هوايه زوجتي المخيفه!!!
اوك
الي هقوله دلوقتي مجنون جدا
اقسم ان مراتي ست طبيعيه
باستثناء طبعا هوايتها الغريبه دي
#حواديت_الاجانب
احنا الاثنين في اواخر الثلاثينات
كل الناس تقريبا يعرفوا بعض كويس في الحي الي احنا بنعيش فيه
طول عمر مراتي بتحب الافلام والمسلسلات الي فيها دراما وخيانات زوجيه
وكمان افلام الرعب الي بتتكلم عن نفس الموضوع
بتحب النوعيه دي من الدراما بشكل مرضي بجد
من كام شهر حصلت مشكله كبيره في الحي الي بنعيش فيه
زوجين انفصلوا بسبب الخيانه
من وقتها ومراتي مهووسه بتفاصيل الحكايه دي
اي مناسبه بنتجمع فيها مع الجيران لازم تفتح سيره الموضوع ده وتسأل لو فيه اي معلومات جديده؟؟؟
بعد شهر من الحكايه دي , كنت في مكتب مراتي الي في البيت
واكتشفت لوحه غريبه
كنت بنضف المكتب عادي ولاقيت اللوحه دي مقلوبه الناحيه التانيه
كان عندي فضول اعرف ايه اللوحه دي
قلبتها واكتشفت ان فيها صور كل جيرانا في الحي 😮
وقدام صوره كل شخص طالع خطوط غريبه متصله بصور اشخاص تانيين
طبعا استغربت جدا ايه الي مراتي عملاه ده!!!
سألتها ايه ده؟
قالتلي انها هوايه جديده
وانها بدأت تكتب علي اللوحه الشائعات الي بتسمعها عن الجيران
او الناس الي مشكوك فيهم
اللوحه مكتوب فيها مين بيتكلم مع مين في السر
واضح انها جابت صور الجيران من الفيس بوك او وسائل التواصل التانيه
وطبعتها علي اللوحه
وقدام كل صوره بتكتب ملاحظه او بتكتب حاجات بالتفصيل
قولتلها الي بتعمليه ده مخيف ومجنون
قالتلي انها بتستمع بالموضوع ده كهوايه ومش بتضر اي حد
ومستحيل تكشف سر اي حد موجود في اللوحه علشان مجرد شائعات
هي بس بتحب شعور انها محققه
وقالتي بص علي اللوحه كأنها قطعه فنيه ابداعيه!!!
لسه حاسس ان الموضوع غريب جدا
بس حاولت اتجاهل اللوحه وخلاص
مع اني بفكر فيه كتير
وكل فتره وانا بنضف ببص علي اللوحه تاني
من يومين وانا بشوفها لاقيت صورتي انا كمان مطبوعه علي اللوحه
وطالع منها خيط متوصل مع واحده من الجيران 😮
الست دي اصلا متجوزه وكل الي بيربطني بيها كلام عادي لما بشوفها صدفه
قولتلها انتي بتحطي صورتي ليه
انتي بتشكي فيه؟؟؟
قالتلي لاء
بص كده
لون الخيط الي طالع من صورتك مختلف عن الالوان التانيه
ده معناه انك مخلص وان ده مجرد احتمال وبس
بصراحه غضبت جدا وفقدت اعصابي في اللحظه دي
وقولتلها لو ما اتخلصتش من اللوحه دي
جوازنا هيكون في ورطه
بصراحه الموضوع فعلا بقه صعب جدا
اسف لو طولت
بس انا حاسس بالغضب
ومش عارف هل لازم اعتذرلها
هل الي بيحصل ده منطقي؟؟؟؟؟
#ريديت
#قصص
