مين فينا اللي صح 🤔❓
أنا أم. ابني “آيدن” (23 سنة) رجع يعيش معانا تاني بعد ما خلص الجامعة، لأن جوزي هو اللي طلب منه كده.
جوزي اتفق مع آيدن أنه يعيش معانا من غير ما يدفع أي حاجة، بشرط انه يفضل في البيت ومايشتغلش علشان يساعد أخوه الصغير (16 سنة) اللي عنده إحتياجات خاصة.
آيدن بدأ يشتكي إنه محتاج فلوس، وعايز يشتغل. جوزي رفض الموضوع ده، وعرض يضاعف له المصروف، لكن آيدن كان بدأ يزهق من القعدة في البيت. وبدأ يدور على شغل ويقدم علي وظايف كتير. لمدة سنة،
الغريب أن ولا طلب شغل أترد عليه خالص. وما اتعرضش عليه ولا مقابلة واحدة حتي طول سنة كاملة.
كنا مستغربين قوي لحد ما اكتشفت إن جوزي هو السبب. للأسف كان بيدخل علي إيميل آيدن ويلغي طلبات الشغل.
أنا كنت مصدومة لما عرفت واتخانقت معاه، بس هو قعد يبرر اللي عمله وحجته إن ابننا الصغير محتاج رعاية، و آيدن لازم يخلي باله علي أخوه، ولو اشتغل مش هيبقي فاضي لحد.
أنا قررت أتصرف لوحدي وأجّرت شقة لآيدن ودفعتله الايجار، وقلتله يقعد فيها لحد ما يلاقي شغل وساعتها يبقي يدفع الإيجار لنفسه.
آيدن كان زعلان جدًا لما عرف اللي أبوه عمله.
جوزي اتجنن لما اكتشف الموضوع. قالي إني مش عاقلة ومتهورة، وإنّي بفرق الأخوات عن بعض، وعلّمت آيدن يبقى أناني ويفكر في الشغل أكتر من العيلة.
كمان قال إن مش من حقي أخد قرار كبير كده لوحدي. ومن ساعتها وهو معيشني في نكد، وبيقول إني أم فاشلة. وأن اللي كان بيعمله هو اللي صح.
علي فكرة في حاجات عايزة أوضحها:
جوزي بيقول إن بما إن إحنا الاتنين بنعاني من مشاكل صحية، فإحنا محتاجين مساعدة آيدن.
كمان لما اقترحت عليه نجيب حد من برّه يساعد ابننا الصغير، جوزي رفض وقال إنه مش هيطلب حاجة من حد، وإنه مسؤول مننا أحنا وبس.
أنا دفعت إيجار الشقة من “حساب مشترك” بيني وبين جوزي. وهو شايف إن ده غلط، و تبذير للفلوس لإننا على طول بنحتاج مصاريف للعلاج.
تفتكروا أنا غلطانة وجوزي عنده حق؟ ولا تصرفي كان سليم؟
__________
مترجمة من ريديت. أصحاب القصة أجانب.
#ريديت
#حواديت_الاجانب
