هل أنا تعرضت للاختطاف عندما كنت طفلة؟
أنا عندي إحساس إنني تعرضت للخطف عندما كنت صغيرة. في جزء من حياتي فاضي تمامًا في دماغي.
مش فاكرة أي حاجة في الفترة اللي كان عمري فيها من 5 إلى 6 سنين!
أنا فاكرة أحداث حياتي كويس لما كان عمري 13 سنة، لكن الفترة اللي قبل كده حاسة إن عقلي مشوش فيها.
أنا عمري حاليًا 21 سنة.
الحاجة الوحيدة اللي فاكرها من طفولتي إنني كنت ببكي في غرفة ضلمة، وكان فيه جهاز تليفزيون، وشرايط فيديو.
كل مرة بسأل ماما عن الموضوع ده، بتغير الكلام بسرعة، وبترفض تجاوبني. هي توفت السنة اللي فاتت، عشان كده أنا مش قادرة أعرف إيه اللي حصل لي.
دورت على اسمي في جوجل، لكن مفيش أي حاجة ظهرت.
جدتي من أمي، ما عندهاش أي وسيلة تواصل اجتماعي، لكن أنا عارفة هي فين. هي عايشة في ولاية تانية بعيدة عني. بفكر أروح أزورها. آخر مرة شوفتها كان من 4 سنين. أنا عارفة إنها لسه عايشة.
عايزة أسألها عن اللي حصل لي، لأني عارفة إنها كانت عايشة مع أمي لما كنت طفلة. أعتقد إنها لو عارفة حاجة هتقولي.
أنا عندي صورة واحدة من طفولتي، وأنا متأكدة إن أمي هي فعلاً اللي ولدتني، لأني عملت اختبار الحمض النووي عشان أتأكد..
#تحديث
روحت أزور جدتي، وحاليًا قاعده في بيتها وقالت لي إيه اللي حصل.
خالي كان مدمن، وكان بيحتاج فلوس طول الوقت. أنا تعرضت فعلاً للخطف من خالي. هو خطفني في عز النهار قدام كل الجيران، أخدني من قدام البيت.
جدتي قالت لي إنه كان غبي جدًا لأنه أخدني لبيته اللي بيبعد 20 دقيقة عن المدينة.
هي مش عارفة هو كان ناوي يطلب فدية ولا كان عايز يبيعني لحد تاني.
وعلشان اللي حصل ده كان في بلدة صغيرة ومن زمان، الموضوع اتحل بسرعة جدًا، مكنش فيه أي تغطية إعلامية غير بس خبر صغير في صحيفة محلية مش معروفة.
جدتي قالت لي إنها بعد كده اتبرأت من خالي. وآخر حاجة سمعتها عنه إنه اتقبض عليه بتهمه تانية.
_______________
(القصة حقيقية مترجمة من ريديت، أصحاب القصة أجانب).
