انا شاب
بنت عمي حامل
كل العيله فرحانه وخصوصا انا , علشان انا وبنت عمي قريبين في السن واحنا الاتنين اصدقاء مقربين
قررت بنت عمي انها تسمي طفلتها الي جايه اسم “تالايلة” Ta-lay-la .
بصراحه عاجبني وحاسيت انه اسم فريد ولطيف
امبارح كنت بشوف بطانيات مصنوعه مخصوص للبيبي وعليها الاسم
استغربت وقولتلها الاسم الي مكتوب علي البطانيه غلط
قالتي لاء مش غلط ولاحاجه انا ناويه اسمي بنتي “Talaighlagh” تالايجلاغ
بصراحه اتصدمت😮
بنت عمي زعلت مني وقالتي ما انت عارف الاسم من الاول
اعتذرت عن سوء الفهم
وقولتلها بصراحه بالنسبه لي الموضوع مش محتاج نقاش لازم تغييري الاسم ده
دلوقتي مشكلتي ازاي احاول اقنعها تغيير الاسم السيء ده قبل فوات الاوان
لان واضح انها متمسكه بيه ومش عايزه تغيره ؟؟؟
🌹#تعديل
🌷في حد سألني ايه سبب اختيار الاسم ده؟
للاسف هي شايفه ان دي موضه انها تختار اسم غريب جدا
🌷حد قالي انها اكيد مش ناضجه وصغيره في السن
بنت عمي عمرها 22 سنه وانا 18
بس انا متفق معاك في انها فعلا مش ناضجه , هي سابت المدرسه الثانويه ومش مكمله تعليمها
🌹#تحديث
روحت لبيت عمي وقعدت معاها شربنا شاي ووجبات خفيفيه وقعدنا ندردش
فتحت معاها موضوع الاسم وسألتها لو لسه مش عايزه تغيير كلامها في اسم “تالايجلاغ”
قالتي لا مش هغيره😠
قولتلها علشان اكون صادق معاكي ده اسم فظيع وحرام عليكي تسمي طفلتك الاسم ده
حاسيت انها اضايقت من كلامي
قولتلها في اكتر من سبب لرفضي للاسم ده:
🌿اولا باين انه كلمه مش حلوه خالص (وكأن في حد 🤮)
🌿ثانيا من المستحيل نطقه او كتابته
🌿واكيد الاسم ده هيأثر علي مستقبل بنتك
قولتلها بنتك هتتعرض للتنمر من اصحابها في المدرسه
قالتي لاء ماتقلقش مش هتتعرض للتنمر لاني ناويه اخليها تتعلم في البيت ومش هتروح مدرسه اصلا
قولتلها والله ده حل غبي جدا لكل الفوضي دي
والي انتي بتعمليه ده كله يعتبر إساءة معاملة للبنت
وعايزه كمان تعزليها وتبعديها عن الناس
علشان انتي عارفه كويس قوي ان اسم “تالايجلاغ” اسم فظيع وغير مقبول
قالتي انا مش هغير ذوقي علشان اعجب الناس
وهي خلاص طلبت اغراض كثير للطفله مكتوب عليها اسمها واتكلفت 800 دولار
قولتلها انا شايف ان الفلوس مش مشكله كبيره مقارنه بالاسم الفظيع ده
وانا وعيلتي وحتي المتاجر الي انتي اشتريتي منها
هنكون كلنا سعداء واحنا بندفع فلوس مقابل تغيير الاسم ده
طبعا زعلت قوي علشان هي شايفه نفسها مستقله ومش محتاجه فلوس من حد , وقالتي بصراحه انت بتدخل كثير قوي في حاجات ماتخصكش
فوجئت بالتعليق ده لاننا فعلا اصحاب مقربين
وانا طول فتره حملها بساعدها وبدعمها , لان عيليتها مش واقفه جنبها علشان شايفينها انسانه مش مسؤله
انا علي طول بعاملها زي اختي الكبيره وانا الي بساعدها في تجهيز غرفه الاطفال وبروح معاها في كل حته , حتي بكون معاها عند الدكتور
بصراحه قولتلها انتي بتتصرفي زي *******
وانا الي كنت واقف جنبك وبساعدك
بدات تبكي
وقالتي مش عايزاك تساعدني تاني
ولو عايز تبعد عني انت كمان وتخرج من حياتي انت حر
قولتلها انتي الي بتبعدي الناس عنك بتصرفاتك الغبيه
واخر كلام دلوقتي قدامك حل واحد , يا تغييري الاسم ده ونفضل اصحاب
او تختاري اسم تالايجلاغ , ووقتها انا هقول لكل العيله علي الاسم ده
(محدش من العيله لسه يعرف وهي عارفه انهم اكيد مش هيقبلوا الاسم ده)
قالتلي انها مش مهتمه العيله تقبل او ترفض
سيبتها ورجعت بيتي
بعد كام ساعه اتصلت بيها وسالتها لو هدأت؟
قالتلي اه وانها بتفكر دلوقتي في كلامي
قولتلها يعني خلاص هتغيري الاسم؟
قالتلي احتمال اغيره وممكن لاء
قولتلها انا كتبت موضوع علي ريديت بسأل الناس وطلبت منها تشوف التعليقات
شافت شويه تعليقات بس غضبت مني وقالتلي اني بشارك مواضيعها الشخصيه علي النت من غير موافقتها , وهي هترفع عليه قضيه
بصراحه تعبت منها وعملتلها بلوك
بعدها اعتذرت وقالتلي هنتكلم بعدين……….
واضح انها ناويه تغيير رأيها
