
الموظفة الجديدة 👩💼
أنا بشتغل في بيزنس صغير محلي من 12 سنة. إحنا حاليًا 8 موظفين بس، وعندنا نقص في العمالة.
من 3 أسابيع، المدير وظف واحدة ست جديدة عندها 50 سنة، هنسمّيها “كارين”. هي في الأول كانت فرحانة جدًا إنها اشتغلت.
كارين ظروفها صعبة قوي، جوزها مش بيشتغل (اتعرض لحادثة عربية)، وبيتهم علي وشك انه يتحجز عليه. هي بقالها شهور بتدور على شغل بس محدش كان راضي يشغلها، عشان معندهاش أي خبرة وعمرها ما اشتغلت قبل كده.
هي طول عمرها “ست بيت” (وما عندهاش أطفال).
في الأول، أنا وكارين كنا متفقين مع بعض ومفيش بينا أي مشاكل. لكن حصلت مشكلة الأسبوع اللي فات.
كنا بنتكلم عادي وبعدين في وسط الكلام قالتي أن عندها 5 كلاب، وأنا بس علقت وقلتلها إني مش بحب الكلاب خالص ومستحيل يكون عندي واحد.
هي أخدت الكلام ده كأنه هجوم شخصي عليها!!
أول ما سمعت الكلمة دي وشها اتقلب وبعدت عني واتجاهلتني طول اليوم.
فجأة بالليل، بدأ يجيلي إشعارات من فيسبوك..أكتشفت أن “كارين” دخلت بروفايلي وقررت تعمل ريأكت “ضحك” علي كل صور أطفالي! 😳
وكأن اللي فات ده مش كفاية، لاء دي كمان كتبت تعليق تحت صورة ابني الصغير (اللي عنده 6 شهور) بتقول: “إيه ده، ما بتحبيش الكلاب بس بتحبي الحاجات الوحشة دي؟ مع ايموجي 🤮🤮
وبعدها بـ30 ثانية تقريبًا، كتبت تعليق تاني على صورة ابني اللي عنده 12 سنة وبنتي اللي عندها 10 سنين، بتقول: “مقرف” 😡
أنا أخدت “سكرين شوت” لكل حاجة وبعدين عملتلها بلوك. تاني يوم رحت للمدير وخليتة يشوف كل حاجة، وقلتله: “يا تفصلها دلوقتي حالًا، يا أنا اللي همشي. مستحيل أشتغل في نفس المكان مع الست دي.”
بالصدفة، كارين دخلت مكتب المدير وأنا لسه جوه، وهو على طول قالها: “اجمعي حاجاتك من المكتب وامشي.”
هي سألت ليه، والمدير شاور علي ال “سكرين شوت” وقالها: “علشان كده.”
طبعًا، بدأت تهاجمني وتزعق، وتقول إن أنا السبب إنها اتفصلت، وإنها محتاجة الشغل جدًا عشان مش هتقدر تدفع الإيجار وصاحب البيت هيطردها، وإن ماحدش تاني هيقبل يشغلها.
وقالت إنها مش مصدقة إني “حساسة بالشكل ده”، وإنها بس كانت عايزة تعرفني هي حست بأيه لما أنا “قولت في وشها إني مش بحب الكلاب.”
تفتكروا كان عندي حق ولا أنا غلطانة ؟
(القصة مترجمة من ريديت. أصحاب القصة أجانب).