هواية زوجتي المخيفة!!!
الكلام اللي هقوله دلوقتي مجنون جدًا، أقسم إن مراتي ست طبيعية باستثناء طبعًا هوايتها الغريبة دي.
إحنا الاثنين في أواخر الثلاثينات.كل الناس تقريبًا يعرفوا بعض كويس في الحي اللي إحنا بنعيش فيه. طول عمر مراتي بتحب الأفلام والمسلسلات اللي فيها دراما وخيانات زوجية، وكمان أفلام الرعب اللي بتتكلم عن نفس الموضوع. بتحب النوعية دي من الدراما بشكل مرضي بجد.
من كام شهر حصلت مشكلة كبيرة في الحي اللي بنعيش فيه؛ زوجين انفصلوا بسبب الخيانة، ومن وقتها ومراتي مهووسة بتفاصيل الحكاية دي.
أي مناسبة بنتجمع فيها مع الجيران، لازم تفتح سير الموضوع ده وتسأل لو فيه أي معلومات جديدة؟؟؟
بعد شهر من الحكاية دي، كنت في مكتب مراتي اللي في البيت واكتشفت لوحة غريبة.
كنت بنظف المكتب عادي ولاقيت اللوحة دي مقلوبة الناحية التانية؛ كان عندي فضول أعرف إيه اللوحة دي.
قلبتها واكتشفت إن فيها صور كل جيرانا في الحي 😮وقدام صورة كل شخص طالع خطوط غريبة متصلة بصور أشخاص تانيين.
طبعًا استغربت جدًا: إيه اللي مراتي عاملاه ده!!!
سألتها: “إيه ده؟”
قالتلي إنها هواية جديدة، وإنها بدأت تكتب على اللوحة الشائعات اللي بتسمعها عن الجيران والناس اللي مشكوك فيهم. اللوحة مكتوب فيها مين بيتكلم مع مين في السر.
واضح إنها جابت صور الجيران من الفيس بوك أو وسائل التواصل التانية وطبعتها على اللوحة. وقدام كل صورة بتكتب ملاحظة أو بتكتب حاجات بالتفصيل.
قولتلها: “اللي بتعمليه ده مخيف ومجنون.”
قالتلي إنها بتستمع للموضوع ده كهواية ومش بتضر أي حد، ومستحيل تكشف سر أي حد موجود في اللوحة علشان مجرد شائعات.
هي بس بتحب شعور إنها محققة، وقالتلي: “بص على اللوحة كأنها قطعة فنية إبداعية!
لسه حاسس إن الموضوع غريب جدًا، بس حاولت أتجاهل اللوحة وخلاص.
مع إني بفكر فيه كتير، وكل فترة وأنا بنظف ببص على اللوحة تاني.
من يومين وأنا بشوفها، لاقيت صورتي أنا كمان مطبوعة على اللوحة، وطالع منها خيط متوصل مع واحدة من الجيران 😮.
الست دي أصلاً متجوزة، وكل اللي بيربطني بيها كلام عادي لما بشوفها صدفة.
قولتلها: “إنتِ بتحطي صورتي ليه؟ إنتِ بتشكي فيه؟”
قالتلي: “لأ، بص كده، الخيط اللي طالع من صورتك مختلف عن الألوان التانية.”
ده معناه إنك مخلص، وإن ده مجرد احتمال وبس.
بصراحة، غضبت جدًا وفقدت أعصابي في اللحظة دي، وقلت لها: “لو ما اتخلصتش من اللوحة دي، جوازنا هيكون في ورطة.”
بصراحة، الموضوع فعلاً بقى صعب جدًا.
آسف لو طولت الكلام؛ أنا حاسس بالغضب ومش عارف هل لازم أعتذر لها.
هل اللي بيحصل ده منطقي؟
___________
القصة مترجمة من ريديت.
