“مش عارف استمتع بأكلي”
أنا متجوز من 6 سنين
أنا ومراتي متعودين نروح ناكل في مطعم مره في الاسبوع أو مرتين
المطعم الي أحنا بنروحه قريب من شغلي علشان كده أنا متعود أروح قبل مراتي واستناها أو اطلب مشروب لغايه ما هي توصل
في ناس بتحب أكلها ، وناس بتحب أكل الناس التانيين اكثر “مراتي من النوع التاني”
لما بنروح المطعم أنا بطلب الاكل اللي بحبه ،وهي بتطلب الاصناف اللي بتحبها.
المشكله بقه أن مراتي مش بتقدر تقاوم أكلي ، لازم تخلص نص طبقي وبعدين تبدأ تهاجم طبقها!!
هي حجتها أن أكلي شكله حلو قوي أو باين عليه طعمه احلي من أكلها!
اوك……
من كام شهر شوفت منشور عن النت واحد كاتب أنه بيشتغل في مطعم ، وفي راجل دايما بيوصل قبل ميعاده ب 45 دقيقه يخلص أكله ويطلب من العاملين في المطعم يشيلوا بواقي الاكل ويحضروا الطاوله كأنه لسه واصل حالًا، ولما مراته توصل يطلب أكل تاني وياكل معاها كأنه لسه واصل المطعم من دقايق.
حاسيت أن الراجل ده عبقري، أنا اكتشفت الحل السحري
الخطه بسيطه جدًا بس ذكيه أنا مش مصدق ازاي الفكره دي ماخطرتش علي بالي قبل كده
بدأت اعمل كده كل مره………
نرجع لدلوقتي.
كنا في المطعم ووصلت الفاتوره كالعاده أخدتها وروحت علشان أدفع
أنا دفعت فيزا بس مراتي أخدت بالها من المبلغ بس سكتت خالص ومعلقتش.
واحنا رايحين للسياره قالتي أنها بتعتقد إن في غلط في الحساب وقالتلي أتأكد من الفاتوره.
طبعا عرفت إني خلاص اتكشفت واضطريت اعترف بكل حاجه ، قولتلها اني بروح المطعم قبلها من شهور
شرحتلها كل حاجه من أول المنشور المضحك الي شوفته لغايه مانفذت الخطه ، وأني بقيت دلوقتي استمتع اكثر بخروجتنا لأننا مابقناش نتخانق علشان احمي أكلي الجميل منها. واعرف استمتع بالاكل الي بحبه.
مراتي زعلت مني ومعجبهاش الي بعمله.
حاولت أخد الموضوع بهزار بس في الاخر لقيت نفسي عمال ادافع وأبرر تصرفاتي.
الحمد لله أخيرًا أقتنعت أنها غلطانه وهنشوف هنعمل ايه في المستقبل……..
🌹#تحديث
النهارده الصبح قعدنا مع بعض واتكلمنا وقولتلها احساسي ناحيه عادتها الغذائيه ، قولتلها انتي بتتجاهليني ومش مهتمه وانتي شايفاني مضايق.
اندهشت جدًا لأن مراتي بدأت تبكي.
كنت متوقع انها هدافع عن نفسها وتحاول تطلعني غلطان.
قالتلي انها عاشت في فقر جامد في طفولتها ومراهقتها وعلشان أخوها اصغر منها أهلها كانوا بيهتموا يأكلوه اكثر منها.
كانت بتاكل قليل قوي علشان أخوها.
هي فضلت طول حياتها بتاكل أقل من كل الناس والموضوع اتحول عندها لصدمه و ده الي خلاها عايزه تاكل أكلي
هي حاولت تبطل لما حست أني مضايق جدًا بس في الاخر ماكنتش عارفه تقاوم.
دلوقتي هي وافقت علي زياره متخصص علشان تعالج المشكله دي
ووعدتني لما نخرج مع بعض هتحاول متزعلنيش تاني، علشان نستمتع بوقتنا مع بعض 🥰
#قصص
