قولت لجوزي بحبك 5 مرات بس!!!
انا بستخدم حساب مختلف علشان جوزي ما يعرفش
قابلت كيفين لما كان عمري 5 سنين
هو اتنقل مع عيلته للحي الي بنعيش فيه , احنا الاتنين في نفس العمر
كيفين ولد لطيف قوي
انا وهو ماكناش بنتفارق , كان دايما اهلنا بيضحكوا ويقولوا اننا لازم لما نكبر نتجوز
وده فعلا الي حصل
اول ماوصلت لسن الجواز كنت مصممه علي الجواز من كيفين
احنا كنا توأم روح
عندنا نفس الهوايات والاهتمامات, افكارنا متشابهه
عرفت معاه اول كل حاجه
اول صديق😍
او حب ❤
او زوج 💑
اصحابنا كانوا دايما بيقولوا ان احنا مثاليين لبعض
بعد ماخلصت المدرسه الثانويه اتجوزنا علي طول
اهلنا ساعدونا نلاقي شقه قريبه……………
في عيد جوازنا السادس قررنا ان احنا هننجب طفلنا الاول السنه الي بعدها علي طول , احنا اصلا مقررين اسم طفلنا من وقت ماكنا لسه مراهقين
في السنه السابعه من الجواز
امي تعبت جدا وكان لازم اقعد معاها فتره طويله
عيد جوازي السابع قرب وكنت مخططه اعمل حاجه مميزه لليوم ده وافاجأ كيفين , علشان كده روحت البيت من غير ما اقوله
دخلت البيت وشوفته مع ******
مش عارفه ليه تقيأت علي طول , مش قادره اخرج الصوره دي من دماغي 😢
اول ماشافني لون وشه اتغير وقعد يقول نفس الكلام المعتاد
“الموضوع مش زي ما انتي فاهمه” “انا اسف” “مجرد غلطه”
حبست نفسي في الحمام وحاولت استجمع قوتي واتصلت علي صاحبتي تيجي تاخدني
لما صاحبتي وصلت هاجمت كيفين
انا وهي اخدنا شويه اغراض وماشينا
في اللحظه دي كان عندي ذهول
لما ماما وبابا عرفوا قالولي انهم هيدعموني في اي قرار انا هاخده
لكن اهل كيفين كانوا رافضين الانفصال , وكانوا عايزنا نكمل مع بعض
حصلت خلافات كتير وفي الاخر استقرينا علي الانفصال
في الوقت ده اتحطمت كل احلامي
كان عندي اكتئاب و لمده سنتين وانا بتعالج
كنت عامله زي البني ادم الي من غير روح 😢
بعد كده صاحبتي صممت اني اخرج في ميعاد واتعرف علي ناس جديده
عملت كده , بس مافيش ولا راجل قابلته كان قريب حتي من كيفين
كنت بدور عليه في كل راجل بقابله , بس كلهم فشلوا بالنسبه لي
في اللحظه الاخيره قابلت (ريك)
كان عكس كيفين
كيفين هو الراجل اللطيف المحبوب الي دمه خفيف وبيعرف يضحك كل الناس الي حوليه , انا فاكره في مره وقعت من علي الكرسي من كتر الضحك
لكن ريك دمه مش خفيف , كان بيستخدم الفكاهه قليل قوي
ريك صارم ومنطوي , بصراحه كان ممل قوي بالنسبه لذوقي
في ميعادنا الاول سألته كام سؤال
ايه هو فيلمك المفضل؟
قالي مش بتفرج علي افلام هو بيحب القراءه
مسألنيش حتي عن اي حاجه تخصني
الحاجه الوحيده الي سألني عليها كانت التعليم
وقتها اتكلمت معاه عن مجال شغلي , لكن هو ماكنش مهتم بالمجال ده
اكلنا العشاء واحنا ساكتين
كنت متأكده بنسبه 100% ان ريك مش هيتصل بيه تاني
لكن بعد يومين اتصل وطلب مني نخرج مع بعض مره تانيه
الحقيقه كنت متردده اقبل ولا ارفض
بس صاحبتي اصرت اديله فرصه تانيه
ميعادنا التاني كان افضل من الاول شويه
اتكلمنا مع بعض اكثر وبقي منفتح اكتر معايه
في ميعادنا السادس اعجبت بيه وحاسيته مذهل
اليوم ده كنت جعانه
طلبت اي حاجه خفيفه اكلها
كنت عايزه ساندوتش بس
عزمني وقتها علي وجبتي المفضله
استغربت هو عرف منين؟
قالي انتي الي قولتيلي عليها في مره 😍
وقتها كنت سعيده واتعلقت بيه
لاني كنت مع كيفين معظم حياتي , بس هو ولا مره عمل مجهود علشاني
وقتها عرفت ان حتي لو ريك مش هو تؤام روحي بس هو مناسب ليه وبدأت احبه
اتخطبنا لمده 3 سنين وبعدها اتجوزنا
عرفت كله حاجه عن ريك
هو حياته كانت صعبه جدا
كان طفل وحيد
من عيله فقيره
ابوه وامه كانوا مش مهتمين بيه وكان بيتعرض للاساءه من والده
وبعد كده عاش مع جده
بدا يشتغل في اعمال بسيطه علشان يقدر يصرف علي نفسه
بابا ومامته اتوفوا بسبب جرعه زايده
كان بيوفر الفلوس علشان يدخل الكليه
بس ما اقدرش يجمع فلوس كفايه وجده ماكنش عنده فلوس زياده علشان يساعده
لما وصل لسن 17 جده اتوفي
وعلشان بيت الجد ايجار
للاسف ريك كان مجبر يسيب البيت
وبعدها عاش في مأوى المشردين
بعد كده قس الكنيسه الي يعرف ريك من زمان ساعده كتير
هو راجل لطيف قوي , وقف جنبه وسانده ماديا لغايه ماقدر ريك ياخد منحه جامعيه كويسه , و درس الاعمال التجاريه
وقتها ريك كان مهووس بتعليم ازاي يقدر يحقق دخل كويس
عرف يعمل علاقات وفي السنه الاخيره قدر يشتغل في وظيفه كويسه
انا اتعرفت عليه من خلال صاحبتي الي كانت بتشتغل معاه في نفس الشركه , وقتها ريك كان في منصب كويس
الكلام ده حصل من سنين
انا عمري دلوقتي (46) سنه , ريك (47) سنه
احنا دلوقتي متجوزين من 15 سنه 😍
انا بحب ريك قوي وهو كمان لسه بيحبني هو فعلا كان العوض الجميل 😍
ده غير انه ساعدني اتعالج من الصدمه الي حصلتي من جوازي السابق
وحجزلي جلسات للعلاج
ريك مش من النوع الي بيظهر مشاعره
هو شخص هادي جدا بيبتسم في مناسبات قليله قوي , وبيحافظ دايما علي روتين معين , لدرجه ان في ناس بيقولوا عليه روبوت
بس انا عارفه ان ده مش حقيقي , هو بيظهر حبه بالافعال
مع كيفين كنت متعوده اقول كلمه بحبك طول الوقت
بس بعد انفصالي الاول حاسيت بنفور من الكلمه دي
علي مدار 15 سنه جواز قلنا لبعض كلمه بحبك 5 مرات بس.
بس ده مش بيزعجني , انا متأكده ان ريك بيحبني من خلال الافعال مش الكلام
هو بيساعدني في الاعمال المنزليه وبيجهز طبقي المفضل
لما كنت حامل في بنتنا كنت بصحيه في عز الليل علشان يدلك رجلي او يحضرلي وجبه وكان بيقولي “حاضر” و يعملي الي انا عايزاه علي طول 😍
انا كنت سعيده طول فتره جوازنا هو افضل زوج في الدنيا كلها
وانا ماعنديش اي شكوي منه
بس موضوع التعبير بالكلام فضل في ذهني لفتره
رغم كل الحب الي بينا ليه مش بنقول لبعض بحبك
ليه الكلمه دي بتخليني احس بالتوتر؟
قررت استعد واقول “بحبك” ل جوزي
ريك كان قاعد بيقرأ كتاب علي الكنبه
وقفت قدامه وقولتله “بحبك”
بصلي و ارتبك
كررت الكلمه مره تانيه
رد عليه وقالي……..اوك
حاسيت بخيبه امل من رد فعله
واعتقدت انه خلاص مبقاش بيحبني زي الاول
بعدها بشويه دخل ريك الغرفه
وقالي انا اسف علي رد فعلي
قالي انه بس اتفاجأ
وانه بيحبني قوي
ومفيش يوم بيمر عليه من غير مايحس هو اد ايه محظرظ لاني في حياته 😍
كنت ببكي و فرحانه بكلامه
وسألته ليه مش بتقولهالي كتير؟
قالي بسبب الحياه الصعبه الي عاشها وان مفيش حد في حياته كان بيقوله بحبك , علشان كده الكلمه غريبه بالنسبه له
وقالي ان حاسس ان الافضل نعبر لبعض عن الحب بالافعال
قولتله انا عايزه اسمع منك الكلمه دي اكثر وعايزه كمان اقولهالك طول الوقت
ابتسم قوي
وقالي انه موافق
انا متأكده اننا بنحب بعض قوي حتي من غير كلام
وقتها افتكرت اليوم الي اتولدت فيه بنتنا
ريك حضنها قوي
وبكي بصوت عالي وفضل يردد
“انا مش هسيبك ابدا و لازم احميكي طول عمري” 😍
حصل نفس الحاجه لما خلفت ابننا
دلوقتي بفكر انجب طفل تاني علشان بس اشوف ريك العاطفي 😂
بعد كده اقترحت علي ريك العلاج علشان يقدر يتغلب علي صدمات الطفوله بدأ فعلا واخد جلستين لحد دلوقتي
في يوم رجع البيت وحضني واعتذر انه ماكنش بيعبر عن مشاعره طول السنين دي
قالي انه كان خايف بسبب الي اتعرضله زمان
وانه بيواجهه صعوبه في التعبير عن مشاعره
وقالي انه بيحبني قوي وانا الي خليته يحس اخيرا ان عنده اسره وبيت
وهو كان طول عمره بيحلم بالبيت ده , قالي انه عايز يعوضني
ومش هيخبي مشاعره مره تانيه ابدا
بكينا احنا الاتنين
واتكلمنا كتير عن الاوقات الحلوه الي قضيناها مع بعض طول فتره جوازنا
كانت تجربه حلوه قوي 😍
من وقتها وهو بيحاول يقضي اكتر وقت ممكن معانا وكأننا بنحب بعض من اول وجديد ❤
قال لابننا انه بيحبه
ابني استغرب وقاله “بابا انت باقيت غريب “😂
دلوقتي بنخطط نعمل رحله احنا الاتنين لوحدنا
انا بحب ريك حتي بعد 15 سنه حبي ليه عمره ما قل
بحبك ريك شكرا لوجودك في حياتي ❤ ❤ ❤
قصص
