طبيبة نفسية اسمها “جين شينودا بولين”. قالت ان في 7 نماذج مختلفة من الستات أو البنات:
الأم 👩👧
البريئة 👧
الحبيبة 💞
الملكة 👑
الصيادة 🎯
الحكيمة 🧠
وأخيرًا العابدة 🕌
كل واحدة فينا جواها أكتر من نموذج ” ميكس”. يعني ممكن تكوني واخدة صفات الحبيبة 💞، على جزء من صفات الصيادة 🎯، على جزء من الحكيمة 🧠
لكن كل واحدة كل فينا، عندها نموذج هو اللي ظاهر وطاغي أكتر علي شخصيتها ✨
كمان خلال حياتنا أوقات شخصيتنا بتتغير، والنموذج بتاعنا ممكن يتغير مع الوقت 💫
طيب، أنا هستفيد إيه لما أعرف النموذج بتاعي؟ 🤔
هتستفيدي إنك:
هتعرفي إيه الصفات اللي إنتي مميزة فيها 🌟 وإيه هي نقاط القوة في شخصيتك 💪
وكمان هتعرفي نقاط الضعف اللي عندك وازاي تشتغلي عليها علشان تطوري نفسك 🛠️
أنا لقيت اختبار على النت ممكن تعرفي منه شخصيتك بتميل لايه أكتر من النماذج السبعة. موجود في التعليقات لو حابة تعمليه 🔗
يلا بينا نبدأ، بسم الله 🙏
النموذج الأول “الأم” 👩🍳
عارفين البنت أو الست إللي شاطرة مثلًا في عمل المربى 🍓 وبتعملها حلو أوي ولازم تكون بيتي.
فتقرر بقى إن هي تنزل تشتري كميات كبيرة من الفراولة 🍓 وتقعد طول الليل تحول الفراولة دي لمربى، وتخزنها، وتقعد توزعها على كل حبايبها ❤️
بتعمل كده من غير ما أي حد يطلب منها، لكن هي فعلًا من جواها بتحب تكون خدومة 🤝 وبتحب تساعد كل الناس 🌍
هو ده : نموذج الأم 👩👧
طبعًا غريزة الأمومة عندها أصلاً عالية 🔥
بتحب تعيش دور الأم حتى لو مش متجوزة.
هي أم لصحابها، أم لإخواتها، و لكل حبايبها 👩👧👧
ودودة جدًا بزيادة 💖
وبتحب تحس إن إللي حواليها دايمًا محتاجين لها، وبتحب تقدم المساعدة طول الوقت ⏳
الأمومة بالنسبة لها رقم واحد في حياتها.
بتحب الطبخ قوي 🍲
كمان دايمًا بتقدم الدعم العاطفي والمعنوي لكل الناس 🫶
بتتعامل دايمًا مع أصحابها كأنها أمهم 👩🏫
لازم طول الوقت تبقى مطمئنة عليهم، وبتحب دايمًا تتأكد إنهم بخير ✅
لو حست بس مثلًا إن واحدة من صاحباتها تعبانة.
هتكون ماسكة طبق الشوربة 🍲 وقاعدة جنبها ع السرير 🛏️
وعلى فكرة شخصيتها دايمًا مريحة ومحبوبة من الناس كلها 💕
وأغلب الناس بيعتمدوا عليها، وبيحسوا معاها بالأمان 🛡️
وعلى قد ما هي مريحة، ممكن تتحول لشرسة لو اتعرضت لموقف بيحتاج ده 🐯
نقاط الضعف عندها:
على قد ما بتحب تقدم المساعدة،
ممكن الموضوع يزيد وتفضل تضحي بزيادة،
ومش بتعمل لنفسها حدود 🚫
وللأسف أحيانًا كتير بتنسى نفسها 😞
كمان بتكون علي طول مرهقة، وتحس إنها ياعيني مستنفذة وما عندهاش طاقة 🪫
لو إنتِ لقيتي نفسك نموذج الأم،
نصيحتي ليكي: إنك تتعلمي زي ما بتدي كمان تاخدي 💡
كمان، نقطة ضعف عندها:
إنها بتكبت مشاعرها واحتياجاتها 😶
ومش دايمًا بتعترف هي محتاجة إيه 🫥
بتفضل ساكتة وكاتمة احتياجاتها ومشاعرها،
وللأسف ممكن مع الوقت من كتر الكبت إللي هي فيه تنفجر وتتحول لست عصبية جدًا 💥😤
نقطة ضعف تانية كمان:
إنها أوقات، علشان هي عارفة كل حاجة وبتحب تعمل كل حاجة بنفسها،
اللي حواليها بيحسوا إنها متحكمة شوية 🧠
أو إنها بتقلل منهم أو إن تصرفاتهم دايمًا مش بترضيها ❌
نصيحتي ليكي 💬:
خدي بالك من نفسك أكتر 🌸
خلي كل واحد يعتمد على نفسه،
واتعلمي تخصصي وقت لنفسك،
زي ما بتدي، اتعلمي كمان تاخدي 💖
تاني نموذج: “البريئة” 👧
دي بتكون بنت طيبة، وعندها براءة الأطفال 👼
عارفين كده البنت الخيالية الحالمة اللي عايشة في عالم من صنع خيالها؟
بتكون حساسة بزيادة، وبتقدر تتعاطف مع كل اللي حواليها.
يعني من الآخر: طيبة وغلبانة وعلي نياتها 💞
لكن أحيانًا كتير بتكون اعتمادية،
يعني مش عايزة تكون مسؤولة عن حياتها،
بتفضل دايمًا يكون فيه حد تاني مسؤول عنها 🫂
وبتعيش دور الضحية، وتقول: “ظلموني، وعملوا فيا وتعبوني…” 😢
وللأسف، لأنها بريئة جدًا أو حتى ممكن تكون ضعيفة. بتتعرض للاستغلال 😞 وكمان لأنها خيالية أوي وعايشة في عالم الأحلام، والوهم
الحياة بتديها صدمات قوية “بيكون زي ألم جامد كده علشان تفوق”، بس الحلو أن الوجع بيخليها تصحى وتفوق وتتعلم تكون أقوى 💪
البنت أو الست دي، لو فهمت الدرس كويس، وعرفت هي ليه اتألمت، واتعلمت فعلاً من اللي حصلها، ساعتها بيحصل “التغيير الحقيقي” ✨
بتتغير بجد، وبتكون قوية جدًا جدًا 💪🔥
زي ما بيقولوا كده: “كأنها اتولدت من جديد” 🎉
بتتحول لست حكيمة أكتر 🧠
ومبدعة جدًا 🎨
وممكن كمان تكون ناجحة جدًا في حياتها 🌟
📌 لو عايزين مثال بسيط:
بنت شابة، جميلة، بريئة جدًا 👩🦰
لكن في نفس الوقت ضعيفة وساذجة شوية،
بتحب شخص من قلبها ❤️، لكن للأسف هو بيخونها 💔
في الأول، بتقعد تلوم نفسها وتشتكي وتعيش دور الضحية 😞
لكن مع الوقت، بتقرر تتغير 🛤️
بتدخل الجامعة 🎓، تكمل دراستها، وتشتغل 💼
وبتتعلم تكون حكيمة أكتر 💫
ثقتها في نفسها بتزيد 💃
وبتقدر فعلاً تكون ست ناجحة 💪
وتفهم إنها تستحق راجل أحسن بكتير من اللي خذلها 🚫❤️
رقم تلاتة: الملكة 👑
دي البنت أو الست اللي بتعرف تتحمل المسؤولية، وبتكون فعلًا قائد💪
ملتزمة جدًا، مخلصة جدًا 💯
إن جوزها يكون “ناجح” ده مهم جدًا بالنسبة لها 🌟
بتعرف تأسس بيت ناجح 🏡
ومش بترضى بأي شخص عادي، لأ، هي محتاجة إن جوزها يكون فعلاً “قوي” وعنده “مكانة بين الناس”🧑💼💼
زي ما قلنا، هي مخلصة جدًا، فعشان كده مستحيل تقبل غير “الزوج المخلص 💍
ما بتحبش أبدًا إنها تعيش “سنجل”، بتحب دايمًا تكون في علاقة ❤️
“خطوبة أو جواز”💒
يعني باختصار ، عارفين سيدات المجتمع اللي بتكون “شيك وراقية في بيتها؟
هي دي 👑 “الملكة”
نقاط الضعف عندها:
– أوقات بتكون متحكمة شوية 🧠
– غيورة جدًا على جوزها، بتغير عليه زيادة حبتين 😤 ما بتحبش أي واحدة تقرّب منه ❌👀
– كمان، علشان هي بتقدس الحياة الزوجية، ممكن جدًا تقطع علاقتها مع اصحابها بعد الجواز 💔
– وما بتهتمش بأي حاجة غير نجاح بيتها وأولادها👩👧👦🏡
نصيحتي ليكي:
لو إنتي “ملكة”، ما تتخليش عن أصحابك 💌
ولو لسه مش متجوزة، بلاش تحسي إن حياتك واقفة أو إن ده بيقلل منك.
_____________
عارفين البنت اللي حاسة بأنوثتها وجمالها 💃
وحاطة دايمًا نفسها رقم واحد قبل أي حاجة
دي دايمًا بتفكر في سعادتها وراحتها هي وبس 💖
قبل ما تاخد قرار في أي حاجة، أول حاجة بتفكر فيها:
هل الحاجة دي هتسبب لها سعادة ومتعة؟ 🎉 لو آه، هتعملها من غير تفكير، لكن لو الحاجة دي مش في مصلحتها، هترفضها فورًا من غير تفكير ❌😌
الحقيقة إن البنت دي بتكون فعلًا جميلة وجذابة✨
كل حركة وتصرف منها بيقول: “أنا جميلة”💅
وبتكون فعلًا ملفتة من غير أي مجهود منها 😍
مبدعة جدًا 🎨
بتحب الحياة، وبتحب تفرّح نفسها 🎈
وعلى قد ما بتقع في الحب بسرعة، برضه ممكن تنسى اللي بتحبه بنفس السرعة 😊
هي دايمًا محتاجة من شريك حياتها إنه:
– يستمتع معاها
– يسافروا سوا ✈️
– يجربوا حاجات جديدة
– يروحوا أماكن مختلفة 🏖️🎡
علشان كده، الست دي دايمًا جذابة وبتخطف انتباه كل اللي حواليها 🔥
نقطة الضعف في شخصيتها:
– لأنها بتركز على الاستمتاع باللحظة الحالية🎁 ومش بتفكر في المستقبل،
ممكن بسهولة تخلّص كل فلوسها على حاجة عاجباها دلوقتي 💸
ومن غير ما تفكر هتكمل إزاي بقية الشهر 🗓️🤷♀️
– كمان بسهولة جدًا بتنهي العلاقات مع أي حد بيضايقها 🛑
بتخرج الناس المزعجين من حياتها بمنتهى السهولة والهدوء “يعني من الاخر مش بتبقي علي حد”🧊.
الصيادة 🏹
ودي أكتر واحدة مختلفة.
جريئة، شجاعة جدًا، عندها هدف واضح وعارفة بالظبط هي عايزة إيه 🎯
مش بتهتم أبدًا برأي الناس فيها، عندها رغبة قوية إن هي تكون مؤثرة. وعايزة تغيرر العالم كله للأفضل 🌍
أكيد عايزة تكون زوجة وأم زي كل البنات،
لكن الموضوع مش الأولوية في حياتها. بتحب دايمًا تدافع عن حقوق المرأة 💪♀️
عيوبها:
ممكن تكون سريعة الغضب 😤
والعيب التاني إن هي أوقات كتير بتحس إن إظهار الأنوثة ضعف 😶
الحكيمة 📚🧠
عارفين البنت المتفوقة، اللي هي أشطر بنت في المدرسة؟
اللي هي عايشة بس عشان تذاكر؟ هي دي الحكيمة 👩🏫
بتعشق التعليم، ذكية، منظمة، عملية جدًا ✅
بتقدر فعلًا تنجز المهام اللي عليها، ولو اتحطت في اختبار واضطرت تختار، هتختار دايمًا بعقلها مش بقلبها ❤️🧠
من أهم مميزاتها الصبر، وبتقدر فعلًا تحافظ على هدوئها لو اتحطت تحت ضغط كبير 😌
دايمًا عندها فضول وعايزة تعرف وتتعلم كل حاجة 🤓
والناس دايمًا بتحب تاخد رأيها علشان هي ذكية وحكيمة وعاقلة 🗣️
المهن اللي بتحبها:
التدريس 👩🏫
أو ممكن تكون محامية شاطرة جدًا ⚖️
أو سفيرة 🌐
أو وزيرة 👩💼
أو حتى زوجة رئيس دولة لأنها فعلًا عندها القدرة توصل جوزها للمنصب ده ✨ وتقدر تحط له خطط وتكون سبب نجاحه 📈
من عيوبها:
ممكن ما تهتمش بالأمومة قد ما تهتم بالعلم وتطوير نفسها وشخصيتها 📖
مش عاطفية، مش بتهتم قوي بالمشاعر، هي بتحسب كل حاجة بالورقة والقلم والمنطق والتفكير العلمي 🧾🧮
الناس أحيانًا ممكن يحسوا انها مغرورة شوية علشان هي فعلًا بتفهم في كل حاجة.
العابدة 🕊️🕌
عارفين البنت الانطوائية، البيتوتية، اللي بتحب كده تقعد مع نفسها في بيتها وتقفل على نفسها؟
ما بتحبش تقابل ناس كتير؟
هي دي العابدة 💭
انطوائية، بتحب العزلة، مهم بالنسبة لها تحس بالسلام الداخلي، وبتكون فعلًا متدينة 🙏
متواضعة جدًا، ما عندهاش أي نوع من أنواع الغرور 🌸
ما عندهاش هدف كبير عايشة علشانه، لأ، هي بتحب بيتها 🏡
وعايزة تقعد وترتاح في البيت وبس 🛋️
مش بتهتم أوي بالعالم برا بيحصل فيه إيه 🚫
فكرة إنها تشتغل في شركة وتختلط بالناس والجو التنافسي ده؟
بعيد عن شخصيتها تمامًا 🚷
لأ، هي مش عايزة الاختلاط والدوشة، هي بتعشق الهدوء 🌙
ونادرًا لما بتكون مشهورة، لأنها أصلًا بتستخبى ومش بتحب الظهور 🙈
الناس بتستغربها شوية وبيحسوا إنها غامضة،
بس الحقيقة إنها مش غامضة، هي بس انطوائية وعايزة تعيش في حالها 🧘♀️
نقط الضعف عندها:
مش بتختلط بصحابها ولا بعيلتها 🤐
المفروض إنها تتعلم التوازن بين إن يكون في وقت لنفسها، وبرضه ما تنساش تخصص وقت لعيلتها ولصحابها 👨👩👧👧
العيب التاني:
ممكن تكون خجولة، بتتكسف تعبر عن اللي جواها، وعن رأيها بصراحة، أو بتتكسف تدافع عن نفسها 😳
لو اتعرضت لأي موقف، هتجري على بيتها وتقفل على نفسها وبس 🏃♀️🚪
نصيحتي ليكي 📝
اتعلمي إنك تطلبي الدعم أو المساعدة أو الحب من الناس لو فعلًا حسيتي إنك محتاجة ده ❤️🤝
___________________
لمشاهده الفيديو علي اليوتيوب من هنا https://www.youtube.com/watch?v=Zq-Ub-Davh4
كل واحدة تقول إيه النموذج اللي حاسة إنه قريب لشخصيتها؟
وهل شخصيتك دي نفس شخصية مامتك؟ ولا كل واحدة فيكم مختلفة عن التانية؟ 💬
#بيت_سعيد
