مراتي اترفع عليها قضيه وانا فعلا زعلان منها ومش عارف ازاي اسامحها؟؟؟
صاحبه مراتي رفعت عليها قضيه وبقينا مجبرين نسدد مبلغ كبير جدا ودلوقتي احنا مفلسين بسببها وكمان علينا ديون
مراتي عملت ايه؟؟؟***(علي فكره انا مكنتش اعرف كل الي بيحصل ده خالص)
مراتي دورت علي صاحبتها القديمه (لورا) وعرفت حسابها علي (لينكد إن)
وبعدين قررت تعمل حساب مزيف علشان تكلم صاحبتها القديمه من عليه
عملت نفسها عضوه في منظمه ومحتاجه (لورا ) في شغل
وطلبت منها رقم تليفونها
(لورا ) ردت عليها بس رفضت تبعتلها رقم التليفون . بعتت الايميل الشخصي.
مراتي عرفت كل زمايل لورا في الشغل (من حسابها علي لينكد ان)
وبدأت تبعتلهم رسائل مسيئه جدا ل (لورا)
الرسائل كان فيها حاجات حقيقيه لكن طبعا محرجه جدا
وحاجات تانيه ملفقه ومحصلتش ابدا
علشان تشوه سمعتها في الشغل!!!
مدير لورا في الشغل وصله رساله مكتوب فيها انها مدمنه !
المدير اتكلم مع لورا علشان يفهم فيه ايه؟
بس هو كان عارف ان الرسائل شكلها مزيف والي باعتها حد عايز يخرب حياتها
المدير دعمها وقالها انه مش مصدق الكلام ده
لكن لورا طلبت منه تعمل اختبار المخدرات علشان يتأكد بنفسه انها مش كده
الي مراتي متعرفوش بقه ان في الوقت ده (لورا) كانت حامل!!!
طبعا مراتي مكتفتش بده
دورت علي كل حسابات لورا علي منصات التواصل باستخدام الايميل الشخصي
وعرفت توصل لحساب جوزها علي الفيس بوك
وبعتتله ان لورا بتخونه!!!
الراجل كان صريح مع مراته وعرفها الرسايل الي بتجيله
لورا قالت لجوزها اعمل نفسك مصدق وكمل كلام علشان نعرف مين الشخص ده, و نمسك عليه دليل!
الزوج فضل يسأل مراتي طيب هي كانت بتخوني امتي وفين؟
مراتي افتكرت نفسها ذكيه
قالتله كانت بتخونك وهي في الشغل و بعتتله تواريخ محدده
**(طبعا الزوج مستحيل يصدقها لان التواريخ الي اتبعتت بتثبت ان الكلام كله كدب , لانه ببساطه كان متأكد انه في الاوقات دي كان مع مراته في البيت, واتأكد بنفسه من خرايط جوجل)
بس جوز لورا فضل يجاري مراتي في الكلام وعمل نفسه مصدق علشان يمسك دليل عليها……………..
بعدها لورا خلفت طفلها وعملت حفله استقبال المولود في مكان عام
(لسوء الحظ واحده من صديقات لورا عملت دعوه لمكان الحفله علي الانترنت)
مراتي لما عرفت المكان قررت تروح الحفله
وقفت في مكان قريب وحاولت تتكلم مع كام شخص من الي كانوا معزومين في الحفله
طبعا الكلام كان سيء جدا (انها بتخون جوزها وانه مش هو ابو الطفل المولود)
الكلام وصل ل (لورا ) في الحفله وكانت هتخرج تشوف مين الي بتتكلم عليها, بس لما مراتي حاسيت ماشيت علي طول قبل ما لورا تشوفها
كل الاحداث دي حصلت علي مدار سنه او اكثر…
لورا وجوزها عرفوا بسهوله جدا طبعا يتأكدوا ان الرسايل كلها اتعبتت من نفس المكان , ومن خلال IP الجهاز حددوا العنوان
واكتشفوا ان مراتي الي كانت بتعمل كل ده!!!
لورا تعبت من كل الي بيحصلها وقررت هي وجوزها يجيبوا محامي علشان يرفع قضيه علي مراتي
طبعا لورا عندها ادله كثير جدا جدا
ومديرها في الشغل وكل اصحابها مستعدين يحكوا الي حصل
لورا شرحت في المحكمه المعاناه الي اتعرضتلها
وانها كانت بتتعالج لان جالها اكتئاب بسبب الرسايل المسيئه
وكمان حكت الي حصل في الحفله
وعملت اختبار علشان تثبت انها مش بتتعاطي اي حاجه.
وكمان اختبار الابوه علشان تثبت ان طفلها من جوزها
يعني ادت دليل قاطع ان كل الرسايل كانت كذب
الحقيقه لما شوفت لورا في المحكمه زعلت جدا عليها
كانت عماله تحكي وهي بتبكي جامد
وبتقول انها اتعرضت لكل الضغط ده , في فتره الحمل وكانت خايفه تخسر طفلها بسبب التوتر والاكتئاب
انا كنت حاسس بالاحراج جدا من لورا وجوزها ومكنتش قادر ابص في وشهم خالص لما سمعت الي مراتي عملته فيهم………
مراتي اول مره تعمل حاجه مجنونه قوي كده
انا عارف انها اوقات بتكون حقيره وبتغيير من الناس
بس كان مجرد كلام وخلاص
انا ومراتي كنا في جواز سعيد ونادر لما بنتخانق
بس هي فعلا غلطانه جدا المره دي
انا فعلا مضايق منها وكمان دفعت كل فلوسي في خطأ مليش اي ذنب فيه!!
قررت اجاوب علي كل اسئلتكم
الناس بيقولولي ازاي مراتك مدخلتش السجن؟؟؟
مراتي فعلا اتحكم عليها بالسجن , بجانب طبعا مبلغ التعويض الكبير
بس المحامي قدر يغيير العقوبه انها تقدم خدمه اجتماعيه لمده سنه
**(الي ساعد مراتي في تخفيف العقوبه , ان عيليتها بشتغل في تنفيذ القانون وكمان سجلها نظيف ومعملتش اي حاجه مخالفه قبل كده)
ليه مراتي عملت كده مع لورا؟؟؟؟مراتي بتقول ان لورا تستحق كل الي اتعمل فيها , وانها شخصيه نرجسيه وكذابه وحقيره.
ضغطت علي مراتي علشان اعرف لورا عملتلها ايه؟
وياريتني ماعرفت!!!
لاني اكتشفت ان كل الحاجات المجنونه الي مراتي عملتها علشان اسباب تافهه جدا
طلع الموضوع ده كله بسبب قصه حب قديمه
هما الاثنين كانوا اصحاب في ثانوي
وقتها مراتي كانت بتحب واحد اسمه (مارك)
مراتي حاست ان مارك معجب بصاحبتها لورا
طبعا زعلت جدا وانفصلت عنه
وبعدين قالت لصاحبتها لو عايزه ترتبطي ب (مارك) مفيش مشكله
لورا مصدقت وارتبطت فعلا ب (مارك)
وفي الوقت ده الثلاثه كانوا لسه اصحاب
(يعني مارك ساب مراتي وارتبطت بصاحبتها لورا)
لورا و مارك انفصلوا بعد كام شهر
وبعدها مراتي اتهمت لورا انها خانت صداقتهم
وانه لما سمحتلها ترتبط ب مارك كان مجرد اختبار صداقه ولورا فشلت فيه!!!
اتخانقوا مع بعض وقرروا ينهوا صداقتهم
**(علي فكره لورا متجوزه دلوقتي راجل تاني غير مارك)
قولت لمراتي طيب ايه الي فكرك بيها بعد السنين دي كلها وليه قررتي تنتقمي دلوقتي؟؟؟؟
قالتلي انها من حوالي سنه ونص كانت في مطعم وبالصدفه شافت لورا
و اتصدمت لما شافتها لانها خست كثير عن زمان وبقت رشيقه جدا
**(انا ومراتي بنعاني من زياده الوزن)
مراتي قالتلي انها حاست بالغيره جدا علشان لورا عرفت تخس وهي لاء
كمان جوز لورا رياضي , وهي وجوزها شكلهم جذاب جدا
وده ضايق مراتي قوي
(حتي بعد ماخلفت طفلها لما كانت في المحكمه كانت لسه رشيقه ومحافظه علي جسمها , ومش باين عليها خالص انها لسه مخلفه , وده كان مخلي مراتي غضبانه)
قالتي لما شافتها في المطعم قررت تتجسس علي حياتها
وكان نفسها تعرف انها مش مرتاحه
لكنها اكتشفت العكس
لورا بتشتغل في شركه كبيره ومرتبها كبير
كمان جوزها بيشتغل في وظيفه محترمه
كمان شافت صورها هي وجوزها واقفين قدام بيتهم الي شكله كبير قوي وجميل
طبعا مراتي بتقول ان لورا ماتستحقش اي حاجه من دي , وانها كانت فاشله زمان……..
كان نفسي مراتي تقولي ان لورا عملت فعلا حاجه شريره تستحق كل الي مراتي عملته فيها
لكن للاسف كلها اسباب تافهه جدا ومجرد غيره ستات وبس
**(اتفقت معاها لما تخلص الخدمه المجتمعيه لازم تشتغل ساعات اطول علشان تساعدني في تسديد الديون وهي وافقت)
هل مراتي حاسه بالندم؟؟؟هي حزينه ومكتئبه علشان اتقبض عليها وعلشان كل الي مرت بيه , بس مقالتليش اي كلمه احس بيها انها فعلا ندمانه علي الي عملته
هل مراتي موافقه علي العلاج؟كل مره بتكلم معاها اننا لازم نزور استشاري نفسي بترفض
وبتقول انها هتتعرض للهجوم من الدكتور
قولتلها بالعكس هو هيحاول يساعدك
بس هي مصممه اننا لازم نحل مشاكلنا بنفسنا في البيت….
هل هكمل حياتي معاها؟؟؟علي الرغم من كل الي حصل انا لسه بحبها
ومش متخيل حياتي من غيرها
بس من جوايه عارف انها لو متعلمتش الدرس بعد كل الي حصل
مش هكون معاها تاني
رغم ان الناس في التعليقات بتحذرني منها وانها شخصيه انتقاميه جدا
وفي حاله الانفصال ممكن تعمل معايه زي ما عملت مع صاحبتها
انا فعلا قلقان من النقطه دي و بفكر اخد احتياطاتي كويس علشان لو حصل اي حاجه في المستقبل……..
(القصه حقيقيه مترجمه من موقع ريديت, ابطال القصه اجانب)
