بنت عمي اختارت اغرب اسم لبنتها

أنا شاب، بنت عمي حامل، وكل العيلة فرحانة، وخصوصًا أنا، علشان أنا وبنت عمي قريبين في السن، وإحنا الاتنين أصدقاء مقربين.

قررت بنت عمي إنها تسمي طفلتها اللي جاية اسم “تالايلة” (Ta-lay-la).
بصراحة، عجبني وحسيت إنه اسم فريد ولطيف.

امبارح كنت بشوف بطانيات مصنوعة مخصوص للبيبي وعليها الاسم، استغربت وقلت لها إن الاسم اللي مكتوب على البطانية غلط.

قالت لي: “لأ، مش غلط ولا حاجة، أنا ناوية أسمي بنتي “Talaighlagh“.

بصراحة، اتصدمت 😮.

بنت عمي زعلت مني وقالت لي: “ما أنت عارف الاسم من الأول!”.

اعتذرت عن سوء الفهم، وقلت لها بصراحة إن الموضوع مش محتاج نقاش، لازم تغيري الاسم ده.

دلوقتي مشكلتي: إزاي أحاول أقنعها تغير الاسم السيئ ده قبل فوات الأوان؟ لأن واضح إنها متمسكة بيه ومش عايزة تغيره.

🌹 تعديل:

🌷 حد سألني: “إيه سبب اختيار الاسم ده؟”
للأسف، هي شايفة إن دي موضة، وإنها تختار اسم غريب جدًا.

🌷 حد قال إنها أكيد مش ناضجة وصغيرة في السن.
بنت عمي عمرها 22 سنة، وأنا 18، بس أنا متفق معاك إنها فعلًا مش ناضجة، هي سابت المدرسة الثانوية ومش مكملة تعليمها.

🌹 تحديث

روحت لبيت عمي، وقعدت معاها، شربنا شاي ووجبات خفيفة، وقعدنا ندردش.

فتحت معاها موضوع الاسم وسألتها: “لسه مش عايزة تغيري كلامك في اسم ده؟”

قالت لي: “لأ، مش هغيره! 😠”.

قلت لها: “علشان أكون صادق معاكي، ده اسم فظيع، وحرام عليكي تسمي طفلتك الاسم ده!”.

حسيت إنها اضايقت من كلامي.

قلت لها في أكتر من سبب لرفضي للاسم ده:

🌿 أولًا: باين إنه كلمة مش حلوة خالص (وكأن في حد 🤮).

🌿 ثانيًا: من المستحيل كتابته.

🌿 ثالثًا: الاسم ده هيأثر على مستقبل بنتك.

قلت لها: “بنتك هتتعرض للتنمر من أصحابها في المدرسة!”.

قالت لي: “لأ، ما تقلقش، مش هتتعرض للتنمر، لأني ناوية أخليها تتعلم في البيت، ومش هتروح مدرسة أصلًا!”.

قلت لها: “والله ده حل غبي جدًا! كل الفوضى دي واللي بتعمليه ده كله يعتبر إساءة معاملة للبنت! وعايزة كمان تعزليها وتبعديها عن الناس، علشان إنتي عارفة كويس قوي إن الاسم ده اسم فظيع وغير مقبول!”.

قالت لي: “أنا مش هغير ذوقي علشان أعجب الناس! وهي خلاص طلبت أغراض كتير للطفلة مكتوب عليها اسمها واتكلفت 800 دولار!”.

قلت لها: “أنا شايف إن الفلوس مش مشكلة كبيرة مقارنة بالاسم الفظيع ده، وأنا وعيلتي وحتى المتاجر اللي إنتي اشتريتي منها، هنكون كلنا سعداء وإحنا بندفع فلوس مقابل تغيير الاسم ده!”.

طبعًا زعلت جدًا، لأنها شايفة نفسها مستقلة ومش محتاجة فلوس من حد، وقالت لي: “بصراحة، إنت بتدخل كتير قوي في حاجات ما تخصكش!”.

فوجئت بالتعليق ده، لأننا فعلًا أصحاب مقربين، وأنا طول فترة حملها بساعدها وبادعمها، لأن عيلتها مش واقفة جنبها، علشان شايفينها إنسانة مش مسؤولة.

أنا على طول بعاملها زي أختي الكبيرة، وأنا اللي بساعدها في تجهيز غرفة الأطفال، وبروح معاها في كل حتة، حتى بكون معاها عند الدكتور.

بصراحة، قلت لها: “إنتي بتتصرفي زي ***!” وأنا اللي كنت واقف جنبك وبساعدك!”.

بدأت تبكي، وقالت لي: “مش عايزاك تساعدني تاني! ولو عايز تبعد عني انت كمان وتخرج من حياتي، إنت حر!”.

قلت لها: “إنتي اللي بتبعدي الناس عنك بتصرفاتك الغبية! وآخر كلام، دلوقتي قدامك حل واحد:

• يا تغيّري الاسم ده ونفضل أصحاب
• أو تختاري الاسم ده، ووقتها أنا هقول لكل العيلة على الاسم ده!

(محدش من العيلة لسه يعرف، وهي عارفة إنهم أكيد مش هيقبلوا الاسم ده).

قالت لي إنها مش مهتمة إذا العيلة هتقبل أو ترفض.

سيبتها ورجعت بيتي.

بعد كام ساعة، اتصلت بيها وسألتها: “هدأتي؟”.

قالت لي: “آه، وأنا بفكر دلوقتي في كلامك!”.

قلت لها: “يعني خلاص هتغيري الاسم؟”.

قالت لي: “احتمال أغيره، وممكن لأ!”.

قلت لها: “أنا كتبت موضوع على ريديت بسأل الناس، وطلبت منها تشوف التعليقات!”.

شافت شوية تعليقات، بس غضبت مني وقالت لي: “إنت بتشارك مواضيعي الشخصية على النت من غير موافقتي! وهترفع عليا قضية!“.

بصراحة، تعبت منها، وعملتلها بلوك.

بعدها، اعتذرت وقالت لي: “هنتكلم بعدين…”.

واضح إنها ناوية تغير رأيها.

_______

القصة مترجمة من ريديت.