حماتي عايزه تلبس فستان ابيض يوم فرحي!!
انا محتاره جدا ومحتاجه مساعده
فرحي قريب
انا هنديه وخطيبي مش هندي بس هو مش ممانع اننا نعمل حفل الزفاف علي الطريقه الهنديه.
حماتي سألتني لو ممكن تلبس فستان ابيض في حفل زفافي؟ وانا وافقت
لما خطيبي عرف كان غضبان قوي
وقالي امي هتحاول تسرق منك الاضواء في يوم الزفاف
وقالي انه متأكد ان حماتي هتلبس فستان ابيض طويل
وان موافقتي علي ده تصرف مش مسئول مني.
الحقيقه انا ماعنديش اي مشكله لاني هنديه وهلبس فستان احمر في الزفاف , كمان فستاني مميز جدا بتصميمه ونوع القماش.
وبصراحه انا شايفه ان مافيش اي مشكله , اكيد يعني خطيبي مش هيتغلبط بيني وبين مامته يوم الزفاف.
دلوقتي خطيبي مصمم اتكلم مع حماتي واقولها اني مش موافقه علي الفستان الابيض
بصراحه انا حاسه اني كده بعلن العدواه معاها رسمي وانا مش عايزه كده
رأيكوا ايه؟
🌹#تعديل
الناس بتسأل هل حماتي تعرف لون فستاني؟
الحقيقه انا ماعرفش هي عندها فكره عن فساتين الزفاف الهندي ولا لاء.
🌹#تحديث
خطيب صاحبه الرساله (جوزها) قرر ان هو الي يكتب التحديث:
ناس كتير علقوا اني غلطان علشان مش عايز اتكلم مع امي بنفسي في مشكله الفستان الابيض , وعايز اجبر مراتي هي الي تكلمها.
الحقيقه ان علاقتي بامي مش احسن حاجه
امي طول عمرها عايزه تكون هي محور الاهتمام في اي مناسبه تخصني
سواء في
🌿عيد ميلادي
🌿في مباراياتي
🌿في حفله التحرج
🌿او اي مناسبه مهمه بالنسبه لي.
الحقيقه انا عانيت طول عمري من الموضوع ده
في الجامعه قررت استقل بحياتي وكنت محظوظ لاني قابلت “بيا”
حبيبتها جدا ❤ واخيرا حاسيت ان مفيش حد بيقلل من انجازاتي
عيلتها كمان بيدعموني وبيحبوني قوي
هما اسره مضيافه ومحبه , وبيعاملوني كأني واحد منهم 😍
لما امي قررت تلبس اللون الابيض رجعتلي كل ذكريات الطفوله السيئه
علشان كده كنت مضايق وغضبان 😠
“بيا” اتصدمت من رد فعلي لانها اول مره تشوفني كده!
الحقيقه بعد ما “بيا” كتبت المنشور اقعد اقرأ كل التعليقات
وقتها ما كنتش عارف اوقف تفكير في ذكريات الماضي
حاولت اشغل نفسي بالشغل او العب تمارين رياضيه
بس في الاخر انهارت تماما وكنت ببكي بشده
كانت اصعب لحظه في حياتي 😭
تاني يوم جاتلي رساله من “بيا”
كنت متوقع انها هتنفصل عني
بس “بيا ” وقفت جنبي و اقنعتني اروح لمعالج نفسي.
بدأت تروح معايه , وكانت بتديني مساحتي علشان اقدر اتكلم مع المعالج براحتي
الحقيقه الموضوع ده ساعدني جدا.
حفل الزفاف كان جميل قوي
امي الي ماكنتش تعرف اي حاجه عن حفلات الزفاف الهندي
حضرت وهي لابسه فستان ابيض طويل من التل!!!
افراد الامن في القاعه اعتقدوا انها غلطانه في العنوان ورفضوا يسمحولها بالدخول
بصراحه لما شوفت الناس كلها داخله وامي واقفه عند البوابه مش عارفه تدخل ضحكت في سري 😅
امي دخلت حفل الزفاف
طبعا بالمقارنه بملابس اهل “بيا” والفساتين الهنديه المطرزه من الحرير والساتان , فستان امي كان شكله رديء جدا جنبهم ومش شيك.
وبدل ما تسرق الاضواء زي ماكانت مخططه , بالعكس كان شكلها غريب عن المكان.
ده غير المجوهرات والاقراط الهندي الي اهل “بيا” لابسينها الي في منتهي الجمال , لكن امي كانت مظهرها بسيط جدا.
“بيا” كانت قمر في فستناها الاحمر والحناء الجميله علي ايديها ورجليها 😍
هي عندها شعر جميل قوي ويوم الفرح كان مذهل خصوصا مع الاكسسسوارات الهندي علي ضفيرتها 😍
كمان العروسه الهنديه بتلبس علي شعرها حاجه اسمها “ماثا باتي”
شبه التاج 👑 كان مخلي شكلها كأنها اميره ❤
يومها ناسيت امي وكل مشاكلي والدنيا كلها , لاني ما اقدرتش اشيل عيني عن “بيا” ومدي جمالها ❤
امي حاولت بكل الطرق تقاطع الحفله
🌿اولا بدأت بالسعال
خاله بيا جابتلها دواء للسعال.
🌿بدأت تتكلم بصوت عالي
بنت اخت بيا قاطعتها وقالتلها انتي ماتعرفيش ان من الوقاحه اننا نتكلم بصوت عالي في الحفله ده انا عمري 5 سنين واعرف كده .
(الي عرفته بعد كده ان مامتها “اخت بيا” هي الي قالتلها تقول كده لامي علشان تسكت)
طبعا كل اقارب بيا رقصوا علي طريقه “بوليوود”
وامي ماكانتش عارفه تعمل زيهم .
🌿قعدت امي تشتكي لحماتي من مدي صعوبه تربيتي
حماتي قالتلها ماشاء الله ابنك عريس جميل وشاب ممتاز و لازم تبقي فخوره بيه.
امي ماعجبهاش كلام حماتي
🌿علشان كده راحت ل “بيا” وقالتلها انتي متأكده انك عايزه تكوني معاه؟
“بيا” قالتلها وانا هكون معاه ليه لو انا مش متأكده.
ردت امي بصوت عالي يعني فعلا متأكده لانه كان بيبلل الفراش لغايه عمر 18 سنه 😢
ده فعلا حقيقي بس من عمر 18 اتعالجت من الموضوع ده.
بس امي وقفت قدام مراتي واعلنت ده 😢
في اللحظه دي كرهت نفسي , كنت فعلا بتألم.
لكن “بيا” اتعاملت بشكل طبيعي جدا
رقصت معايه وسكت ايدي , وقالتلي انها عارفه ان المشكله دي بتحصل بسبب التوتر من الاهل , وان دي مش مشكلتي.
استمتعت بالحفل مع مراتي وعيلتها
لما امي ماشت حاسيت بالراحه , وكأن كان في تقل علي ظهري واختفي.
الحمد لله مفيش دلوقتي اي ذكريات سيئه من الماضي بتهاجمني
انا محظوظ جدا لاني اتجوزت “بيا” ربنا عوضني بيها ❤
🌹انتهت الرساله الاولي🌹
شوفت رساله تانيه علي ريديت قريبه من الرساله الاولي وقررت انزلهم مع بعض.
🌹رساله جديده🌹
استعدوا معايه ياشباب
الرحله الي جايه مجنونه……….
صاحبتي من ايام الجامعه بتحضر لحفل زفافها.
صاحبتي كانت دايما بتحكيلي عن حماتها وانها حاسه انها بتكرها جدا
بس علشان صاحبتي هاديه ولطيفه قوي ماكنتش بتعمل اي مشاكل مع حماتها.
هي حكيت لي مواقف كتير عن حماتها وعرفت انها كانت بتتعمد تضايق صاحبتي
في حفل توديع العزوبيه حماتها كالعاده عملت مشاكل وكانت عايزه تخرب الحفل.
قبل فرح صاحبتي بيوم
باعتتلي رساله وقالتلي انها خايفه وعندها احساس ان حماتها بتدبر حاجه.
قولتلها ده بس مجرد توتر وكل حاجه هتبقي تمام
للاسف كنت غلطانه…..
في يوم الزفاف
كل البنات جهزوا , عملنا الميك اب والشعر
لبسنا الفساتين وكنا مستنين العروسه تخلص شعرها.
العروسه علقت وقالت ان حماتها ماظهرتش لغايه دلوقتي وده غريب.
بصراحه كلنا بصينا لبعض وكنا خايفين!!!
بعد نصف ساعه
واحنا بنساعد العروسه تلبس الفستان
خمن مين الي ظهر؟؟ ايوه بالظبط حماتها.
وشها كان احمر جدا من طلوع السلم
كانت عامله الميك اب والشعر
ولابسه فستان ابيض
لاء……مش كريمي ولا عاجي
ابيض ناصع البياض 😮
الفستان بوضوح فستان زفاف من الساتان مطرز بالخرز علي شكل قلب
كمان فيه ديل ودانتيل.
واضح ان الفستان متفصل مخصوص ليها
يعني هي بتدبر للموضوع ده من فتره
لما العروسه شافتها انفجرت في البكاء
خالات العروسه طلبوا من حماتها تمشي دلوقتي
حاولنا علي اد مانقدر نواسيها
وعدلنا ميك اب العروسه تاني
وعدت صاحبتي ان حماتها مش هتظهر في اي صوره في الحفله
بصيتلي وهزت راسها
علشان كده بدأت اللعبه……
روحت لمكان الاستقبال
اتكلمت مع الموظف المسئول عن المشروبات وطلعتله 20 دولا وقولتله عايزه عصير احمر.
اخدت كوبايه ومليتها علي الاخر
استنيت لما الناس كلها اتجمعت في المكان المخصص للصور
بصيت للعروسه الاول
هزت راسها بالموافقه……
مسكت تليفوني وعملت نفسي بقرأ رساله
وماشيت في الاتجاه الي فيه حماتها
عملت نفسي خبطت فيها من غير قصد و وقعت كوبايه العصير الاحمر كلها علي فستان حماتها من قدام 😂
وبعدين رجعت لورا وعملت نفسي مندهشه ومش قصدي .
بصيتلي بنظره غضب 😠
وقعدت تصرخ وتهدد وتقولي هرفع عليكي قضيه.
وبعد ما خلصت صراح بدأت تبكي , ودخلت في نوبه غضب
الناس ما اهتموش قوي
سابوها علشان ياخدوا صور مع العروسين
الظاهر الناس كلها زهقوا من كتر الدراما واتجاهلوها.
شفت واحده من العاملين في الفندق ماسكه تليفونها وبتصور منظر الفستان وهو واقع عليه العصير.
بعد كده حماتها قررت تروح البيت وتغيير الفستان ورجعت تاني بعد حوالي 20 دقيقه بس!!!
كانت لابسه فستان اخضر غامق
بس خلاص كان الناس اخدوا الصور .
استمتعت بالحفله مع صاحبتي وشكرتني في السر 😂
بعد 3 شهور روحت منتجع صحي علي حساب صاحبتي علشان تشكرني علي الواجب الي عملته معاها يوم الفرح .
🌹ملحوظه
انا مش بطله خارقه ولا حاجه
بس انا اتعرضت للاساءه كتير من حماتي بسبب جنسيتي
علشان كده اتعلمت ادافع عن نفسي 💪
