طلبت من اخويه يدفعلي 30 ألف دولار ؟
عملت عشاء عائلي في بيتي، كان موجود عيلتي وكمان اخويه واطفاله الي عمرهم 4 و 8 سنين.
انا متجوزه، قبل مااتجوز لما كنت لسه في بدايه خطوبتي كنت دايما بلبس خاتم الخطوبه💍الي ثمنه 30 الف دولار، بس بعد كده قررت احتفظ بيه في علبه جوه دولاب الملابس، وبلبسه في المناسبات المهمه ب
في يوم العزومه، كنت مشغوله بحضر ترابيزة السفرة
اولاد اخويه كانوا بيلعبوا واخويه مكنش بيشرف عليهم.
في الوقت ده، اولاد اخويه دخلوا غرفه نومي من غير ما حد ياخد باله، قعدوا يلعبوا في كل حاجتي وكمان خاتم خطوبتي.
لما حسينا بغياب الاطفال قعدنا ندور عليهم، الاطفال لما سمعوا صوتنا خافوا جدا لانهم عارفين ان مش مسموحلهم يطلعوا الطابق العلوي، من خوفهم طلعوا يجروا علي الحمام وكان معاهم خاتم خطوبتي.
للاسف الخاتم وقع في الحمام.
اتصلنا علي السباك يكون معاه مصيده مخصوصه للحاجات دي علشان يحاول يساعدنا، للاسف السباك قال الخاتم اختفي للابد 😩
انا معايه الايصال الخاص بالخاتم، اتصلت بعد كده بأخويه وبعتله نسخه من صوره الايصال، علشان بتأكد من ثمن الخاتم، وطلبت منه يدفعلي تعويض
رد وقالي اني اكيد غبيه، علشان احنا عيله وكمان دول مجرد اطفال، ورفض يدفعلي ثمن الخاتم!
عرفته اني هرفع عليه قضيه علشان يدفعلي التعويض.
دلوقتي كل شويه حد من عيلتي يتصل بيا، بيقولولي مينفعش ارفع قضيه علي اخويه ده تصرف مش مسموح، ولازم اخلي الموضوع يعدي
ملحوظه:
🌿للاسف جوزي مكنش عامل تأمين علي الخاتم
لما سألته قالي انه قعد يأجل الموضوع وبعدين نسي يأمن عليه.
🌿اخويه بيقول انه مش معاه حتي 100 دولار يدفعهالي كل شهر علشان يسدد ثمن الخاتم، ورفض كل الحلول انه يقسط المبلغ علي دفعات.
🌿كمان اعتذار اخويه كان من غير طعم مجرد كلمه اسف من غير اي مشاعر، لانه بيقولي دول مجرد اطفال و التصرف ده طبيعي في سنهم، وهو مش المفروض يتحمل مسؤليه ضياع الخاتم، مع انه كان المفروض يشرف علي الاطفال وقت لعبهم لما انا كنت مشغوله بالتنظيف و بحضر العشاء.
🌿كمان انا مش مصدقه خالص ان اخويه ومراته ميقدروش يدفعوا ثمن الخاتم لان دخلهم كبير جدا.
كمان مش بيدفعوا ايجار للبيت لان بابا سابلهم بيته القديم هديه علشان يعيشوا فيه (البيت الي يساوي دلوقتي اكثر من 3 مليون دولار) في كاليفورنيا
بابا سابلهم البيت لانه اشتري لنفسه بيت جديد.
انا زعلانه قوي لاني كنت بحب الخاتم💍 بتاعي قوي
انا اتكلمت مع محامي عيله جوزي علشان يرفع قضيه
في الوقت ده بفكر اعين محقق خاص علشان يقولي اخويه يقدر فعلا يدفع المبلغ ده ولا ميقدرش!!!
#قصص
#قصص حقيقية
