ماما اعترفت بالحقيقة 🫣😳 قصة

ماما اعترفت بالحقيقة 🫣😳

أنا وخطيبي السابق كنا مع بعض لمدة من 3 سنين. انفصلنا لأن أهلنا (ماما و”حمايا” والد خطيبي) اتخطبوا.

حصلت حاجات كتير بس هحاول أختصر:

🌿-فضلوا شهور ينادونا ب”الإخوات” ويعرفوا الناس علينا إننا “اولادهم”، وكانوا دايمًا بيهزروا كأننا إخوات فعلاً بالدم، مع إننا مش قرايب أصلاً ولا حتى من بعيد.

🌿-لما اتخطبوا، التعليقات زادت عن إننا بقينا عيلة واحدة: هما زوجين واحنا أولادهم. ماما كانت بتقول دايمًا إني المفروض أعتبر خطيبي السابق وأخته زي إخواتي!!

🌿-لما اتخطبوا عملوا حفلة، وخطيبي ما حضرش بس أنا حضرت. في الحفلة، ماما قامت وقالت كلمة شكر .قالت: “شكرًا لأولادنا، على المساعدة في تكوين العيلة الصغيرة الجميلة دي… ما عدا موضوع “العلاقة المحرمة” بتاعكم دة 😳🤯

طبعا كنت محرجة جدا طول الحفلة.

بعدها أنا وخطيبي انفصلنا لأن العيلة كلها، والأصحاب، بقوا يهزروا في الموضوع طول الوقت.

فرحهم كان في يوم عيد الحب.

أنا وخطيبي السابق ما اتواصلناش مع بعض خالص من وقت الانفصال، لكن قبل الفرح خطيبي السابق كلمني وسألني عايزة نتعامل مع الموضوع ده إزاي؟!

اتفقنا يا إما نروح إحنا الاتنين أو ولا واحد فينا يروح.

فضلنا مترددين نروح ولا لأ، بس في الآخر قررنا نروح لأن شكلنا هيبقى أسوأ لو ما حضرناش خالص.

الفرح كان زي أي فرح عادي، لحد ما الـDJ قال إن أهلنا عايزين يهدوا أغنية لـ”اولادهم”. وبعدها شغّل أغنية **Sweet Home Alabama**. طبعًا الناس كلها ضحكت😤

(كلمات الاغنية بتتكلم عن العلاقات العائليه المحرمة😱)

أنا والإكس خرجنا فورًا وسيبنا الفرح، لكن ماما جات ورانا بسرعة. و قالت إن ده مجرد هزار، ومش المفروض نزعل كده، وفضلت تترجانا نرجع تاني.

رفضنا نرجع وفضلنا واقفين برا مستنيين الباص. وإحنا واقفين بدأنا نتكلم، وباختصار قررنا نرجع لبعض ونكمل علاقتنا ❤️🥰

احنا بعدنا عن بعض من كام شهر، بس مشاعر الحب لسه موجودة، وما حدش فينا دخل في أي علاقة تانية الفترة اللي فاتت.

اتفقنا إننا كنا أغبياء علشان خلينا الناس تتحكم في علاقتنا، وقررنا نقلل التعامل مع أهلنا جدًا المرة دي. مش قطع تام، بس تواصل قليل جدًا. وكمان حجزنا جلسات مع استشاري علاقات.

النهارده ماما طلبت مني أقابلها على الكافيه، رحت وكان في نيتي إن ده هيكون الوقت مناسب علشان أقول لها إننا رجعنا لبعض، وأتكلم معاها عن الحدود اللي قررنا نحطها.

لكن وأنا في الطريق، كنت بجري في المطر علشان أوصل، وناسيت اخبي حاجة تخص خطيبي كانت معايا. أول ما ماما شافتها، سألتني على طول الحاجة دي منين. كنت على وشك ألفق أي حكاية ، لكن ماما فجأة قالت: “من أخوكي، مش كده؟” 😳

فقدت أعصابي ورديت عليها: “هو مش أخويا”. ساعتها ماما فهمت كل حاجة وأتاكدت ان احنا رجعنا لبعض.

وقالت لي إن هي لسه متجوزة من أسبوع وأنا بحاول أخرب جوازها.

اتضايقت ورديت عليها إن هي اللي دمرت علاقتي اللي بقالها 3 سنين علشان علاقتها اللي مكملتش 18 شهر، وإننا يادوب لسة بنحاول نصلح اللي باظ بسببهم.

ردت عليَّ بكل هدوء: “واضح إننا ما عملناش خطط كفاية لو أنتم لسة بتصلحوا العلاقة”. 😤

سألتها إذا كانت بتحاول تفرقنا؟!

اعترفت إن هي وزوجها (حمايا) ارتبطوا اصلا من البداية علشان عندهم هدف محدد وهو إنهاء علاقتنا، وكل ده لأننا قلنا قدامهم إننا بندور على بيوت بتبعد ساعتين عن المدينة علشان يكون عندنا جنينة لأولادنا في المستقبل، وهم ما كانوش عايزين يسافروا مشوار اربع ساعات رايح جاي علشان يزورونا.

بعدها اكتشفوا إنهم فعلاً بيحبوا بعض وعايزين يتجوزوا حقيقي، وده زود إصرارهم على انهم ينهوا علاقتنا أكتر. لأنهم فضلوا إننا نبقى مكسورين ومجروحين بدل ما أصحابهم والعيلة يفتكروا إن علاقتهم “غريبة” 😡

فكل الموضوع ده بدأ أصلاً علشان يتأكدوا إننا ما نسافرش ونعيش على بُعد ساعتين منهم، ودلوقتي بقى هدفهم الأساسي إن أصحابهم وعيلتهم ما يفتكروش إن علاقتهم “غريبة”.

ماما روحت من ساعة. وخطيبي في الشغل دلوقتي، ولسة مش عارف أي حاجة عن اللي حصل. وأنا لسه قاعدة في الكافيه وبكتب الكلام ده وأنا في مصدومة.

أعمل إيه دلوقتي؟ عارفة إني لازم أقول لخطيبي لما يخلص شغله، بس إزاي نواجه أهلنا بعد كده؟ وازاي نتعامل مع القصة الغريبة دي؟

🌿اتكلمت مع خطيبي وهو قالي انه كان شاكك في الموضوع ده من زمان وواجه والده بس حمايا أنكر وخطيبي سكت وقتها وخلاص.

في الاخر قررنا أن علاقتنا هتستمر ودلوقتي بندور علي بيت مناسب علشان نتجوز فيه (بعيد عن المدينة)

في ناس أقترحت نعمل اختبار DNA علشان نطمن أننا فعلا مش أخوات …. عملنا كدة وأتأكدنا أن احنا مش أخوات ولا حاجة.

أنا بحب خطيبي وهو كمان بيحبني ومن حقنا نكون مع بعض ❤️🥰

(القصة حقيقية مترجمة من ريديت)

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى
error: Content is protected !!