انا عمري 31 سنه
خطيبي عمره 33
اعرف خطيبي من 7 سنين
اتعرفنا علي بعض في الجامعه
وكنا بنروح كمان نفس النادي
في الجامعه كنا مجرد اصدقاء عاديين
بعد ماخلصت دراستي لما كان عمري 24 , بالصدفه اشتغلت في نفس الشركه الي هو بيشتغل فيها
الاول عزمني علي قهوه
في نهايه الاسبوع فطرنا سوي
وفي خلال ست شهور كانوا الاهل اتعرفوا علي بعض 
هو الشريك المثالي بالنسبه لي
انا كنت مغرمه بيه جدا ولسه لحد دلوقتي عندي نفس الاحساس
خطيبي مرح جذاب لطيف سريع البديهه طموح ورائع
هو اصلا حب حياتي 
اتخطبنا وكنت في قمه سعادتي
انا اصلا ماكنتش قلقانه , انا متأكده اننا هنتجوز
و هو قالي انه عنده نفس الشعور
لدرجه اني قولتله اني مش محتاجه خاتم خطوبه
لاني مش بحب المجوهرات ومش عايزاه يكلف نفسه علي حاجه مش مهمه بالنسبه لي
طول سنين خطوبتنا كنت في قمه السعاده
وكنا متحمسين علشان نبدأ نكون اسرتنا
بدأت احس اني نفسي ابقي ام 
اتكلمنا واتفقنا اننا نتجوز خلال ست شهور علشان احقق حلم الامومه
وطبعا ده معناه شغل اكثر وسفر دولي علشان نقدر علي الالتزامات الماديه الجديده للجواز والخلفه
كنت حاسه بالسعاده والحماس
في خلال الست الشهور دول كان خطيبي مشغول قوي زياده عن اللزوم
بس ما فكرتش ان في اي حاجه غريبه
بالعكس عملت مجهود علشان احاول اخفف الضغط من عليه
(رغم اني بتعرض لضغوط في شغلي انا كمان)
كنت بحاول انظم مواعيده , بتحمل لما بيغيب اسبوع او اسبوعين
مابقناش بنقضي مع بعض وقت كبير وكان بيوحشني و بفتقده
بس اعتقد ان احنا لسه سعداء مع بعض
هو بيكبر في شغله و لسه بنضحك مع بعض وعلاقتنا كويسه قوي
خلصت الست شهور و ضغط الشغل خف…….حاسيت بالراحه
بس لاحظت انه لسه بعيد عني
بيستخدم تليفونه كتير لما بيكون معايه
وعامل نظام حمايه علي التليفون !!!
انا بطبعي مش غيوره وعندي ثقه جامده في خطيبي , علشان كده
ما فكرتش في الموضوع كتير.
بعد ما عدي شهر كمان اتكلمت معاه في موضوع الجواز زي ما اتفقنا
حاسيت وقتها ان في حاجه مش طبيعيه
فضل هادي وساكت شويه بعد كده فجر المفاجأه!!!
قالي انه مش سعيد في علاقتنا , هو حاسس كده من فتره
و انه بيهتم بيه جدا , بس الشراره الي كانت بينا اختفت
هو قرر انه مش قادر يكمل , واني مش غلطانه في اي حاجه
بس خلاص هو حاسس اننا دلوقتي مش مناسبين لبعض
مش عايز يأذيني بس مايقدرش يكمل حياته مع واحده هو مش شايفها فتاه احلامه
قالي انا اسف بس ما اقدرش اعيش كذبه 
ما اعتقدتش اني نطقت بكلمه واحده وانا بسمع كل ده
كان عندي صدمه شديده وذهول
كنت ساكته بسمعه و ابكي
لما خلص كلام كل الي قولته:
“اوك” “انا اسفه” “ماكنتش اعرف” “انت لسه بتحبني؟”
سكت شويه وقال انه كان بيحبني , بس دلوقتي مش بيحبني زي الاول
فضلنا وقت طويل نتناقش في مشاعرنا وعلاقتنا
لدرجه ان احنا الاتنين طاقتنا خلصت و حتي مش قادرين نبكي اكثر من كده
في النهايه قالي انا اسف مره تانيه ومشي 
في الاول ما كنتش ببكي لاني مش عارفه استوعب الي حصل
بس بعد كده انهارت تماما 
اخدت 5 ايام اجازه وبعدها اسبوع تاني (ده طبعا ضايق مديري قوي)
مش قادره اقوم من علي السرير حتي مش قادره اكل
عايشه علي برطمان زبده فول سوداني قديم
بصيت لكل صورنا وحاولت اعرف ايه سبب كل ده!!!
بعد 4 شهور حاولت علي اد ما اقدر اكمل حياتي
حذفت كل وسائل التواصل من تليفوني علشان مابقاش مجبره اشوفه
هلكت نفسي في الشغل علشان ما فكرش
زاد وزني , قررت امارس الرياضه علشان اشغل عقلي……
اتقابلت مع العيله والاصدقاء واتظاهرت قدامهم ان كل حاجه كويسه
ورجعت تاني اخد جلسات مع المعالج النفسي
ساعدني شويه
واعتقدت اني خلاص يادوب شوفت النور في نهايه النفق ولسه ببدأ اتعافي شويه
فجأه بعد شهر حصلت حاجه رجعتني لنقطه الصفر تاني
كان عدي 5 شهور
و من وقتها وانا وهو ما اتكلمناش مع بعض تاني
بالصدفه قابلت صديقه مشتركه بينا من الكليه
قالتلي انها حزينه علشان احنا مابقناش مع بعض
وهي مندهشه ازاي خطيبي السابق عرف يتخطي الموضوع بالسرعه دي!!!
قولتلها انا دلوقتي مش بتابع اخباره , وخلاص باقيت احسن
رجعت البيت ونزلت انستجرام تاني
انا عارفه ان دي فكره سيئه
روحت علي ملفه الشخصي
وكان اخر صوره منزلها ليه من فرح بنت عمه
في الصوره كان ماسك ايد بنت رائعه
وكل صورنا مع بعض اختفت
انا عارفه الي عملته كان غلط واني بدمر نفسي
بس قررت ادخل علي بروفايل البنت الي معاه وكمان ادور علي جوجل واعرف هي مين؟؟؟
هي حرفيا نسخه اصغر مني واذكي واجمل وافضل
احنا الاتنين درسنا في نفس الكليهبس هي قادرت تكمل برنامج مرموق انا اترفضت منه
احنا الاتنين لون عنينا اخضر و شعرنا بنيلكن هي اجمل مني بكثير , شكلها كأنها عارضه ازياء
احنا الاتنين رفيعين , وعندنا لياقه بدنيه عاليهبس هي جسمها علي شكل الساعه الرمليه المذهل , كمان شكلها انيق قوي وعندها الاف المتابعين
احنا الاتنين بنشتغل في نفس الشركهلكن هي اتعينت في قسم مميز جدا في الشركه بعد التخرج علي طول
واكيد بتكسب فلوس اكثر مني , وعمرها 24
(انا متأكده تماما ان خطيبي السابق اتعرف عليها عن طريق الشغل)
هي نسخه محسنه مني , اصغر مني بسبع سنين
وخطيبي السابق بيحبها
علي المدار الشهر كله كنت بعيش في دوامه
مش عارفه ابطل اتابع اخبارهم
كل يوم بفتح حسابها واعذب نفسي بصورها الرائعه
هي نشرت عشرات الصور معاه
خطيبي السابق شكله سعيد معاها , و صحي ولياقته البدنيه عاليه
عرفها علي اهله , ونشر صوره ليهم وكتب عليها تعليق عاطفي
هو عمره ما عمل كده معايه
مفيش اي دليل , بس عندي شك كبير انه اتعرف عليها لما كان لسه معايه
هي اشتغلت في الشركه من حوالي سنه
انا عارفه ان تصرفاتي مش صح واني مهووسه
علشان كده خذفت انستجرام وقولت لنفسي كفايه لحد كده
مفيش فايده
صاحيت تاني يوم نزلت التطبيق تاني وكررت نفس الي بعمله تاني
المعالج حاول يساعدني
بس انا مش عارفه اتغيير
انا واقفه في نفس المكان مش عارفه اتحرك
وحاسه اني بكره نفسي وبشفق عليها
عندي مشاعر حزن علي غضب شديد
ما عنديش اي ثقه في نفسي
حاسه اني مستهلكه , مهمله , وفجأه حاسيت اني اتحولت لست عجوزه
المقارنه فعلا مزعجه
عارفه اني لسه صغيره واقدر اتخطي الي حصل
عارفه ان وسائل التواصل هي مجرد لقطات ممكن تكون مش حقيقيه
وعلاقتهم في الحقيقه ممكن ماتكونش مثاليه
بس مافيش اي حاجه من دي بتساعدني انسي ان السنه دي كان المفروض اتجوز واخلف من حب حياتي
وبدل ما حقق الحلم ده
انا دلوقتي وحيده
ارجوك لو مريت بتجربه شبه دي شاركني بكلامك , او اتعاطف معايه
لاني حاسه اني مليش قيمه ووحيده………
#تحديث بعد شهورفي الليله الي كتبت فيها الرساله
اخيرا عملت حظر لخطيبي وحبيبته , زي ما كل الناس اقترحت
اعتقد ان كتابه مشاعري وتفريغها ومشاركتها معاكوا خلوني عرفت كويس اد ايه انا كنت غلطانه , كمان كلام الناس وتعاطفهم المذهل معايه ساعدني
قررت احترم نفسي وابطل اذلها بالطريقه دي
فعلا ده ريحني جدا
اديت لنفسي فرصه للتعافي بدل ما اضغط علي جرحي واصحيه من تاني كل يوم
قررت اتواصل اكثر مع عيلتي واصحابي , وابطل اتظاهر اني مش مجروحه قدامهم , اتعاطفوا معايه جدا , ودعموني بشكل مذهل
رجعت اتكلم مع اصحابي (كنت بعدت عنهم لانهم اصدقاء مشتركين بينا)
الاستمتاع بالغذاء والمشي لمسافات طويله الخروج مع اصحابي كل ده كان مفيد ليه جدا
مجرد التركيز علي اشخاص تانيين غير خطيبي السابق ساعدني جدا
بناء علي اقتراحتكم قررت اجرب معالج مختلف
المعالج الاول كان مفيد بس في حاجات ما كنش قادر يفهمها لانه في اخر الخمسينات من عمره , في فرق اجيال بينا
معالجتي الجديده فاهماني كويس قوي
وعرفت بسرعه تحدد اصل مشكلتي
وعالجت انعدام الامان الي كنت بعاني منه
ناس كتير اقترحت عليه ادور علي وظيفه جديده بعيد عن خطيبي وحبيبته
بصراحه حاسيت ان ده صعب , لان وظيفتي مش مطلوبه قوي وسوق العمل في المجال ده صعب
بس قررت احاول
دورت بنشاط علي شركات تانيه , قدمت سيرتي الذاتيه ومليت بعض الطلبات
بعدها بشكل مفاجيء جالي مقابله عمل في شركتي
استقال شخص في قسمي اعلي مني علشان ينضم لشركه منافسه
المديرين في الشركه كانوا مستعجلين جدا علشان يلاقوا حد جديد للوظيفه دي علشان كده قرروا يعينوا حد من جوه الشركه
عملوا معايه 5 او 6 مقابلات (ياربي انا بكره جدا المقابلات دي)
اخيرا حصلت علي الوظيفه
انا ممتنه جدا للترقيه دي , مش بس علشان المرتب افضل , كمان عدد ساعات شغل اقل
كان الامر جنوني
حاسه ان حياتي بتتغير بسرعه
اخيرا عندي مكتب خاص بيه , هو صغير بس انا مستمتعه بيه
الجانب السلبي الوحيد اني للأسف دلوقتي بشتغل مع خطيبي السابق في نفس المبني (بس هو مبني كبير جدا)
في يوم بعد ما خلصت شغلي في اخر يوم قبل اجازه عيد الميلاد
جات اللحظه الي كنت خايفه منها
شوفته صدفه وانا خارجه من الشغل
سلمنا علي بعض , قالي قصه شعرك الجديده لايقه عليكي
شكرته واتمنيتله التوفيق , و قولتله معلش انا مستعجله علشان الحق ميعاد القطر
كان نفسي اقول اني حاسيت بالهدوء والتماسك
لكن الحقيقه انا كنت متوتره قوي علشان شوفته بعد المده دي كلها
لدرجه اني كنت بترعش
طول الطريق حاولت اهدي اكثر وقولت لنفسي
“اوك الموضوع مش سيء قوي كده, انا ماعنديش دلوقتي حزن جامد ولا اندفاع ناحيته” كل الموضوع اني كنت محرجه علشان احنا بقينا غرباء عن بعض
ماعنديش رغبه اجري واشوف حسابه زي ما كنت بعمل زمان
حاسيت اني اخيرا بدات اتعافي منه
تاني يوم صاحيت من النوم علي عشرات الرسايل منه !!!!
الرسايل توقيتها الساعه 2 الصبح
كان كلها كلام كتير قوي , استغربت علشان عارفه ان هو اصلا مش بيميل انه يعبر عن مشاعره بالكلام
قالي انه مش عارف يبطل تفكير فيه من ساعه ما شافني
وانه حزين علشان احنا ما بقناش اصدقاء
واني كنت افضل صديقه ليه , اعترف انه ارتكب خطأ فظيع في لحظه ضعف , وافسد حياته كلها , و حاسس انه ندمان دلوقتي علي كل حاجه
وانه لاحظ اني عملتله بلوك علي انستجرام
(وقتها ضحكت علشان هو مايعرفش الحقيقه
)
)وانه حزين جدا. (توقعت من كلامه انه انفصل عن حبيبته)
قالي انه اكتشف ان المرأه المثاليه مش موجوده
وانه عايز يعيد اشعال شرارتنا , بعد فشله انه يلاقي الشراره مع بنات تانيين……….
مش هكذب عليكوا
كنت مصدومه وانا بقرأ الرسايل
كنت حرفيا بجاهد نفسي , و جزء مني عايز يجري عليه و يديله فرصه تانيه
بس بعد ما اخدت وقتي في التفكير
كان عندي شعور انه مش ندمان علي علاقتنا
هو بس زعلان علشان اكتشف ان العلاقه الجديده مش مثاليه قوي زي ماهو كان متخيل
رديت عليه بلطف وحزم تاني يوم و قولتله :
“انا بقدر فعلا علاقتنا , بس خلاص ما اقدرش ارجع اثق فيك مره تانيه ابدا
خلاص صعب نرجع اصحاب تاني , قولتله علي الالم الي حاسيت بيه لما اخلف وعده معايه , واني كافحت لفتره طويله علشان اعرف ايه الي كان ناقص في علاقتنا , بس في الاخر قررت ان احنا مش هينفع نكون مع بعض تاني , واتمنيت ليه الافضل”
ماردش علي رسالتي…….
جالي صدمه من الموقف كله
بس عادي كملت استمتاع بالعطله مع عيلتي
وحتي اختارت اروح حفله رأس السنه الي منظماها صاحبتي
علي رغم اني كنت بفكر اني مش عايزه اروح
اوك
بصراحه انا سعيده جدا علشان روحت الحفله دي
لاني قابلت راجل رائع هناك , مضحك وذكي ولطيف وعطوف
كمان متحمس للاستقرار وانجاب الاطفال
هو كمان لسه خارج من علاقه طويله
انا قابله 3 مرات لغايه دلوقتي
انا عارفه ان مش صح اكون متحمسه قوي كده
بس بصراحه انا فرحانه وكانت افضل مواعيد في حياتي
احنا مش عايزين نستعجل لاننا خارجين من تجارب صعبه من سنه واحده
بس بجد في بينا توافق مذهل في شخصياتنا واهتمامتنا
احنا الاتنين نفسنا نكون اسره مستقره في اسرع وقت ممكن
هو عمره 34 سنه
بصراحه انا متحمسه جدا للمستقبل وسعيده
#قصص
قصص واقعية
قصص مكتوبة
قصص قبل النوم
قصص حب
قصص عربية
قصص رائعة
قصص مكتوبة قصيرة
قصص
