مقلب صاحبتي.
انا عندي 32 سنة. عندي (او خلينا نقول كان عندي) صديقه مقربه اسمها “لويزا” عمرها 35 سنة.
هي بتحب تعمل مقالب جدًا.
انا بكره المقالب وبحس انها مؤذيه وسخيفة.
“لويزا” عارفه كويس إن مش مسموح لها تعمل معايه الحركات دي.
من 3 شهور قررت “لويزا” تعمل مقلب في صديقنا المشترك “ماكس”، هي خبت مفاتيح عربيتة في مكان صعب يوصله في البيت 😠
اللي لويزا مكنتش تعرفه، إني كنت متفقه مع ماكس يوصلني الامتحان تاني يوم الصبح، لأن سيارتي عطلانه من كام يوم.
طبعا ماكس صحي من النوم وقعد يدور علي المفاتيح في كل مكان ومكنش عارف مكانها خالص. واتأخر عليا جدًا.
أنا في الآخر ركبت تاكسي، بس للاسف وصلت الامتحان متأخر، ورفضوا يدخلوني اللجنة، وطبعا ده معناه إني منجحتش في الماده دي 😫
انا بشتغل في شركة، وصاحب شركتي هو اللي بيدفع مصاريف الماجستير بتاعي (في إداره الاعمال) وطبعًا عدم نجاحي في الامتحان ده، ممكن يتسببلي في مشكلة كبيرة، وممكن أضطر اسدد فواتير للشركة علشان منجحتش 😠
المأساه الحقيقيه حصلت في اليوم اللي بعده.
والده ماكس كانت في أجازه في فلوريدا، وللاسف عملت حادثه، (احنا عايشين في جورجيا).
طبعا ماكس كان عايز يسافر بسرعه علشان يروح لمامته المستشفي، وللاسف مكنش لسه عرف مكان مفاتيح العربية.
(علشان يوصل لمامته لازم يسافر 10 ساعات بالعربية).
ماكس اضطر يتصل بأصحابه علشان يستلف منهم فلوس، علشان يقدر يأجر عربية، لانه مكنش معاه فلوس وقتها.
كمان تعب قوي علشان يلاقي شركه قريبة ممكن تأجرله سياره يسافر بيها.
لويزا فضلت ساكته ومعترفتش انها اللي خبت المفاتيح غير بعد 3 اسابيع، طبعا لما أنا و ماكس عرفنا اللي حصل كنا غضبانين منها جدًا 😠
من كام يوم اتصل دكتور ب لويزا، وقالها :أنا بتصل بيكي علشان ابلغك ان مامتك توفت، لوسمحتي لازم تيجي دلوقتي بسرعة”.
طبعا لويزا كانت في حاله ذهول وسافرت فورًا لاوهايو، (المكان اللي مامتها عايشه فيه).
لما وصلت المستشفي اكتشفت ان مامتها مكنتش موجوده هناك، وعرفت ان المكالمه مزيفة.
اتصلت بيا من اوهايو و قالتي انتي تعرفي مين اللي خدعني؟؟؟
قولتلها اكيد حد انتي دمرتي حياته بمقالبك الغبيه
وقفلت التليفون في وشها.
انا فعلا مكنتش اعرف مين اللي عمل فيها كده
لغايه ما ماكس اتصل بيا وقالي انه قرر ينتقم منها
وإن هو اللي عمل معاها كده.
مش عارفه ليه لويزا متصلتش بحد من قرايبها قبل ما تسافر علشان تتأكد من الخبر. لاني اصلا مش بكلمها من ساعه المقلب السخيف اللي عملته مع ماكس. اللي اعرفه انها اصلا بعيده عن عيلتها من سنين.
علي فكره لما لويزا عرفت اللي اتسببت فيه لما خبت المفاتيح كانت حاسه بالاحراج الشديد ومكنتش عارفه تصلح اللي عملته ده ازاي.
