“صاحبه عمري”
انا بنت عمري 25 سنه
عندي شقه مكونه من غرفتين
لما كنت في الجامعه اتعرفت علي صديقه (خلينا نسميها ماري)
هي قالتلي انها عاشت حياه اسريه صعبه جدا
وعانت كثير جدا في حياتها , قصتها طويله لدرجه اني مش هقدر احكي تفاصيلها دلوقتي
انا قولتلها لو احتاجت مساعدتي في اي وقت , تقدر تعتمد عليه
لما اتخرجنا من الجامعه طلبت منها تيجي تعيش معايه من غير ما تدفع ايجار خالص
حاولت تدفعلي فلوس بس انا كنت عارفه ان عليها ديون كتير علشان مصاريف الجامعه , علشان كده رفضت فلوس الايجار وقولتلها خلي الفلوس ليكي احسن علشان تسددي كل ديونك
كانت ممتنه جدا ليه ووافقت تعيش معايه
كنا مش بنختلف مع بعض ابدا
احنا الاتنين بنحب التنظيف
وبنتابع نفس برامج التلفزيون
علشان كده عمرنا ما اختلفنا علي مين يمسك ريموت التلفزيون ولا مين الي يرمي كيس الزباله والحاجات دي
انهارده خرجت معاها في مطعم فاخر جدا في لندن
علشان نحتفل ان ماري اخيرا سددت كل ديونها✔
كمان جالها ترقيه كويسه جدا في شغلها✔
واخيرا نجحت في اختبار رخصه السواقه✔
كل الانجازات حصلتلها في شهر واحد
علشان كده ماري تستحق جايزه💐
احنا صرفنا فلوس كتير قوي في اليوم ده علشان نحتفل ب ماري
كنا 8 بنات (انا وماري وصديقتين لينا من ايام الجامعه)
واربع بنات زمايل ماري في الشغل
الليله كانت حلوه قوي
لغايه ماطلعت هديتي الي كانت عباره عن كارت مكتوب فيه اني محظوظه علشان ماري صاحبتي المفضله 😍
ومع الكارت سيبتلها مبلغ كبير علشان تقدر تكمل عليه وتشتري لنفسها اول سياره
ماري بدأت في البكاء وشكرتني و حضنا بعض لفتره طويله………
بعد كده قولتلها اني فخوره بيها علشان قدرت تتغلب علي ظروفها الصعبه وقدرت تنجح وتثبت لباباها ان قسوته عليها ممنعتهاش انها تنجح وتثبت نفسها
وان رغم كل الي مرت بيه عرفت تخلص جامعتها وتجمع فلوس من شغل بسيط , واخيرا عرفت تشتغل في وظيفه احلامها
وقولتلها انتي ملهمه ليه
ماري بان عليها الغضب وقالتي من فضلك متعمليش كده
انتي عارفه انش مش بحب الكلام ده
اول مره ماري تكلمني كده
استغربت هي ليه زعلانه؟؟؟
اعتذرت وقولتها انا اسفه مكنتش اعرف ان الكلام ده بيزعلك
ونيتي كانت كويسه والله
سخرت مني و بعدت وشها الناحيه التانيه
لما بصيت في وشوش زمايلها في الشغل
كنا كلهم بيبصلولي قوي ومتضايقيين
بصراحه حاسيت بالاحراج جدا , كنت عايزه الارض تنشق وتبلعني
وزعلت قوي من نفسي علشان اذيت ماري
بقيه الليله ماري متكلمتش معايه ابدا و كانت بتتجاهلني
ولما كنا خلاص ماشيين مفيش حد من زمايلها في الشغل سلم عليه ولا بصلي حتي😢
لما رجعنا البيت اتعذرت ل ماري
بس هي اتجاهلتني وقالتي انها تعبانه وعايزه تنام وخلينا نتكلم الصبح احسن
انا دلوقتي قلقانه قوي
خايفه تسيب البيت او ترفض تكلمني تاني😢
كل شويه براجع الكلام في دماغي علشان اعرف ايه الي انا قولتله كان غلط قوي كده
انا قولتلها الكلام ده كتير قبل كده , و هي و لامره قالتي انها زعلانه من كلامي!!!
زميلتها في الشغل بعتتلي رساله اني حقيره علشان قولت كده واستخفيت ب ماري
انا والله مكنش قصدي كده ابدا……….
🌹#تحديث
فضلت صاحيه طول الليل مش عارفه انام
اخيرا سمعت صوت ماري بتتحرك في المطبخ
روحت بسرعه اتكلم معاها
اتصرفت معايه بشكل طبيعي جدا وكأن مفيش اي حاجه حصلت
وبدأت تحكيلي عن مشاكل عندها في الشغل!!!
كنت واقفه مش فاهمه حاجه ومش عارفه ايه التصرف السليم في الموقف ده
بدأت اعتذرلها واقولها انا اسفه
بصتلي باستغراب وقالتي انتي اسفه علي ايه؟؟؟
قولتلها علي تصرفي معاكي امبارح واضح اني اتجاوزت الحدود معاكي
ويمكن الفلوس كانت كتير وده احرجها
قالتي لاء…. مفيش اي حاجه
الظاهر البنات فهموا غلط
وقالتي اني كبرت الموضوع وباخد المواضيع جد زياده عن اللزوم!!!
ارتبكت قوي وقولتلها علي الرساله الي بعتتهالي البنت بتتهمني فيها اني بستخف ب ماري واني حقيره
قالتلي هي شكلها فهمت غلط , لما اقابلها في الشغل هتكلم معاها.
انا تعبانه قوي ومنهكه لاني مانمتش طول الليل علشان فاكراها زعلانه و بتكرهني , و كنت فاكره انها مش هتكلمني تاني ابدا
واكتشفت انها متأثرتش ابدا
بس الغريب بالنسبه لي
انها امباح كان باين عليها الزعل قوي
وكمان اصحابها كانوا بيعاملوني كأني مجرمه😩
انا هنام دلوقتي ولما ترجع هحاول اتكلم معاها تاني
لان بصراحه رد فعلها امبارح كان غريب , و حاسه ان في حاجه مش مفهومه؟؟؟
🌹#تحديث
الساعه 10 الصبح جالي مكالمه من صديقنا الي كانت معانا في الجامعه
هي كانت في المطعم امبارح
سألتني ايه الي حصل مابينك وبين ماري؟ و قالتي انها استغربت قوي امبارح لانها اول مره تشوف ماري بتهاجمني بالطريقه دي؟
حكيتلها كل الي حصل………….
قالتي ان هي كمان حاسه ان في حاجه غامضه
وبعدين قالتي خلاص انا هجيلك انهارده علشان اقعد معاكي انتي وماري ونحاول نفهم الي حصل؟
لسه بتجيلي رسايل من زمايل ماري في الشغل واضح انها اتكلمت معاهم في حاجه
واحده فيهم بعتتلي “اني مستحيل اعرف اخفي الحقيقه مهما عملت”
انا مش فاهمه هي تقصد ايه
بس انا عملتلهم كلهم بلوك🚫
🌹#تحديث
مستحيل كنت اتوقع اني في يوم من الأيام ممكن اكتب الكلام ده
عمري ماتخيلت ان ده يحصل ابدا , انا مرتبكه وحزينه وغضبانه جدا
باختصار كل حاجه طلعت كذب………….
علشان تفهموا الموضوع
صاحبتا من ايام الجامعه خلينا نسميها (كلير)
وزميله ماري في الشغل الي بعتتلي رسايل غامضه خلينا نسميها (جين)
(كلير) قالتي انها تعرف (جين) كويس
وعرفتني انها هتتصل بيها علشان تعرف هي ليه مش بتحبني وايه الرساله الي بعتتها دي؟؟
فجأه (جين) وصلت عندي البيت وكانت بتبصلي بغضب جامد
لدرجه اني فعلا كنت خايفه قوي منها
قعدنا واتكلمنا وقولتلها انتي زعلانه قوي كده ليه
ماري قالتي انها اصلا مش زعلانه من كلامي
ضحكت جين وقالتلي
لا………متحاوليش تعملي الشويتين دول عليه
بطلي تعملي نفسك بريئه لاني خلاص كشفت حقيقتك!!!
بصيلتها انا و كلير واحنا مش فاهمين حاجه
كلير قالتلها قصدك ايه؟؟؟
بدأت (جين) تدي محاضره عن اد ايه انا بعامل ماري وحش و بحتقرها
لكن قدام الناس بمثل وبعمل نفسي طيبه!!!
بصراحه في الوقت ده مكنتش عارفه اضحك ولا ابكي علي الكلام الغريب الي سمعته دلوقتي
جين فتحت المحادثات الي بينها وبين ماري
علشان اشوف الرسايل الي ماري بعتاهالها
مكتوب فيها “ان ماري في مشكله كبيره قوي دلوقتي
علشان انا حبساها في اوضتها علشان عندي انهيار عصبي وده بسبب ان ماري صاحبت بنات غيري في الشغل!!!
طبعا ده عمره ما حصل
كلير اخدت منها التليفون علشان نشوف كل الرسايل الي مابينهم
مقدرتش اكمل قراءه لان الرسايل كلها بتتكلم عن خوف ماري مني واني بحاصرها , و انها بتتعرض للابتزاز علشان تدفع الايجار😮
في الوقت ده كنت مصدومه
كلير فضلت تشوف الرسايل
وكان مكتوب كمان اني منعت ماري انها تحضر حفل عيد ميلادها ال 21
وقولتلها ان مش مسموحلها تخرج من البيت 😮
الحقيقه ان في عيد ميلادها ال21 دفعت 500 جنيه استرليني علشان اعملها حفله عيد ميلادها في مطعم غالي هي بتحبه
الي عرفناه من الرسايل ان ماري بتحكي لكل أصحابها في الشغل الكلام ده (اد ايه انا بشعه وانها مذلوله و مش عارفه تمشي وتسيب البيت بسبب الايجار الكبير الي باخده منها)
كلير بدأت تدافع عني قدام جين
وعرفتها اني مش باخد منها اي ايجار ,وان ماري مش بتدفع غير نصف الفواتير وبس
وعلشان تثبت الحقيقه خليتني فتحت حسابي البنكي علشان (جين) تشوف و تتأكد بنفسها
جين بقت هاديه شويه بس كان باين عليها الارتباك
جين قالت ان ماري قايله لكل الي في الشغل اني بستخدم معاها اسلوب التلاعب
واني بظهر قدام الناس اد ايه انا بحبها
بس لما بنكون لوحدنا بعايرها بماضيها 😠
علشان كده البنات افتكروا اني كنت بعمل معاها كده امبارح في المطعم
وكنت قاصده اذلها قدامهم!!!
دلوقتي انا مش لاقيه كلام يوصف مشاعري
انا حاسه بوجع والم
ومش عارفه هي عملت كده ليه
استفادت ايه؟؟؟
كلير بدأت تهديني لان كنت ببكي بحرقه😭
انا غضبانه قوي ومش قادره ابص في وش ماري تاني
كلير قالتي بلاش تاخدي اي قرارات متسرعه
جين ماشت من غير ماتقول ولا كلمه
وانا قاعده دلوقتي مع كلير وصديقه تانيه مستنيه ماري ترجع البيت؟؟؟؟
🌹#تحديث
طردت ماري من الشقه…….
للاسف هي دمرت صداقنا الي من سنين علشان شويه تعاطف من زمايلها في الشغل😢
لغايه دلوقتي انا مش فاهمه هي عملت كده ليه؟
رجعت ماري البيت وشافتنا احنا الثلاثه قاعدين
قالت خليني اعمل فشار ونتفرج علي حاجه
كلير قالتلها متعمليش حاجه وتعالي اقعدي
ماري ارتبكت….
طبعا كلير حكت كل الي حصل , و سألتها انتي عملتي كده ليه؟
في الوقت ده انا كنت ساكته خالص ومش قاده حتي ابص في وشها
ماري اتخضت وقعدت تدافع عن نفسها وتقول الموضوع كله سوء تفاهم
و(جين) شكلها مش بتقول الحقيقه…..
كلير سألتها علي الرسايل؟
قالت ده مجرد هزار في الشغل
كلير فضلت تضغط علي ماري
ماري انهارت وقعدت تبكي وقالت ان مكنش قصدها حاجه
وانها بتحبني جدا , و ان الموضع كله بدأت بمجرد كذبه غبيه هي قالتها والقصه كبرت , و بدأت تعتذرلي وتقولي ارجوكي سامحيني
بصيت في عينها لاول مره من وقت مادخلت البيت وقولتلها قدامك اسبوع واحد تكوني اخدتي كل حاجتك وشوفتيلك مكان تاني
قعدت تبكي جامد وتتوسلي اسيبها في البيت
وان الموضوع كله كذبه غبيه , و مش مهمه علشان انا مش بشتغل معاها
قولتلها انتي بتكذبي في كل حاجه في حياتك؟
ياتري كذبتي في ايه تاني؟؟؟
سكتت خالص………
بصراحه وقتها شكيت ان كل الي كانت بتحكيه زمان عن تعنيف باباها ومشاكلها الاسريه وانها في الشارع من وقت ماكان عمرها 14 سنه
كان مجرد كذب وتأليف
قولتلها اتصلي بمامتك علي التليفون
خافت جدا ورفضت
كلير فهمت انا بفكر في ايه
وقالتي عندك حق تشكي فيها , شكلها بتكدب في كل حاجه😳
انا دلوقتي غضبانه قوي
بعدها بكام يوم قررت اتصل بوالده ماري علشان اعرف الحقيقه
واكتشف ان قصتها المأسويه مش حقيقيه
هي غالبا عملت كده علشان نتعاطف معاها
باباها فعلا انفصل عن مامتها بس مكنش في اي اساءه.
انا فعلا تعبت من الكابوس الي انا عايشه فيه
انا خلاص مش هعمل اي تحديث جديد
في الاول كنت عايزه مساعده ازاي اصالح صاحبتي المقربه
وبعدين اكتشفت ان ال7 سنين صداقه كانوا مجرد خدعه😢
انا خلاص مش عايزه اشوفها تاني ابدا
انا عارفه انها تقدر تتحمل لوحدها مصاريف ايجار بيت
علشان كده مش حاسه بالذنب ناحيتها
اعتقد اني هحجز لنفسي جلسات علاج علشان اقدر اتخطي الي حصل
شكرا لكل حد ساعدني وقدملي المشوره
🌹#تحديث
ياااه مكنتش اتوقع ابدا اني هنشر اي حاجه تاني
رسالتي انتشرت علي النت جدا
مكنتش متخيله طوفان الرسايل الي وصلتني من الناس
شكرا من قلبي علي كل الحب والتعاطف الكبير الي اتقدملي منكم🌷
بصراحه كنت مقرره اني مش هكتب اي حاجه تاني
بس بسبب كميه رسايل الكبيره الي وصلتني
وحصلت حاجات تانيه
قررت اكتب التحديث الجديد………
ماري اتنقلت يوم السبت بعد اسبوع من الي حصل
قبل ما تنتقل كانت بتمشي ورايه في الشقه عايزه تتكلم معايه
بس انا رفضت وقولتلها من فضلك ابعدي عني خالص
مامتها جت عندنا علشان تساعدها تلم اغراضها
لان ماري هترجع تعيش مع مامتها تاني
كان في اسئله كتير قوي بتدور في دماغي
ماري قالتي ان والدها كان مسيء لكن مامتها كانت بتحبه قوي علشان كده رفضت تسيبه , وبسبب كده ماري سابت البيت وهي عمرها 14 سنه
وكانت بتنام تحت الكراسي في محطه القطر
علشان تبعد عن اذي باباها
وانها مرجعتش البيت تاني غير لما مامتها اتشجعت وطلبت الانفصال
سألت مامتها عن حقيقه الكلام ده؟؟؟
وطلع كله كذب
باباها ومامتها كانوا بيحبوها عادي وهي عمرها ماسابت البيت ابدا وهي طفله
عرفت من مامتها ان سبب الطلاق ان الاب سافر استراليا لانه كان عايز ينجح في حياته المهنيه
هو كان بيحب عيلته بس طموحه وحبه للشغل كان كبير علشان كده مكملوش مع بعض
مامتها قالتلي ان بابا ماري كان بيبعتلها تقضي اجازه الصيف معاه في استراليا , بس ماري الي كانت بترفض علشان بتخاف من ركوب الطياره.
اليوم الي ماري اتنقلت فيه , كنت قاعده في غرفتي زعلانه
هي خبطت علي باب اوضتي علشان تودعني
الحقيقه انا كمان كنت عايزه اودعها
هي كانت صاحبه عمري ومستحيل تختفي من حياتي من غير حتي ما اسلم عليها للمره الاخيره 😢
سألتني لو انا عايزه الفلوس الي كانت في الكارت يوم المطعم علشان تشتري سياره جديده؟؟؟
رفضت وقولتلها استخدمي الفلوس دي للعلاج
بكت وكانت عايزه تحضني بس انا رفضت وقولتلها دي اخر مره نشوف بعض فيها .
لما ماشت حاسيت فجأه ان الشقه فاضيه عليه قوي 😢
مش قادره اكون وحيده
كل شويه اتخيل ماري في المطبخ او قاعده علي الكنبه
انا فعلا زعلانه😢
روحت للعلاج النفسي والامور كانت كويسه
المعالجه لطيفه قوي و ساعدتي افهم نفسي اكثر
وقالتي ان ماري ممكن تكون نرجسيه
اعتقد ان كلامها صحيح
(جين) طلبت انها تقابلني علشان توضحلي حاجه
اتقابلنا في كافيه وقالتي ان بعد الي حصل كان عندها فضول تعرف ليه ماري كذبت عليهم في الشغل؟؟؟
قعدت تتكلم مع الناس علشان تفهم اكثر
في واحد معاهم بيشتغل رسام , و بيستخدم الرسم علشان يعبر عن حزنه وعن كل الي اتعرضله في الماضي من مرات ابوه
ماري كانت معجبه بالرسام ده جدا , و كانت عايزه تلفت نظره
علشان كده كذبت عليه وقالتله عن الاساءه الي بتتعرضلها مني
كان هدفها تكسب تعاطفه وتلفت نظره ليها , ومن هنا بدأت الكذبه
**(ماري فعلا كانت حكيالي عن الرسام وانها معجبه بيه جدا)
(جين) قالتي ان الرسام لما عرف الحقيقه زعل منها ومش بيكلمها
وقالتي معظم الناس في الشغل بيتجنبوها ومش عايزين يتعاملوا معاها
خايفين منها تعملهم مشاكل في الشغل وتقول اكاذيب تانيه عنهم
لما سمعت الكلام ده زعلت علي ماري
لان اصحابنا من الجامعه برضه مش بيتكلموا معاها
(جين) اعتذرتلي
وانا قولتلها مفيش داعي للاعتذار
معتقدتش اني ممكن اكون صاحبه ل جين احنا مفيش بينا حاجات مشتركه.
كلير قاعده معايه دلوقتي شويه علشان اقدر اتغلب علي الاحساس بالوحده
صعب تعيش وحيد بعد ماعشت مع حد لفتره طويله
شكرا لكل حد نصحني واتعاطف معايه انا فعلا ممتنه جدا 🌷🌷🌷
#قصص
