
حلاوه البدايات ❤️🥰✨
#حواديت_الاجانب
أنا راجل (29 سنة) كنت المفروض أروح أجيب بنت أختي (صوفي – 7 سنين) من المدرسة الابتدائية وأقضي يوم معاها. مامتها مبلغة المدرسه أن أنا اللي هستلمها.
صوفي كانت بتجري ناحيتي، لكن للأسف اتكعبلت ووقعت. ركبتها اتعورت وابتدت تعيط بشكل هستيري. على طول أخدتها لغرفة الممرضة. الممرضة كانت في أوائل العشرينات وساعدت صوفي إنها تنظف الجرح.
أنا بحكي لبنت أختي كتير عن شغلي، ف صوفي سألت إذا كانت محتاجة غرز؟ ولو محتاجة، كام غرزة ونوعها ايه؟ وحاجات زي كده.
الممرضة كانت منبهرة. ورّت صوفي شوية أدوات وسألتها إذا كانت عاوزة تبقى ممرضة زيها ؟ صوفي قالت لاء، هي عايزة تبقى دكتورة زي خالها، اللي هو أنا.
الممرضة زعلت شوية وسألتني ليه ما قلتش من الأول أنك دكتور. بصراحة كنت متلخبط، وقلت لنفسي ليه أصلاً لازم أقولها؟
حاولت أجاملها وقلت لها إنها شاطرة جدًا في شغلها، وإني كنت مستمتع وأنا بشوف حد محترف بيشتغل.
قالت إن كلامي فيه مجاملة زيادة عن اللزوم.
قلتلها إني صادق وشكرتها لانها عالجت ركبة صوفي.
وإحنا خارجين، قالت إنها مستحيل كانت تتوقع اني دكتور لأن شكلي أحسن بكتير من الناس اللي في نفس المجال.
شكرتها تاني وقلت إني مقدر مساعدتها جدًا 😊
قالت إني لسه مديون ليها. عشان ما قلتلهاش علي شغلي، وإني كنت قاصد اختبرها و أشوفها شاطرة ولا لاء.
اعتذرت وقلتلها إن ده مش قصدي خالص.
ردت “ممكن تلاقي طريقة تعوضني بيها”
أنا قلتلها تمام، بس أنا وصوفي لازم نمشي دلوقتي 😊
مش عارف لو كنت غلطان…كان المفروض أقولها شغلي ولا لاء؟ 🤔
🌸تعديل:
حابب أشكر الناس على التعليقات اللطيفة. أنا بجد ماكنتش فاهم خالص، وانتوا عرفتوني انها معجبه بيا وكانت بتحاول تلفت نظري.
🌸تحديث:
سمعت النصايح، وطلبت من أختي إني أستلم صوفيا من المدرسة.
قبل ميعاد الخروج بـ10 دقايق، رحت مكتب الممرضة ومعايا بوكيه ورد، شكرتها إنها اهتمت بركبة بنت أختي. وسألتها لو عندي فرصة أعوضها عن قلة ذوقي المرة اللي فاتت. والحمد لله، وافقت. 😊💐
امبارح خرجنا في ميعاد، واتمشينا على البحر وبعدها اتعشينا.
احنا انسجمنا جدا مع بعض ❤️
🌸قصة جديدة:
أنا راجل بشتغل في شركة.
من حوالي ست شهور، بدأت ألاقي ورق صغير محطوط في الدرج بتاعي.
الورق دايمًا مكتوب فيه حاجات بسيطة ولطيفة زي “شكلك شيك النهارده” ❤️
بعد حوالي شهر، عرفت مين اللي بتبعت الورق. خطها مميز جدًا، عشان كده كشفتها بسهولة.
طلعت بنت بدأت تدريب عندنا السنة اللي فاتت.
أنا مش عايز أقولها إني عرفتها، لأني بحب أستلم الورق ده. بصراحة ده أحلى جزء في يومي، وكمان ساعات ببص عليه في البيت لو يومي كان وحش.
🌸 تحديث:
حد اقترح عليا أسيب لها ورقة وأعزمها في مكان، وده اللي عملته. سبت ورقة مكتوب فيها:
“أنا كمان معجب بيكي. تحبي نروح نشرب قهوة بعد الشغل؟ وتحتيها رسمت صندوقين: “نعم” و”لاء”.
أيوة، عارف إنها حاجة طفولية، بس فكرت إنها حركة لطيفة وممكن تعجبها. لما فتحت دولابي بعد الشغل، لقيت إنها رجعتلي الورقة ومعلّمة على صندوق “نعم” 🎉
استنيتها بعد الشغل (هي بتخلص شغلها بعدي بنص ساعة).
روحنا نشرب قهوة. وقضيت معاها وقت رائع، وأظن أن هي كمان انبسطت لأنها بعتتلي رسائل كتير بعد ما روحت البيت.
اتفقنا نتقابل تاني في الويك إند.
بتمني اننا نرتبط. بصراحة هي بنت رائعة جدًا.
شكرًا لفكرة الورقة ولكل الناس اللي شجعتني أكلمها.
هي قالتي انها مكنتش عارفه أنا معجب بالورق ده ولا حاسس انه حاجة بايخة، بس هي كانت مستمتعة وهي بتكتب التعليقات دي.
قولتلها لاء… ماكنش بايخ خالص بالعكس أنا كنت فرحان.
أكيد هفضل محتفظ بكل الورق ده علي طول ❤️
🌸قصة جديدة:
عرض الجواز 💍👰
أنا وهي كنا مرتبطين من أيام المدرسة الثانوية. لكن كل واحد فينا راح جامعة مختلفة وانفصلنا، وبعد 10 سنين وبطريقة غريبة جدًا، اتقابلنا صدفة ورجعنا لبعض تاني.
أنا مخطط أطلبها للجواز بطريقة مميزة جدًا! 🎉
أنا ناوي أأقدم لها الخاتم واحنا بنتفرج علي فيلمها المفضل في السينما.
القاعة هتكون فيها ناس عادية، لكن وسط الجمهور هيكون في أصحابنا وأهلنا مستخبيين (ورا خالص) عشان يشاركونا اللحظة ويفاجئوها بعدين 😍 🎬
عشان أتأكد إنها ما تاخدش بالها أن أهلنا أصحابنا موجودين، حجزت 20 كرسي في النص عشان يعملوا عازل.
لو مهتم إنك تكون واحد من الناس اللي هيقعدوا علي الكراسي دي، ابعتلي رسالة! 🙌
في المقابل، هتستمتع بـ:
– مشاهدة مجانية لفيلم “Sleeping Beauty” 💤✨
– بيتزا أو عصير بعد العرض 🍕
– ليلة جميلة ومليانة ذكريات حلوة 💖
شكرًا ليكم! 🙌
تعديل: يا جماعة، بحبكم جدًا! ❤️ كمية الناس اللي مهتمة فاقت كل توقعاتي. شكرًا لكل واحد بعتلي أو اتواصل معايا 😊
لمشاهدة الفيديو الحقيقي لعرض الزواج اضغط هنا.
(القصص مترجمة من ريديت..أصحاب القصة أجانب).