طبعا مش كل اختياراتنا في الحياة بتكون صح. واوقات كتير بنرتبط باشخاص بيكونوا مش مناسبين لنا. بس احنا بنعمل نفسنا
بس احنا احيانا كتير بنعمل نفسنا مش واخدين بالنا وبنفضل مكملين في العلاقة الغلط.
ورغم كده هتلاقي طول الوقت بتيجي لك علامات واشارات بتقول لك بلاش الشخص ده
الشخص ده مش مناسب لك. ايه هي العلامات دي؟ ايه هي العلامات اللي بتقول لي ان انا مرتبطة بشخص سام؟
اول حاجة هتلاقي دايما اللي حواليك بيقولوا لك الشخص ده مش مناسب لك.
او لو اي حد مثلا من اصحابك من قرايبك اول ما يشوفوا هيقول لك حسيت باحساس مش كويس لما شفته
وهتسمع دايما الكلمة دي. انا حاسس ان هو مش لايق عليك.
كمان هتلاقي حاجة كده من جواك بتقول لك بلاش الشخص ده.
حتى لو هو حاول يظهر قدامك انه كويس ويبين كل حاجة جميلة فيه. بس هتلاقي حاجة كده من جواك بتقول لك لا مش هو ده.
كل ما تخططوا ان انتم تيجوا تخرجوا مع بعض هتلاقي احداث كده بتحصل خارج عن ارادتك بتخلي الخروجة دي تتلغي
وكأن الكون كله بيقول لك بلاش الشخص ده.
لما بتقضي معه وقت طويل بتحس ان انت مرهق.
وده ممكن يكون لان انت اصلا من جواك قلقان منه او بتفكر زيادة هل ده مناسب لك او مش مناسب؟
او لان هو اصلا بيتلاعب بك وبيمتص طاقتك.
ممكن كمان بعد المقابلة معه بتحس باكتئاب وحزن.
بتحصل حاجات غريبة لما تكونوا مع بعض
. يعني مثلا ممكن تلاقي كوبايات اتكسرت كده من غير سبب
تلاقي مثلا اغنية اشتغلت بتتكلم عن الانفصال
او حكمة مثلا او كلمة ظهرت قدامك بتقول لك بلاش الشخص ده. حتلاقي كده صدف كتير بتحصل حواليك بتقول لك ما تكملش في العلاقة دي
واخر حاجة هتحس ان انت مش لاقي نفسك معاه.
يعني ان انت لما بتكون مع الشخص ده بتحس ان انت مش على طبيعتك.
انا كده خلصت يا رب الفيديو يكون عجبكم. اشوفكم على خير. والسلام عليكم ورحمة الله وبركاته
اقرأ ايضا
