أنا عندي (29 سنة) صاحبتي عمرها (31 سنة) وجوزها (35 سنة).
صاحبتي قالتلي إن جوزها معجب بيا 😳
الموضوع ده خلاني أحس بإحراج رهيب، كمان اللي ضايقني قوي إنها طلبت مني أبطل أحط ميك اب، وألبس هدوم واسعة لما أكون معاهم 😐
احنا خرجنا نتعشى سوا في مطعم غالي وكان معانا ناس تانية (كنا 7 أشخاص)، اليوم كان لطيف. بس بعد ما روّحت صاحبتي بعتتلي رسالة وقالتلي إنها متضايقة مني علشان “كان شكلي حلو” رغم إنها طلبت مني ما أحطش ميك اب وألبس واسع!
هي صاحبتي المقربة وبصراحة أنا مش عايزة أزعلها ولا أخسرها، بس طبيعي أكون شيك في مطعم بالفخامة دي (المطعم واخد نجمة ميشلان) 🌟
وعلي فكرة أنا لبسي محافظ جدًا، وكنت لابسة فستان بسيط بس شيك وكعب عالي، ومفيش حاجة ملفتة خالص.
أنا لسه ماردتش علي رسالتها لغايه دلوقتي. كتبت كذا رد ومسحته، الأول كتبت اعتذار، وبعدين كتبت رد تاني بعصبية، بس حذفت كل ده ومابعتش حاجة.
حبيت أخد رأيي الناس هنا الأول قبل ما أبعتلها حاجة.
أنا مش عايزة أعقد حياتها، بس بصراحة اللي بتطلبه مني ده مش منطقي بالنسبة لي 😕
هل أنا غلطانة؟
▪️ تعديل :
الساعة دلوقتي 4:21 الصبح في بريطانيا، ف هكتب رد وأبعته بكرة إن شاء الله، وأعمل تحديث بعدها.
▪️ تعديل :
وأنا بقرأ ردودكم… فجأة لقيت جوزها عامل لايك على صورة قديمة ليا على إنستجرام! 😳 عملتله بلوك! 🚫
▪️ آخر تحديث:
رديت عليها وكتب كده:
“آسفة إني اتأخرت في الرد، بس كنت عايزة أفكر كويس وما كنتش عايزة أكتب حاجة وأنا متعصبة. أنا أكيد مقدره زعلك، بس بصراحة أنا مش شايفة إن من حقك تطلبي مني أغير شكلي علشان جوزك.
نصيحتي ليكي اتكلمي مع جوزك وحاولي تحسني علاقتكم، لأني مليش دخل في مشاكلكم، ولو فضلتي تتعاملي معايا بالطريقه دي. يبقي صداقتنا أكيد هتبوظ.
مفيش سبب يخليكي تحسي بالغيره، إنتي أجمل واحدة شفتها من جوة ومن برة ❤️
لو حابة تتكلمي عن أي حاجة أنا موجوده… بس بصراحة مقدرش أعمل حاجة في جمالي (بهزر طبعًا)”.
بعد ما بعت الرسالة بـ 5 دقايق، لقيت صاحبتي بتخبط على بابي (كانت أصلاً جاية في السكة) ومعاها ورد 🌸 وكانت بتعيط، حضنتني واعتذرت.
قالتلي إن في مشاكل بينهم، وإنها غلطت لما طلّعت غضبها فيا.
قعدنا نتكلم فترة طويلة، وقررت إني هكون جنبها وهدعمها في أي قرارا هي هتاخده 💕
____________
القصة مترجمة من ريديت. أصحاب القصة أجانب.
#قصص
#حواديت_الاجانب
