علامات بتأكد لك ان هو فعلا خلاص وقع في حبك.
لو حصل له حاجة فرحته انت اول واحدة هتيجي في باله.
ان هو يشاركك فرحته
بيكون دايما في ضهرك.
يعني لو احتجتي له هتبقي متأكدة مليون في المية ان هو اكيد هيسيب كل اللي وراه ويجي يشوفك محتاجة ايه
لو انتي حزينة او في حاجة شاغلة بالك هيلاحظ ده
وهياخد باله من غير حتى ما تقولي ولا كلمة.
انت اكتر واحدة في الدنيا بتعرفي اسراره.
كمان يحب يشاركك احلامه وطموحاته
مستعد ان هو يقدم شوية تنازلات علشانك.
يعني مثلا لو فيه اكله هو مش بيحبها ممكن يحاول ان هو يجربها عشان خاطرك. لو هو مش بيحب يتفرج على الافلام ممكن يضحي شوية ويتفرج معاكي على فيلم انت بتحبيه
بيفتكر عيد ميلادك
الرجالة عادة بتنسى التواريخ المهمة. لكن لو هو بيفتكر عيد ميلادك وبيعمل لك مفاجأة ويجيب لك هدية فانت معاك اكيد راجل نادر الوجود. واكيد ان هو بيحبك مليون في المية.
بيستخدم لغتك الخاصة
يعني يعني لو انت مثلا عندك لازمة بتقوليها في الكلام زي كلمة مثلا يعني طول الوقت بتقولي كلمة مثلا هتلاقيه هو كمان بياخد منك الكلمة دي وبيتكلم بنفس طريقتك.
بيخليكي راضية عن نفسك
لانه طول الوقت بيتكلم عن ايجابياتك وبيقولك على الحاجات الحلوة اللي فيكي
هيحاول ان هو يحميكي.
ولو فيه حد حاول ان هو يقلل منك او ينتقدك هو هيكون المحامي الخاص بتاعك. وهيدافع عنك باستماتة علشان هو بيبقى حاسس من جواه ان كرامتك من كرامته لان هو فعلا بيحبك وانتي تخصيه.
اتمنى كل بنت ربنا يرزقها الزوج الصالح اللي فعلا يحبها ويتقي ربنا فيها. انا كده خلصت اشوفكم على خير. والسلام عليكم ورحمة الله وبركاته.
شاهد ايضا
