الساعه 8 الصبح خرجت للجري زي كل جمعه
كنت حاطه الايربودز علشان كان عندي مكالمه شغل.
وانا بجري لاحظت سياره بتظهر كل شويه قدامي
لما ركزت حسيت انها سياره حد اعرفه!
حسيت بالقلق علشان كده اتصلت بأختي وقولتلها ركزي معايه علشان لو حصل حاجه، و بعتلها مكاني بالظبط.
بعد ما بعت الرساله علي طول السياره وقفت جنبي
وخرج منها شخص ومسكني…الموضوع حصل بسرعه جدا….من الخوف الموبايل وقع من ايدي.
الراجل سحبني للسياره، وكان فيه اتنين رجاله جوه ملثمين، لابسين اقنعه وقفازات سودا علي اديهم
بعد كده غطوا عيني.
حسيت بالرعب وكنت بقاوم بجنون…..صرخت وضربت.
بس كل الي سمعته ان الرجاله بيضحكوا، وبدأو يربطوا ايدي ورجلي.
مش عارفه عدي وقت اد ايه…بس انا كنت عماله ابكي واتوسل انهم يسيبوني…ومن كتر الخوف اتبو** علي نفسي.
بعد كده السياره وقفت وسحبوني جوه بيت.
لما شالوا القناع من علي عيني، كنت راكعه قدام خطيبي الي اعرفه من سنتين 😮
كان باين علي خطيبي الارتباك وسأل اصحابه وهو غضبان ايه اللي بيحصل؟
لما بدأت افوق شويه، ركزت ان خطيبي لابس ملابس شيك والبيت كله بلونات وديكور رومانسي.
فهمت ان ده عرض جواز 😮
انفجرت في البكاء.. جاتلي نوبه ذعر لمده 5 دقايق
كنت عرقانه وبنطلوني مش نضيف…ووشي احمر من كتر الخوف.
الكلام ده حصل من ساعه او ساعتين تقريبا.
خطيبي اخدني للطابق الي فوق، دخلت الحمام وغيرت هدومي.
سمعت صوت دوشه في الطابق الي تحت
وخطيبي بيصرخ علي اصحابه، بس مش فاهمه ايه اللي بيحصل.
قعدت في الغرفه وانا ماسكه تليفوني المكسور واتصلت بأختي وانا ببكي، وقولتلها علي اللي حصل 😢
هي عايشه بعيد عني بساعه ونص بس قالتلي انها هتيجي فورا.
مش عارفه اوقف تفكير في اللي حصل، انا دلوقتي فهمت ان ماكنتش فيه اي خطر خالص، بس عقلي رافض يستوعب ده .
دول كانوا عمالين يضحكوا ويسخروا مني!
خطيبي عايز يتكلم معايه بس انا رافضه الكلام دلوقتي، قولتله من فضلك سيبني اهدي.
هو بيحضرلي شاي دلوقتي، ومستنيني انزل واتكلم معاه
🌹 تحديث:
واضح ان خطيبي مش هو اللي طلب من اصحابه يعملوا معايه كده.
بس لو اصحابه مجانين بالشكل ده يبقي انا محتاجه اعيد تقييم العلاقه دي.
لسه مش متأكده من اللي حصل لاني دلوقتي مش قادره اتكلم معاه نهائي.
🌿الناس الي بتسأل هل في ثقافه خطيبي الموضوع ده شائع عندهم؟؟
خطيبي اصوله من الشرق الأوسط و انا من اوروبا الشرقية، بس احنا الاتنين اتولدنا وعشنا عمرنا كله في امريكا.
اختي وصلت وعايزه تاخدني نعمل بلاغ،:بس انا حاسه ان في تفاصيل لسه مش واضحه علشان كده عايزه استني.
🌹 تحديث:
انا بلغت في قسم الشرطه
للاسف انا مش مدركه للوقت خالص، اللي فاهمته ان الوقت كان من 7 الي 10 دقايق، بس انا حاسه ان الوقت كان اطول من كده بكتير.
السواق طلع صاحب خطيبي المقرب (علشان كده انا كنت عارفه السياره)
كان بيبكي لما وصل قسم الشرطه، والاتنين التانيين كانوا اصحاب خطيبي من الجيم (بيلعبوا مع بعض العاب قوي).
واضح ان الخطه الاصليه كانت انهم يقفوا قدامي وهما لابسين الاقنعه ويسلموني جواب من خطيبي مكتوب فيه:
“اني لازم اركب معاهم واروح لخطيبي، ومافيش داعي للمقاومه”
والمفروض اني اركب معاهم بهدوء وبأرادتي.
بس الاتنين اللي معاه في الجيم قرروا يغيروا الخطه ويعملوا كده معايه علشان الموضوع يكون واقعي اكثر (بدون علم خطيبي).
🌹 تحديث:
انا خلاص بقيت هاديه و اتكلمت كتير مع اختي.
خطيبي السابق طلب يجي يتعشي معانا انهارده علشان نتكلم، هو احترم رغبتي الفتره اللي فاتت اني محتاجه وقت علشان اهدي وافكر.
بس واحد من اصحابه كان عمال يتصل بيا كل شويه علشان يقولي ان خطيبي زعلان جدا و بيعتذر وندمان علي اللي حصل وماكنش متوقع كل ده.
طلبت منه يوقف اتصالات.
خطيبه صاحبه كلمتني وكانت بتدعمني و بتوصلي هي كمان اعتذار خطيبي.
للاسف علشان الموضوع دلوقتي مرتبط بالقانون، ماقدرش احكي كل حاجه بالتفصيل.
باختصار، خطيبي اعتذر وأكدلي ان اصحابه اتصرفوا من دماغهم وهو ماطلبش منهم يعملوا كده، قالي انه اصحابه متأثرين بقنوات اليوتيوب الي بتعمل مقالب، وان واحد فيهم عنده توحد.
الموضوع دلوقتي ماشي بالقانون، بس بصراحه انا بفكر اتنازل .
🌹تحديث:
ناس كتير زعلانين علشان انا ما انفصلتش عن خطيبي.
انا واثقه فيه ومعلش اكيد مش هقدر ارضي كل الناس، يمكن انا طول الرساله ماعرفتش اوضح اد ايه انا بثق فيه، انا مش عايزه حد يحكم عليه.
انا لما كنت بفكر اتنازل عملت كده علشان مش عايزه خطيبي يتعرض لانتقادات لاني بحبه، كمان انا قلبي طيب، بس خلاص انا هكمل في القضيه.
(القصه حقيقيه مترجمه , اصحاب القصه اجانب)
#قصص
