زميلي القديم 👫📚 قصص

قصص

زميلي القديم 👫📚

أنا بنت عندي (29 سنة) طول عمري كنت شاطرة، خصوصا في الحساب. وده كان معروف في المدرسة.

أنا عندي شلل دماغي وبمشي بعكازين، فتقدر تتخيل التنمر اللي كنت بتعرضله في المدرسة.

في سنة من السنين، غيروا الفصول وبقيت مع زمايل جداد. التنمر بقى أسوأ، لكن في ولد من المشهورين في الفصل بدأ يدافع عني. في الأول كنت مستغربة، بس لما أداني كراسات الواجب بتاعتة، فهمت.

ومن هنا بدأت علاقتنا اللي ممكن نسميها “تبادل مصالح”. التنمر وقف، وفي المقابل بعمله الواجب كل يوم.

أحنا مكناش بنتكلم مع بعض. وفي المرات النادره اللي اتكلمنا فيها كان بيبقي عصبي معايا جدًا.

فضلنا علي الحال ده لمدة 3 سنين، هو درجاته اتحسنت. وأنا كنت فرحانة إن حياتي في المدرسة بقت هادية. اتخرجنا ومتكلمناش تاني ولا شفتُه من وقتها.

بس من أسبوعين تقريبًا، بعتلي رسالة على إنستجرام. حكالي قد إيه حياته بقت كويسة، وعرض يشتري لي بيت وعربية 😳🚗🏠

في الأول افتكرت إنها عملية نصب، لكن عملنا مكالمة فيديو، ووراني حاجات تثبت كلامه، وطلع الموضوع حقيقي.

باختصار، طلع انه دلوقتي بقة راجل أعمال ناجح جدًا، وعنده ملايين وعايش بره البلد. قالي إنه دايمًا فاكرني، عشان أنا ساعدته يوصل للمكانة اللي هو فيها دلوقتي.

قال إنه عايز يرد لي الجميل، لأنه عارف قد إيه الحياة بتكون صعبة لما تكون من ذوي الإعاقة وكمان ست، خصوصًا في بلدنا.

هو عنده حق، بس أنا دلوقتي بخير الحمد لله.

الحقيقة أنا رفضت كل عروضه. لكن فجأة جاتلي مكالمة من مركز طبي (وهو أغلى مركز طبي عندنا) بيقولوا لي إنه دفعلي تمن 3 سنين علاج طبيعي (إزاي عرف إني بعمل علاج طبيعي؟ معرفش!).

بدأت أروح المركز. ودلوقتي خلصت أول جلستين، وحسه بتحسن كبير جدًا💪✨

لسه مش فاهمة حاجة! أنا كنت شايفة علاقتنا مجرد تبادل مصالح وبس، وهو دلوقتي جاي يقول إنه مديون لي؟؟؟؟ أنا بجد محتارة.

🌿الناس علي ريديت قالولها أقبلي الهدية. دي شوية من التعليقات:

1.دي لفتة لطيفة، المفروض تقبليها وتشكريه عليها. ما ترفضيش حد بيحاول يكون طيب معاكي، خصوصا لو باين إنه نيته سليمة ومفيش حاجة وحشة وراها.

2. هو الوحيد اللي يعرف قد إيه الواجب اللي عملتيه كان ليه تأثير كبير على حياته.

3. إنتي عملتيله الواجب بتاعه لمدة 3 سنين، وهو دفع تمن العلاج لمدة 3 سنين. ده معناه إنه عارف بالظبط هو بيعمل إيه، وعايز يشكرك دلوقتي. علي فكرة الحاجة اللى ممكن تبان انها كريمّة جدًا، بالنسبه للناس الاغنياء قوي بيبقي كأنه رايح يشتري غدا.

4. أكيد لما درجاتة زادت قدر ياخد منحة كويسة وممكن تكون غيرت حياتة. اقبلي الهدية ودوري علي بيت يكون مريح عشان ترتاحي من الايجارات أو الديون.

5. بلاش ترفضي النعمة.

6. الدرجات الكويسة في المدرسة الثانوية = جامعة كويسة = حظ في الحياة علشان تكسب ملايين.

هو عايز يرد الجميل. وبصراحة العرض ده مدهش جدًا

🌿تحديث:

أنا خلاص بعتله رسالة علشان نتكلم عن العرض اللي قدمه (هو كان قايلي إن العرض لسه متاح حتى بعد ما رفضته)، بصراحة أنا ناويه أختار حاجات مش غالية قوي.

شكرًا للناس هنا، انتوا خليتوني محسش بالذنب.

🌿تحديث:

عملنا مكالمة فيديو تانية وشرحتله ليه أنا كنت مترددة أقبل، وقلتله كل الشكوك والمخاوف اللي عندي بخصوص الموضوع كله. وكنت صريحة جدًا معاه.

هو كمان فتحلي قلبه وحكى حاجات صعبة في حياتة مكنتش أتخيلها أبدًا.

في الآخر اتفقنا إنه يكمل دفع أقساط العربية بتاعتي. وكمان لقينا شقة صغيرة وحلوة في منطقة كويسة هكون مرتاحة فيها أكتر.

(أنا معايا محامي بيخلص كل الورق، شكرًا لكل الناس الطيبة اللي اقترحت الفكرة دي).

حاولت اشكره من قلبي، وأتمنى إنه يكون فعلاً فهم قد إيه الموضوع ده كبير ومهم بالنسبة لي. كمان شكرته عشان كان بيحميني في المدرسة.

حاسه إن الفصل ده من حياتي خلاص اتقفل، وأعتقد إن هو كمان كده. مش متوقعه إننا نتكلم تاني، ولا حتى هينفع نبقي أصدقاء. هو فعلاً عايش في عالم تاني، وحياتنا مختلفه خالص عن بعض.

هو قالي إنه لو رحت بلده (مش أمريكا طبعًا) لازم أكلمه علشان نتقابل.

بصراحة أنا فرحت لما شفتة أنسان ناجح كده. ومبسوطة إني قدرت أعبّر عن كل مشاعري وأفكاري 💪✨

(القصة مترجمة من ريديت. أصحاب القصة أجانب).

 

قصص واقعية مكتوبة قصيرة
قصص واقعية حب
قصص واقعية حقيقية
قصص واقعية حقيقية فيها عبرة
قصص واقعية من الحياة مؤثرة
قصص واقعية مكتوبة طويلة
قصص واقعية قصيرة للبنات
قصص واقعية صادمة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى
error: Content is protected !!