الجو بارد جدا بره من فضلك كُل الساندوتش!!!

الجو بارد جدا بره من فضلك كُل الساندوتش!!!

انار راجل عمري 32 سنه
مراتي عمرها 30 سنه
احنا متجوزين من 6 سنين

انا حاسس ان مراتي بتخدعني ومش عارف اعمل ايه!!!

انا عارف ان الكلام الي هقوله سخيف , بس بصراحه انا مش عارف اتصرف ازاي , اول مره اكون في الموقف ده.

🌹#ملحوظه

مراتي بتحب الهزار قوي. وانا طيب وبصدقها.
علشان كده من فتره للثانيه بتقولي كذبات صغيره علي سبيل الضحك
وبتكون فرحانه قوي لما بصدقها , هي بقت مهتمه اكثر بتويتر , و بتاخد منه افكار للهزار.

بس انا حاسس ان الموضوع اتجاوز الحد!!!

المهم
اهلنا اتفرجوا علي مسلسل جديد وكانوا بيشكروا فيه جدا

انا كان عندي رحله شغل تاني يوم ومراتي كانت مريضه
بس قررنا احنا الاتنين نتفرج علي المسلسل مع بعض

خلصنا المسلسل كله
النهايه كانت مش حلوه بالنسبه لمراتي وقالتلي انها حاسه بخيبه امل من النهايه دي , في رأيها ان النهايه خربت المسلسل كله.

انا كنت معترض وقولتلها انا شايف ان نهايه المسلسل منطقيه جدا ومناسبه للاحداث.

مراتي كانت غضبانه جدا علشان انا مش متفق مع رأيها
اعتقد علشان هي مريضه من اسبوع , ده خلي مزاجها مش حلو وأثر عليها , لان الغضب ده مش مبرر وبعيد اصلا عن شخصيتها.

احنا اصلا نادر لما بنتخانق مع بعض , وبصراحه السبب اصلا كان تافهه جدا ومش مستاهل.

المهم مراتي قالت عليه غبي ودخلت تنام , وقررت تنام علي الكنبه.

صحيت الصبح بدري علشان اروح للمطار

مراتي كان لسه نايمه , سلمت عليها قبل ما امشي , بس كانت لسه مش فايقه , قولتلها انا بحبك , ماردتش عليه.

خلصت الرحله ورجعت من السفر

استقبلتني صديقه من المطار علشان مراتي كان عندها صف في الجيم.

انا ومراتي كنا بنتكلم عادي جدا وانا مسافر ,وهي اعتذرت علي تصرفها الغريب معايه.

دلوقتي مش عايزه تستقبلني من المطار علشان الجيم!!!

كنت مستغرب جدا هي بتتعامل معايه كده ليه؟

لما كنت في الطياره ماكنتش عارف انام , علشان كده اول ما وصلت البيت قررت انام علي طول.

لما صحيت من النوم تاني يوم , كانت مراتي صاحيه وواقفه في المطبخ

الموضوع كان غريب بالنسبه لي لان مراتي مش بتشتغل وعاده مش بتصحي قبل الساعه 10 !!!

قولتلها ايه الي مصحيكي بدري كده , و صباح الخير
ردت عليه بكلام مش واضح!!!

كنت خلاص علي باب البيت , مراتي اديتني ساندوتش بني في كيس علشان الغداء “هي اول مره تعمل معايه كده!!!”
وقالتلي الجو بارد بره , الاحسن انك تاكل السندوتش.

ماسكت الكيس وقولتلها ايه؟؟؟

مراتي دخلت الحمام وقفلت الباب جامد قوي!!!

كنت مستعجل علشان عندي اجتماع , علشان كده خرجت لشغلي ماعنديش وقت افهم ايه الي بيحصل ده.

وانا في الطريق بعتلها رساله , بس ردت عليها عادي جدا وكأن مافيش اي حاجه غريبه حصلت.

قالتلي بحبك , وطلبت مني ابطل اتصرف بطريقه غريبه!!!

لما رجعت البيت برضه تصرفاتها كانت مش طبيعيه , فكرت ان مراتي بتهزر معايه بطريقه مش مفهومه , علشان كده قررت اتجاهل الموضوع.

طول الاسبوع نفس الحكايه كانت بيحصل
مراتي صاحيه بدري
مش بتتكلم معايه
قبل ما امشي بتديني كيس الساندوتش البني
وتقولي الجو بارد بره
الاحسن تاكل الساندوتش
وبعدها تدخل الحمام
وتقفل الباب جامد!!!

انهارده حاسيت ان الموضوع لايحتمل . علشان كده وقفت عند باب الحمام واقعد اتوسل لها تبطل الي بتعمله معايه.

وكالعاده مانطقتش بكلمه واحده.

كل ليله بعد الشغل نفس الكلام
اعاتبها علي تصرفاتها
ترد عليه ان الي بقوله ده ماحصلش ابدا
وتقولي انت مجنون.

وشكلها فعلا غضبانه جدا

انا ومراتي مابقناش بنام مع بعض في نفس الغرفه

دلوقتي انا مش عارف اعمل معاها ايه , هل ده تريند جديد علي تويتر ولا ايه الي بيحصل ده؟؟؟

قولتلها تعالي نروح استشاره الازواج , كانت مستغربه.

دلوقتي انا مش عارف هقعد معاها يوم الاجازه ازاي

حد عنده نصيحه؟؟؟

🌹#تعديل

شكرا علي المساعده
كنت سهران طول الليل و حاسس بالقلق دلوقتي هحاول انام
لما اصحي هاخد اجازه من الشغل واتكلم مع مراتي وعيلتها.
بفكر اكلم طبيب نفسي يشوف حاله مراتي.

🌹#تعديل

صاحيت بدري وعندي صداع , روحت الثلاجه علشان اخد عصير

بس مافيش اي عصاير ومراتي مش في البيت , قررت البس واروح اشتري عصير واكل

وانا واقف عند بابا البيت , اكتشفت كيس الساندوتش البني وكلمه الجو بارد بره لازم تاكل الساندوتش متعلقين علي الباب!!!

خرجت بره البيت , سياره مراتي واقفه قدام البيت

هي بتحب المشي لمسافات طويله , علشان كده اعتقد انها بتتمشي وراجعه

بصراحه مراتي اتجاوزت الحد جدا , ولازم واقفه للموضوع ده

انا قررت اتكلم مع اهلها علشان اشوف حد للحكايه دي.

انا دلوقتي هروح عند اهلها ومعايه فيديو لكيس الساندوتش علشان اتكلم معاهم.

🌹#تعديل

لسه مراتي مش ظاهره , حمايا اتصل بيه وسمعت صوت دوشه , وبعد 30 ثانيه المكالمه قفلت.

ماعنديش فكره ايه الي حصل ده

انا دلوقتي في الطريق رايح عندهم.

🌹#تعديل

انا دلوقتي في المستشفي
باختصار مراتي مش غلطانه في حاجه
انا الي طلعت غلطان

انا دلوقتي تحت تأثير الدواء بس فكرت اعمل تحديث علشان مش عارف لو عندي فرصه تانيه.

انا متعود اخد مهديء علشان اعرف انام بليل , مراتي بتشخر وانا عندي حساسيه من قطط مراتي.

بعد وقت المنوم ماكنش بيساعدني علشان كده بدأت اخد 5 او 6 حبات

انا عارف ان عملته غبي جدا , وللاسف النتيجه كانت خطيره.

في اليوم الي رجعت فيه من المطار
قطط مراتي الثلاثه كانوا نايمين علي السرير ,علشان كده قررت اخد المهديء.

دورت علي الدواء وماكنش موجود خالص مراتي احيانا بستخدم نفس الدواء , علشان كده فاكرت اخد من الدواء بتاعها.

كان موجود في درج في زجاجه, اخد من الدواء , بس للاسف طلع نوع دواء تاني مختلف وقديم (انا ماكنتش اعرف ده)

الاقراص لونها وردي شبه المهديء بتاعي علشان كده اتغلبط.

اخدت 6 حبات ونمت وهنا بدأ كل حاجه تنهار.

بعدها بدأت الهلاوس (كل الي كان بيحصل كان مجرد اوهام في دماغي بسبب الدواء الغلط الي باخده كل يوم)

في اليوم الي كنت سايق و رايح لبيت حمايا , حاسيت بدوار جامد
وقفت السياره وماكنتش قادر اسوق خالص ,علشان كده قررت اروح فندق
وانام هناك. و أجلت مواجهه حمايا ليوم تاني.

للاسف اخدت تاني حبات من الدواء ونمت.

صاحيت عندي هلاوس غريبه

قررت اروح لحمايا . لما وصلت سياره مراتي كان واقفه قدام البيت وده كان غريب بالنسبه لي.

رنيت الجرس ولما حمايا شافني اتفاجأ بحالتي , كنت بعرق جدا وبتكلم بصعوبه

حمايا طول عمره لطيف معايه , وكان باين عليه القلق ,ماكنتش فاهم ايه الي بيحصل.

بدأت ابكي , و حاولت اشرح لحمايا الي مراتي بتعمله.

وخرجت تليفوني علشان يشوف الفيديو

مراتي خرجت وكان باين عليها الرعب , وقالتلي ايه الي انت بتعمله؟؟
وقالتلي من فضلك اهدي

حماتي قالتلي اني برعب بنتها

مش فاهم حماتي قصدها ايه , ومش عارف اصلا انا بتصرف كده ليه , وهما قصدهم ايه , وليه بيعاملوا معايه كده!

مراتي فتحت تليفونها وطلعت فيديو هي الي مصوراه

في الفيديو كنت انا واقف علي باب الحمام وعمال اصرخ علي مراتي
لكن واضح ان مراتي اصلا مش في الحمام لانها مصوراني وهي واقفه ورايه!!!

كمان وريتني فيديو تاني وانا واقف عند باب البيت و عمال ابص بطريقه غريبه . وبتصرف بطريقه مش طبيعيه!!!

كمان فيديو تاني علشان اشوف طريقتي معاها بعد رجوعي من الشغل واد ايه انا عدواني جدا معاها.

الظاهر ان مراتي تعبت من تصرفاتي وسابت البيت يوم الثلاثاء وانا كنت لوحدي في البيت لمد يومين!!!

لما شوفت كل ده انهارت تماما

فتحت الفيديو الي انا كنت مصوره علي تليفوني , واكتشفت انه مجرد صور للارض ورجلي وخلاص.

في اللحظه دي حاسيت بدوار غريب وشعور مش عارف اوصفه
كان عندي غثيان
ومش قادر حتي اقعد
كنت بترعش

الدكتور بيقول ان دي حاجه اسمها akathisia

طبعا اتصلوا بالاسعاف , لما وصلت المستشفي , ماكنتش قادر اتحرك
ومش قادر اركز خالص , كنت عايز انام وبس

فعلا نمت 5 او 6 ساعات.

لما صاحيت بدأ الدكتور يسألني علي الادويه الي اخدتها
قولتله علي كل حاجه , ولما قولت علي دواء مراتي
هنا وضحت كل حاجه , لان مراتي قالت للدكتور ان ده دواء تاني خالص.

وهنا عرفت اني اتخلبطت في الدواء.

هما لسه مش متأكدين , بس واضح ان الدواء عملي هلاوس او انفصام و اوهام.

سألوني لو في حد في عيلتي كان بيعاني من مرض عقلي

رديت اني مش عارف , والدي ووالدتي كبار في السن , وانا ماشوفتش اجدادي.

بعدها نمت تاني

مراتي اتصلت بوالدي علشان تسأله؟

قالها ان جدي كان عصبي جدا ,وكان بيعاني من الاوهام من وقت للتاني وكان بيتكلم كلام غريب , وبيتصرف بطريقه مش طبيعيه.
بس مافيش دكتور شخص حالته , ولما مات ماكنتش كبير في السن قوي.

هما شاكين انه كان بيعاني من انفصام في الشخصيه

انا دلوقتي في المستشفي , وبعد ما اخرج هروح لدكتور نفسي
وهو الي هيحدد هتعالج ازاي.

للاسف مراتي خايفه مني ومش عايزه تكون موجوده في مكان انا موجود فيه.

هي مش غضبانه مني , بس بتقول انها بتفضل ان اخويه الي يهتم بيه لغايه ما يحددوا حالتي واخد الادويه المناسبه.

انا دلوقتي مستني العلاج , اسف لو ضيعت وقت الناس.