خطيبة بابا عايزة تتخلص مني!!!
أنا بنت عمري 15 سنة. أمي اتوفت من 5 سنين، وأنا بفكر فيها كل يوم. بعد وفاتها، بابا جاله اكتئاب شديد، وعشان كده كان لازم أعتمد على نفسي في حاجات كتير.
من قريب، بابا قالي إنه ارتبط بواحدة ست (43 سنة)، واضح إنه اتعرف عليها من فترة. لاحظت إن بابا سعيد، وأنا كمان كنت فرحانة علشان أكيد مش عايزة بابا يفضل وحيد للأبد. بس بعد كده حسيت إن أمي بتتمحي تمامًا!
مبقاش عايز يتكلم عنها خالص، وتخلص من كل الصور اللي بتجمعهم مع بعض.
بابا قالي إن خطيبته هتقضي عيد الميلاد معانا.
بصراحة، الخبر كان سيئ بالنسبالي وماكنتش فرحانة، أنا حتى ما أعرفهاش، بس ماقولتش حاجة وسكت.
شُفتها في يوم عيد الميلاد.
أنا وبابا من زمان عندنا طقوس معينة بنعملها اليوم ده من سنين: لازم نحط النجمة على الشجرة مع بعض، ونتفرج على فيلم The Grinch. إحنا بنعمل ده من وقت ما كانت ماما لسه معانا.
لما خطيبته جت عندنا، هي اللي حطت النجمة معاه مش أنا، ووقتها كنت في الحمام.
كمان ما اتفرجناش على الفيلم، لأنها بتكرهه! 😢
أنا عارفة إني ممكن أبان طفولية ومدلعة، بس بصراحة كنت غضبانة جدًا، علشان دي حاجة إحنا بنعملها مع بعض طول عمرنا، تيجي هي في لحظة تدمر كل حاجة؟! 😢
خطيبته ماحاولتش أبدًا تتعرف عليَّ طول الليلة، كانت بتتكلم مع بابا وبتتجاهلني.
قولت لبابا إني زعلانة علشان ماعملناش الحاجات اللي متعودين عليها كل سنة، قالي: “الأمور بتتغير، ولازم تكبري.”
بصراحة، مش بحب خطيبة بابا ومش بقرب منها أبدًا، لأنها بتسببلي شعور سيئ.
هي اشتكت لبابا، فزعل مني وقالي: “بلاش ترفضيها.”
أنا عايزة بابا يكون سعيد، علشان كده حاولت أكون ودودة معاها أكتر.
المشكلة إنها غريبة. لما بابا يكون موجود، تمثل قدامه إنها لطيفة معايا. ولما نكون لوحدنا، بتتجاهلني أو بتتكلم معايا بوقاحة. ومرة قالتلي: “إنتي مدلعة وبتصعّبي على بابا حياته!”
لما اشتكيت لبابا، رفض يصدقني وصرخ فيَّ، وقالي إني بحاول أخرب علاقته بخطيبته، وإنِّي عايزاه يفضل وحيد طول عمره، ووصفني بالأنانية!
انصدمت جدًا، لأن ده مش حقيقي.
بعدها، بابا بدأ يعاملني كأني مش موجودة…
يومها جالي نفس الشعور اللي حسيته يوم وفاة أمي. 😢
في يوم، كنت صاحية لوقت متأخر. ماكنتش عارفة أنام، وحسيت بالجوع، فقررت أدخل المطبخ أعمل لنفسي وجبة خفيفة.
اكتشفت إن خطيبته واقفة في المطبخ بتتكلم في التليفون مع صاحبتها، فجه في بالي أسمع هي بتقول إيه.
خطيبته كانت بتتكلم عن بابا، وقد إيه هي بتحبه…
بعد كده قالت: “بس عنده بنت غبية! تفتكري الأطفال ممكن يتعرضوا للتبني لغاية كام سنة؟”
وفضلت تضحك هي وصاحبتها!
قالت عليَّ: “وقحة صغيرة!” وإنها بتكرهني، وبدأت تتكلم عن دخولي مدرسة داخلية!
رجعت أوضتي، وماسمعتش باقي الكلام…
كنت تعبانة ومنهكة من كتر العياط، ونمت.
لسه ماقولتش لبابا حاجة، ومش متأكدة أصلًا المفروض أقوله ولا لأ… خايفة يكذبني.
أنا بجد مفتقدة أمي، وبفكر أروح أعيش مع جدو وتيتة (من ناحية أمي). بس مش عايزة بابا يفتكر إني بسيبه.
أعمل إيه؟ إزاي أخلي بابا يسمعني ويصدقني؟ لو مشيت، أبقى غلطانة؟
🌹 تحديث
اتكلمت مع جدو وتيتة، وقلت لهم على كل حاجة، وسألتهم لو ينفع أعيش معاهم؟ وافقوا فورًا.
بعدها، اتكلمت مع بابا وحاولت أحكيله اللي سمعته.
قلت له إني محاولتش أسجل لخطيبته أو أصورها، علشان عارفة إن ده هيزعله.
مفيش فايدة! برضه رفض يصدقني 😢 وقالي: “إنتي حاسة بالغيرة من خطيبتي، ورافضة إن واحدة تانية تشاركني في حياتي.”
غضبت، وقلت له: “أنا همشي علشان تعرف تعيش حياتك بسعادة للأبد، من غير ما أكون عبء عليك!”
شكله كان مصدوم، بس ماقالش حاجة…
حضَّرت شنطي، علشان أنقلها لبيت جدو. (كنت من الأول مجهزة الشنط).
بابا ما اتكلمش معايا لآخر اليوم.
جدو وصل، وأخدني معاه. من وقتها، ما روحتش البيت خالص، وماعرفش أي حاجة عن بابا.
جدو قالي إنه هو اللي هيتعامل في الموضوع ده مع بابا، وبلاش أنا أدخل في حاجة.
أنا حزينة علشان بابا مش بيتواصل معايا، ولا حتى حاول يبعتلي رسالة يطمن عليَّ. 😢 بس بصراحة، أنا مرتاحة جدًا في بيت جدو!
تيتة هي أطيب إنسانة في الدنيا كلها! 😍
جدو يبان من بره قاسي شوية، لكن في الحقيقة هو قلبه طيب. ❤
🌹 تحديث
بابا زارني في بيت جدو، وخطيبته كانت معاه.
قالي: “اتكلمي مع خطيبتي، وشايفين إن من الأفضل تعيشي هنا على طول.”
قالي: “تعالي نظفي غرفتك بالكامل، وأنا هساعدك تنقلي باقي أغراضك كلها اللي لسه موجودة هناك، لبيت جدو وتيتة. وبعدها، لازم ناخد استراحة من بعض، علشان نعيد تقييم الأمور. الاستراحة ممكن تكون كام شهر، أو أياً كان الوقت اللي هنحتاجه.” 😢
خطيبته قالت لي إنها هي اللي هترعى بابا وتهتم بيه…!!!
بعد كام يوم، هروح مع جدو ألمّ باقي أغراضي وأوراقي المهمة.
أعتقد إنِّي مش هروح البيت تاني لفترة طويلة…
أنا دلوقتي عندي بيت جديد.
بصراحة، في تعليقات زعلتني جدًا.
في ناس كتبوا إنِّي بفكر بابا بماما، علشان كده هو بيتصرف كده معايا. وإن بابا عايز يتخلص من أي حاجة بتفكره بماما، وإنِّي كنت آخر جزء من ذكرياته معاها، علشان كده منطقي إنه مبقاش عايزني.
أنا شايفة إن بابا عايز يبدأ من جديد، وأنا للأسف مش في خطته الجديدة… 😔
القصة مترجمة من ريديت.
قصص
قصص واقعية
قصص مكتوبة
قصص قبل النوم
قصص حب
قصص عربية
قصص رائعة
قصص مكتوبة قصيرة
