدرسه
بصراحه اول ماعرفت انها مراته كنت مستغربه جدا , لانهم عكس بعض في كل حاجه
🌿هو مضحك وهي جاده جدا
🌿هو اجتماعي وهي حذره
🌿كمان هي اذكي منه ومثقفه اكتر منه
🌿اما من حيث الشكل………..
انا عارفه ان ده سيء , يا الله ما اعتقدش ان شخصياتهم متوافقه مع بعض ابدا
انا متأكده ان شخص لطيف زي K اكيد متورط مع الست دي
المشكله ان K امبارح بليل خبط علي بابي وسألني لو ممكن اهتم باطفاله شويه؟؟؟ وافقت علي طول
قالي انه مراته عملت حادثه وهي راجعه من رحله شغل وعلشان مراته حامل كان قلقان جدا , وحجز رحله علشان يروحلها
قالي مفيش حد من العيله ساكن في نفس الولايه , علشان كده طلب مني اهتم بيهم كام ساعه
هو قالي ان صديق العيله ركب سيارته وبيسوق دلوقتي علشان يوصل و يهتم هو بالاطفال , بس لسه قدامه كام ساعه , والصديق هو الي هيبات معاهم
دلوقتي ايه المشكله؟
البنات كانوا كابوس حقيقي
هما 3 بنات
بنته الكبيره متدلعه جدا وكانت وقحه معايه ومااحترمتنيش ابدا
كل شويه تتجادل معايه في كل حاجه
(العشاء ومين الي هينظف, والافلام الي سمحتلها تشوفها)
سمعتها بتشتمني بصوت واطي اكثر من مره
البنت الوسطانيه عايزه طول الوقت تلعب بصوت عالي وتعمل فوضي
البنت الصغيره اغلب الوقت لطيفه وهاديه بس احيانا بتقلد اختها الوسطانيه
الي خلاني جبت اخري
اني وافقت العب مع البنتين الصغيرين الغميضه
وانتهت اللعبه بان الاطفال قفلوا الباب في وشي وسابوني بره البيت
حاولت اقنع البنت الكبيره تفتحلي الباب الخلفي
عملت نفسها مس سمعاني وحطت السماعات
لحسن الحظ ان صديق العيله وصل والاطفال سمحوله بالدخول وانا رجعت بيتي
الي حصل ده خلاني حزينه
لاني كنت بحلم اكون زوجه اب لاطفال K , علشان عارفه هو اد ايه بيحب بناته
لكن دلوقتي انا مش عايزه اتعامل معاهم تاني ابدا
بس في نفس الوقت ده اكبر دليل ان K ومراته مش مرتاحين مع بعض
لان الاطفال الي بيعيشوا في بيت سعيد مش بيعملوا التصرفات دي
انا عايزه اعيش مع K , بس مش عارفه لو ده ممكن , علشان انا والاطفال مش متفقين ابدا
اذا كانوا بيتعاملوا معايه بالطريقه دي من دلوقتي , يبقي لما باباهم يطلق مامتهم , اكيد هيكونوا اسوأ معايه ويكرهوني
انا بحب K بجد , وعارفه ان علاقتنا هتكون جميله
لكن بصراحه الي حصل ده هزني جدا
اتمني فعلا لو عندي حد اتكلم معاه في الموضوع ده
بس انا عارفه ان كل الناس القريبين مني هيحكموا عليه
🌹انتهت الرساله🌹
واحده علي ريدت كتبت التعليق ده:
🌷بصراحه مش باين عليكي انك بتحبيه انت بتبالغي في الرومانسيه وعايشه قصه خياليه في دماغك
انتي بتتصرفي كأنه هيسيب مراته ويهرب معاكي وبتبرري ده لنفسك ان اطفاله متعبين , يبقي اكيد البيت مش سعيد , ومتجاهله تماما حقيقه ان مراته حامل وهو ساب كل حاجه علشان يجري عليها
بتقولي ان الاطفال مش بيحترموكي , هما اصلا مش عارفين انتي مين وفجأه بقيتي مسؤله عنهم , اكيد مش هيتعاملوا معاكي زي مامتهم وعمرك ما هتكوني زيها بالنسبه لهم ابدا
لو طاردتي K هل متوقعه انك هتكوني في علاقه رائعه معاه؟
ده مش حقيقي , مش معني انه لطيف معاكي يبقي هو بيحبك
انصحك تتكلمي مع متخصص علشان الي بيحصل ده مش صح
🌷صاحبه الرساله ردت عليها وقالت
انا عارفه ان مش هيسيب كل حاجه ويهرب معايه
اكيد الموضوع محتاج شهور ويمكن سنين في المحاكم وترتيبات الحضانه اذا قرر يسيب مراته
وقبل ما حد يعلق انا عارفه ان مفيش ضمان انه يسيب مراته بس K راجل صالح وصادق , ولو حصل اي حاجه بينا اكيد هيسيب مراته
اكيد ماينفعش نكون احنا الاتنين في حياته ده هيكون مش عادل
هو قالي قبل كده انه مؤمن جدا بالعداله
#قصص
