المحامي صاحب الرساله بيحكي قصته وبيقول:
طيب
اولا دي حاجه كويسه قوي ان يجيلك عميل من كارت كنت سايبه في مطعم
ده معناه ان الناس فعلا بتاخد الكروت دي
بس لما تسيب الكارت في اماكن معينه في المدينه
لازم تتوقع شويه مشاكل
كنا في ديسمبر وانا قاعد بشرب قهوه وببص علي التلج وهو نازل
رن تليفوني وواضح من الكود انه رقم مستشفي محلي
لما رديت لقيت شاب مضطرب بيكلمني وبيقولي انه محجوز في المستشفي غصب عنه ومحتاج محامي يساعده
سألته هو فين؟
قالي في “الدور الخامس”!!!
ممكن يكون كلام عادي، كل مستشفى فيها “الدور الخامس”
بعد ساعة من المكالمة، واحد صاحبه كان جايبلي الأتعاب
وكنت في طريقي “للدور الخامس” علشان اقابل العميل الجديد واساعده
كنت متوقع انها قضيه دفاع ضد الايداع القصري في مصحه عقليه
*(يعني العميل محجوز في مستشفي الامراض العقليه غصب عنه)
اتكلمت معاه وحاسيت انه مش خطر علي نفسه ولا علي الاخرين
بس واضح انه محتاج رعايه نفسيه.
الحقيقه كنت شايف انه مسالم ومش خطر.
بس شرطي المراقبه اجبره انه يتحجز في المستشفي , وانا ماكنتش هسيب ده يحصل.
دورت علي اسماء الاطباء المسئولين عن علاجه
وكانوا مستعدين يشهدوا انه لحد وقت قريب كان ملتزم بالادويه.
اتصلت بالاخصائي الاجتماعي المهتم بحالته
وقالي انه بطل ياخد العلاج لانه مش قادر يدفع ثمنه
بس الجمعيه هتساعده.
الموضوع كان سهل
هاروح اعمل شغلي كامحامي واطلعه من الجناح النفسي
وبعدها اروح في ميعاد المحكمه وادافع عنه علشان اتعرض للايداع القصري (بدون ارادته) في المستشفي.
في خلال ال 24 العميل كان رجع بيته
و حددوا الجلسه بعد اسبوع.
كنت بعمل معاه متابعه يوميه علشان اتأكد انه فعلا ملتزم بالادويه لحد ميعاد الجلسه.
بس للاسف في يوم ماعملتش معاه المتابعه.
جاتلي مكالمه من شرطي قديم كنت عارفه كويس
اتصل بيه علشان يبلغني ان جالهم شكوي من جيران العميل بتاعي
الظاهر إنه كان بيصرخ في أوضة فاضية بصوت عالي لدرجة إن الجيران قلقوا واتصلوا بالشرطة
الشرطي كان من النوع الودود، شاف الموقف وقرر إن العميل مش خطر، بس سأله إيه المشكلة؟
العميل رد عليه:
الشبح “الشبح مش راضي يمشي ومش سايبني في حالي.”
الشرطي قاله ، “طيب، ممكن أقول للشبح يمشي؟
وفعلاً ، قال للشبح يمشي 😂
وبعدين، عشان يضحك شوية، قاله بس لو الشبح رفض يمشي، يبقى دي “مشكلة مدنية” وبالتالي هتحتاج محامي.
في اللحظة دي، العميل ذكر اسمي… وده اللي خلّى الضابط يتصل بيا عشان ينبهني.
فأنا كلمت العميل في التليفون…اللي كان منهار بسبب فكرة إنه يعيش مع الشبح في بيته.
خلي بالك، أنا زرت بيت الراجل ده قبل كده . بس دي أول مرة أسمع منه عن موضوع الشبح.
احنا عندنا جلسة لتقييم الكفاءة العقلية قريب، والكلام ده مش هيكون في مصلحه العميل قدام القاضي
لما وصلت للعميل قعد يكرر قدامي 18 مره ان الشرطي قاله ان دي “مشكله مدنيه”
وانا للمره ال 20 بقوله اني مش كاهن ومش بعرف اطرد الارواح الشريره
انا محامي , وبعدين قولتله باستهزاء عايزني اعملك ايه يعني اطرده؟؟
في لحظات من حياتك لازم تفضل ساكت…..ودي كانت واحده من اللحظات
لان رد العميل عليه كان:
“تقدر تطرده فعلا؟ ده يبقي رائع”
يانهار ابيض….
باختصار لاقيت نفسي سايق وراجع للعميل ومعايه اخطار وهمي لاخلاء الشبح
الاخطار موجه لاي ارواح بتحتل العقار
الموجود في [1313 Mockingbird Lane]
وطبعا بلغت الشبح ان الي بيعمله ده مش قانوني
ولازم يسيب العقار في خلال 15 يوم من تاريخ الاخطار ده.
ولإني طبعًا مش قادر أوصل للشبح شخصيًا وأسلمه الإخطار بإيدي، طلبت من العميل يوريني الأوضة اللي الشبح قاعد فيها.
كانت أوضة فاضية زيادة في البيت. علّقت الإخطار على باب الأوضة، وأعلنت إن الشبح “اتسلم إخطار إخلاء قانوني” ورجعت بيتي.
بعد أسبوع، وإحنا بنستعد ندخل المحكمة لجلسة تقييم الكفاءة العقلية للعميل ، سألته عن اللي حصل؟
رد عليه وهو فرحان
“اه يا استاذ الموضوع اشتغل تمام”
“الحمد لله الشبح مشي في نفس اليوم ومعاه كل حاجته”
الظاهر انه الشبح كان عنده “حاجات” 😂
المهم
ابتسمت وطبطبت علي كتفه واديتله نصيحه مهمه و قولتله :
كويس قوي انه مشي
بس خلي بالك اوعي تجيب سيره الموضوع ده قدام القاضي
لانه ممكن يلاقي مشكله في الاخطار ويأمرنا نرجع الشبح تاني
واحنا وقتها مش هنعرف نعمل حاجه
العميل هز راسه بحماس ووافق.
الحمد لله نجحت اني ابعده عن المصحه النفسيه
حاسيت بالراحه وأنا عارف ان الراجل ده اكيد قاعد في مكان دلوقتي و بيحكي للناس عن المحامي العظيم اللي خلصه من شريكه الروحاني ببلاش 😂
