مستقبل صاحبتي 🎓💁♀️
أنا بنت عمري 22 سنة، صاحبتي المقربة قدرت تاخد منحة كاملة من الجامعة بتغطي “المصاريف، الإيجار، والكتب”. هي اصلاً شاطرة جدًا في الدراسة ودائمًا اسمها مكتوب في لوحة الشرف. وإحنا دلوقتي في تالته جامعة.
برغم إنها شاطرة في الدراسة جدًا، بس المشكلة إنها ساذجة. ودايمًا بتتورط في حاجات غريبة زي شركات التسويق الهرمي. وبترتبط بناس أكبر منها بيستغلّوها. وحاجات زي كده كتير.
وهي في بيت أهلها في الصيف، بدأت تقضي وقت مع حبيبها القديم من أيام المدرسة الثانوي (عمره 20 سنة). وفي آخر الصيف، طلب منها انهم يرتبطوا رسمي.
علي فكرة أنا بحب الشخص ده وبحس إنه فعلاً كويس، بس علاقتهم بقت جد بسرعة جدًا. والمشكلة إنها قالتلي إنها بتفكر تنقل لجامعته.
قلت لها إن ده كلام مش معقول، لأنها هتضحي بالمنحة وهتضطر تاخد قروض.
طلعت مقدمة على التحويل فعلًا. والنهارده وصلها خطاب القبول في جامعتة وكانت فرحانة جدًا!
أنا قلتلها بصراحة إن ده قرار غلط، بس هي كالعاده ساذجة جدًا. ومامتها زيها بالظبط.
مامتها شايفة إن ده الحب الحقيقي” اتنين من بلد صغيرة اتقابلوا تاني بالصدفة”. وصاحبتي كل شوية تقول إن ده زي قصة حب مامتها وباباها، وإنها لازم تمسك في العلاقة دي بإيديها وأسنانها. (على فكرة، أهلها مطلقين).
تفتكروا في حاجة ممكن أقولها أو أعملها تخليها تغيير رأيها؟ أنا اتكلمت معاها كتير ومفيش فايدة.
▪️تحديث بعد 3 سنين ونص:
أنا وصحبتي عندنا دلوقتي 25 سنة والحمد لله لسه قريبين من بعض. هي فعلاً نقلت للجامعة التانية وخسرت المنحة. كمان اتخرجت متأخر بسبب النقل.
الموضوع كلفها أكتر من 30 ألف دولار قروض طلابية، وطبعًا ندمت على اللي عملته.
العلاقة بينها وبين حبيبها ما كملتش. هو كان عايز يخرج ويسهر ويحتفل، وهي تفضل في البيت تطبخ وتنضف وراه. انفصلوا بعد سنة. وكان لسه فاضل لها ترم عشان تتخرج، وكان صعب جدًا عليها لأنها ما كانش عندها اصحاب غيره وكانت وحيده.
بعد التخرج، اشتغلت “مدرسة”، فبقى عندها مرتب تقدر تسدد بيه القروض.
بشكل عام هي مبسوطة. ودلوقتي مخطوبة لشخص تاني وقربوا يتجوزوا.
هي دلوقتي بقت أقل سذاجة ومابقتش تثق قوي في نصايح مامتها. التجربه دي فتّحت عينيها وبقت حريصة أكتر.
_____________
القصة مترجمة من ريديت، أصحاب القصة أجانب.
