هل انا اتعرضت للاختطاف لما كنت طفله؟؟؟
#حواديت_الاجانب
انا عندي احساس اني اتعرضت للخطف لما كنت صغيره
في جزء من حياتي فاضي خالص في دماغي
مش فاكره اي حاجه في الوقت الي كان عمري فيه من 5 الي 6 سنين!!!
انا فاكره احداث حياتي كويس لما كان عمري 13 سنه , بس الفتره الي قبل كده حاسه ان عقلي مشوش فيها
انا عمري حاليا 21 سنه
الحاجه الوحيده الي فكراها من طفولتي
اني كنت ببكي😭
في غرفه ضلمه
وكان فيه جهاز تليفزيون
وشرايط فيديو
كل مره بسأل ماما عن الموضوع ده بتغيير الكلام بسرعه
وبترفض تجاوبني
هي اتوفت السنه الي فاتت
علشان كده انا مش قادره اعرف ايه الي حصلي؟؟؟
دورت علي اسمي علي جوجل , بس مفيش اي حاجه ظهرت
جدتي من امي
معندهاش اي وسيله تواصل اجتماعي
بس انا عارفه هي مكانها فين
هي عايشه في ولايه تانيه بعيده عني
بفكر اروح ازورها
اخر مره شوفتها كان من 4 سنين
انا عارفه انها لسه عايشه
عايزه اسألها عن الي حصلي
لاني عارفه انها كانت عايشه مع امي لما انا كنت طفله
اعتقد انها لو عارفه حاجه هتقولي
انا عندي صوره واحده من طفولتي , وانا متأكده ان امي هي فعلا الي ولدتني , لاني عملت اختبار الحمض النووي علشان اتأكد….
#تحديث
انا روحت ازور جدتي و حاليا قاعده في بيتها
وقالتي ايه الي حصل
خالي كان مدمن , وكان بيحتاج فلوس طول الوقت
انا اتعرضت فعلا للخطف من خالي😢
هو خطفي في عز النهار قدام كل الجيران
اخدني من قدام البيت
جدتي قالتي انه كان غبي جدا لانه اخدني لبيته الي بيبعد 20 دقيقه عن المدينه
هي مش عارفه هو كان ناوي يطلب فديه ولا كان عايز يبيعني لحد تاني😢
وعلشان الي حصل ده كان في بلده صغيره ومن زمان
والموضوع اتحل بسرعه جدا
مكنش فيه اي تغطيه اعلاميه غير بس خبر صغير في صحيفه محليه مش معروفه
جدتي قالتي انها بعد كده اتبرت من خالي
واخر حاجه سمعتها عنه انه اتقبض عليه علشان تهمه تانيه.
(القصه حقيقيه مترجمه من ريديت, اصحاب القصه اجانب)
#ريديت
#قصص
