فساتين خطيبتي!!
انا راجل عمري 43 سنه.
الحقيقه انا مش شايف نفسي غلطان في حاجه
لكن امي غضبانه مني جدا، وخطيبتي قالتلي اني شخص فظيع!
خطيبتي عمرها 34 سنه، هي بتشتغل مدرسه للاطفال الصغيرين (مرحله ال kg).
ولسبب ما انا مش عارف ايه هو، خطيبتي بتلبس ملابس شبه Ms. Frizzle (الصوره في التعليقات).
هي بتحب تلبس فساتين عليها رسومات واشكال للمواد الي بتدرسها للاطفال، بتفصل معظم الملابس دي بنفسها وبتخيط معاها الاشكال.
ومش بتكتفي بكده لاء دي كمان بتعمل قبعات علي الرأس (طواقي) بنفس قماشه الفستان.
الاطفال بتحب فساتين خطيبتي قوي، كمان واضح ان امهات الاطفال شايفين ان دي حاجه لطيفه جدا.
بصراحه انا مش عاجبني الي بتعمله دي 😠
ده غير اني كان ممكن اسكت لو هي بترجع البيت تغيير هدومها قبل ما تروح مشوار تاني بعد المدرسه.
لكن المشكله الي حصلت يوم الجمعه، ان خطيبتي قررت تخرج مع امي بعد الشغل علشان تساعدها في شراء اغراض، و كانت لسه لابسه الفستان الغريب ده.
انا قولتلها اني مش موافق علي تصرفاتها دي ومش عاجبني لبسها، ردت عليه ان مش من حقي ادخل في ذوقها.
الحقيقه انا كنت مضايق جدا لانها خرجت بالشكل ده مع امي علشان كده كذبت عليها وقولتلها ان امي كانت محرجه من لبسها، وطلبت منها ما تعملش كده تاني وهي خارجه معاها.
ماكنتش متوقع ان خطيبتي هتتصل بأمي، بس للاسف ده اللي حصل.
خطيبتي قررت تكلم امي علشان تعتذر انها سببت لها احراج، امي ردت عليها وهي مستغربه قوي و قالتلها ان مافيش مشكله ابدا هي حره تلبس الي هي عايزه، بالعكس امي شايفه ان دي حاجه جميله من خطيبتي انها بتقضي وقت اضافي علشان تفصل فساتين مخصوص علشان تفرح الاطفال.
امي غضبانه مني دلوقتي وصرخت عليا علشان كذبت علي خطيبتي وكنت هوقع مابينهم واخرب العلاقه مابينهم.
دلوقتي انا وخطيبتي متخاصمين، هي زعلانه مني و رافضه تكلمني.
بس انا شايف نفسي مش غلطان المفروض انها تهتم بمظهرها وتلبس ملابس مناسبه للاماكن العامه.
هل انا فعلا غلطان للدرجه دي؟
🌹 تحديث:
انا متأكد ان كل الناس هنا هيفرحوا بالخبر ده خطيبتي انفصلت عني.
قالت عليه مسيطر جدا وماعنديش استعداد اسمع حد غير نفسي وسابتني 😢
(القصه حقيقيه مترجمه من ريديت)
