لما كان عمري 10 سنين قابلت ولد غريب جدا ظهر من العدم!!!
انا شاب
لما شوفت الولد ده لاول مره كان عمري وقتها 10 او 11 سنه
كنا في نص الصيف , كنت بسبح في البحيره مع اصحابي في حقل والدي
انا نشأت في بلدة صغيرة كل سكانها مزارعيين
عدد سكان البلد لايتعدي 200 شخص
علشان كده كل الناس تعرف بعض
ماكنش فيه اصلا في البلد كلها غير مدرستين , واحده للبنات والتانيه للاولاد
هقولكم علي الاحداث الي انا فاكرها
انا واصحابي كنا بنلعب مع بعض
وبعدين سمعنا صوت شخص بينادي علينا
بصينا وشوفنا ولد واقف عند البحيره
قالنا ممكن العب معاكوا؟
كان شكله في نفس عمرنا تقريبا , او يمكن اكبر شويه بس مش كتير
كان شاحب جدا ولونه ابيض
انا فاكر اني وقتها حاسيت بالدهشه والغيره من لون عنيه الخضراء الي بتلمع
كمان شعره كان اشقر وطويل واصل لكتفه
وافقنا انه يلعب معانا
وقتها ماكنش اي حد فينا يعرفه خالص , وده غريب جدا لان زي ماقولت كل الناس هنا تعرف بعض
قال انه اسمه “ريتشارد” بس بيفضل اننا نناديه ب “ريتشي”
سألته هو منين؟
اتحرج جدا ومقالش اي اجابه مباشره ابدا!!!
علي كل حال
بعد فتره من اللعب حاسيت انه لطيف
وقولتله ايه رأيك تيجي معايه البيت تتعشي معانا؟
وافق علي طول
صاحبي استغرب وقاله مش هتسأل مامتك الاول؟
رد ريتشي “اوه هي اكيد مش هتمانع!!!”
انا واصحابي كنا لابسين ملابس السباحه بس لما خلصنا جففنا نفسنا والبسنا كلنا هدومنا
لكن ريتشي فضل بالملابس الخفيفه وماكنش معاه اي حاجه تانيه يلبسها ده طبعا غريب
لما سألته؟
قالي شكلي ناسيت ملابسي في البيت!!!
بصراحه كنت مستغرب جدا , وكنت بفكر ازاي هيدخل معايه البيت كده
كان معايه قطع زياده قررت اديهاله يلبسها
روحت البيت مع ريتشي , انا فاكر ان بابا استغرب انه لابس هدومي
قولت لبابا معلش اصل هدومه كانت مبلوله و سيبناها في الحقل علشان تنشف.
ماما حضرت العشاء , ريتشي اكل 3 او 4 اطباق
ريتشي اصلا ولد نحيف جدا , علشان كده كنت محتار ازاي هو اكل كل الكميات دي!!!
ريتشي كان مهذب جدا ولطيف مع عيلتي
بعد العشاء دخلنا غرفتي ولعبنا مع بعض علي جهاز ال جيم بوي
كان باين عليه الدهشه قوي
حاسيت انه اول مره في حياته يشوف الجهاز ده
استغربت جدا لان جهازي اصلا قديم قوي
الوقت اتأخرت وسألته لو عايز يبات معايه؟
اتحمس جدا و وافق
استأذنت بابا وماما وهما وافقوا
وكملنا سهر ولعب علي الجهاز
بعد كده تعبت وكنت عايز انام
بس هو ماكنش باين عليه اي ارهاق
استأذن الاول انه ياخد دش لان رجله كان فيها طين من اللعب في الحقل
انا جهزت السرير وبيجاما نظيفه ل “ريتشي” و شغلت فيلم علي التلفزيون
لما خرج من الحمام قعد علي السرير واتفرج علي الفيلم معايه
كان متحمس جدا وهو بيتفرج علي الفيلم كأنه اول مره في حياته يشوفوه
رغم انه فيلم قديم ومعروف
نمت اليوم ده ولما صاحيت اكتشفت ان ريتشي مش موجود
سألت ماما لو شافته
قالتلي انه صحي بدري جدا ومشي
وقتها حاسيت بخيبه امل علشان مشي من غير ما يودعني
وكمان مفيش اي وسيله اتصال بينا
بعد يومين ظهر تاني عند البحيره , بس المره دي كان معاه ملابس كامله
علي مدار السنه قربنا جدا من بعض وبقي هو اعز صاحب ليه
كنا زي الاخوات , انا اصلا حاسيت انه صاحبي من اول مره شوفته فيها
انا ولا مره شوفت حد من عيلته , ولما كنت بسأله عن مكان بيته او اي سؤال شخصي كان بيتحرج جدا وبيرفض يجاوب ويغيير الموضوع!
لما حاسيت انه بيضايق رفضت اضغط عليه وبطلت اسأله.
هو قالي انه بيتعلم من البيت , كل الي فكرت فيه وقتها ان ده رائع جدا لان ده معناه انه مش بيروح المدرسه
زي ما قولت هو بقي اقرب صاحب ليه وكنت بحكي معاه في كل حاجه
ريتشي كان بيشجعني وبيدعمني وبيقف معاه في الاوقات الصعبه
هو شجعني اكون شخص افضل و كان بيحس بيه قوي
لما جدي اتوفي جريت في الحقل وقعدت في مكان لوحدي ابكي
وقتها ظهر وفضل يواسيني وكلامه فعلا ساعدني وقلل حزني
بعد فتره ريتشي اختفي تماما
هو فضل معايه لمده سنه وشهرين او تلات شهور بعد كده ماظهرش تاني
حتي ماودعنيش
حاسيت بالحزن الشديد وافتقده جدا
كنا بمشي في الحقول ادور عليه
واستني جنب البحيره علي امل انه يظهر تاني
لكن للاسف ما ظهرش تاني ابدا 😢
لسه مش عارف ايه الي حصله
دورت كتير علي وسائل التواصل لكن من غير اي فايده
هو اصلا مش قايلي اي حاجه عن حياته
سألت بابا لو فاكر اي حاجه عنه؟
قالي ان كل الي فاكره انه كان ولد غريب جدا واننا كنا اصحاب قريببين وبعد كده اختفي , بابا مش عارف اي حاجه تانيه
قالي المفروض وقتها كنا نبلغ عن اختفاءه بس هما للاسف ما كانوش مهتمين قوي
انا عارف ان ده صعب
بس ارجوك ريتشي لو بتقرأ الكلام ده اتواصل معايه
انا عايز اتكلم معاك واعرف ايه قصتك
انا عارف ان مفيش اي حاجه خارقه للطبيعه في ريتشي
بس هو غريب اكيد…………
🌹#تحديث
قررت ازور والدي و ادور في البيت علي اي صور بتجمعني انا و ريتشي
واحاول اشاركها هنا
انا عندي 7 اخوات وده معناه صور عائليه كتير علشان كده مش متاكد لو هلاقي اي حاجه
حد في التعليقات اقترح عليه اروح اسأل في الكنيسه
الي عارفته ان الكنيسه منظمه يوم للاحتفال بعطله الصيف
وكل كبار السن بيكونوا موجودين هناك اليوم ده
ده معناه اني لازم اصحي الساعه 7 الصبح
بس هعمل كده علشان اسأل لو اي حد هناك فاكر ريتشي
لو في اي حاجه جديده هعمل تحديث…………
🌹#تحديث
سألت انهارده في الكنيسه و للاسف مفيش اي حد فاكر حاجه
بصراحه بدأت افقد الامل
بس واضح ان الكلام انتشر هناك اني بدور علي شخص مفقود
لان في سيده كبيره في السن اسمها “شارون”
كلمتني وقالتلي انها تعرف خاله ريتشي الكبيره
شارون قالتلي انها هتحاول تتواصل مع الخاله علشان تتأكد لو هي فعلا العيله الي انا بدور عليها
قالتي لو فعلا هما عيله ريتشي ده معناه ان ريتشي كان عايش في بيت صغير بعيد عن القريه ساعه وربع مشي , الي تعرفه ان البيت في مكان منعزل و مافيش اي جيران حواليه
اتمني تكون فعلا الخاله لسه عايشه وماغيرتش معلومات الاتصال بيها
اتمنوا لي الحظ……..
للاسف الخاله مش بترد علي الاتصالات
بس قررت ابعت جواب علي عنوانها وشرحت فيها الموضوع كله
علي فكره انا زورت البيت الي شارون قالتلي عليه
للاسف البيت فاضي ومتهالك
🌹#تحديث
في ناس كتير في التعليقات اتواصلوا معايه وبيساعدوني
كمان جالي رد من “رابطة لاعبي الجولف المحترفين”
طلبوا مني الرقم علشان يتحققوا لو الرقم مربوط باي ارقام تانيه عن طريق الواتساب
فعلا قادرت اتواصل مع خاله ريتشي علي الواتساب
وهي ردت عليه
وصفتلها ريتشي وسألتها عليه
قالتلي انها مش بتتواصل معاهم من سنين
بس هي تعرف رقم اخت ريتشي , و بعتتلي الرقم
انا عارف ان رحله البحث طويله بس عندي امل اني قربت اوصل 😍
🌹#تحديث
كانت الرحله صعبه , من سنين وانا عايز اعرف مكان ريتشي
من المؤسف ان الخبر غير سار
من جوايه كنت خايف وانا بدور عليه تكون دي النهايه😢
اتواصلت مع اخت ريتشي “ساره”
انا ماكنتش اعرف اصلا ان ريتشي عنده اخت
ساره فاهمتني كل الغموض الي حوالين ريتشي
وشرحت اسباب سلوكه الغريب وليه خبي عليه حياته وازاي اختفي
ريتشي وساره كانوا بيعانوا من الاساءه والاهمال من والدهم
للاسف الاب كان بيعاني من مشاكل عقليه خطيره
الاب بيخاف من العالم الخارجي , علشان كده كان مخليهم منعزلين في السر,
هو مقتنع ان العالم خلاص بينتهي , وان في كيانات مظلمه عايزه تسيطر علي عقله وجسمه
وكان بيقول ان الملايكه اتواصلت معاه وقالتله علشان تكون آمن انت واسرتك لازم تعيشوا منعزلين
ساره قالتي ان والدهم ماكنش بيعنفهم او بيسيء ليهم جسديا
ريتشي وعيلته كانوا بيتنقلوا كل شويه لمكان جديد , ومش بيقعدوا في نفس المكان لفتره طويله , علشان باباهم كان بيخاف عليهم
ساره قالتلي ان غالبا هما اتنقلوا من قريتي في نص الليل فجأه
هي مش فاكره بالظبط الوقت الي اتنقلوا فيه من القريه
ده فسر ليه ريتشي ظهر فجأه واختفي بعد شويه.
ريتشي اتوفي لما كان عمره 15 سنه 😢
ساره ماكانتش عايزه تقول اخوها اتوفي ازاي وكانت حزينه جدا عليه
وقالتلي ان الكلام مؤلم بالنسبه لها
انا حاسس انه للاسف هو الي *** نفسه
ساره قالتلي انه كان بيحكي عني كثير وعن الوقت الي قضناه مع بعض
وانه كان نفسه يرجع ويدور عليه
قالتلي انها ماكنتش مصدقاه وكانت فاكره ان كل ده مجرد خيال
وهي حتي مش عارفه ازاي ريتشي كان بيسيب البيت وبيخرج يقابلني
وقالت ان باباها كان دايما بيحبس كل واحد فيهم في غرفته بالايام وحتي بالاسابيع
ساره قالتي ان عندها مذكرات ريتشي
وعرضت عليه تبعتهالي
قالتلي ان في كلام كتير قوي عني في المذكرات وهو كاتب اد كان بيفتقدني
نفسي اقرأ الكلام ده رغم انه اكيد هيكون صعب عليه
قالتلي انها فرحانه ان اخوها اثر علي حد كده
اتمني لو كل الناس تعرف ريتشي واد ايه كان انسان رائع ولطيف
🌹#تحديث
الناس في التعليقات فاكرين اني هنشر المذكرات والقصه في كتاب
ده مش حقيقي , الوحيده الي ليها الحق في ده هي اخته
بس اعتقد انها بتفضل تحتفظ بالذكريات لنفسها ومش مهتمه تشارك قصتها هي واخوها.
ريتشي انا بحبك
انا اسف علشان ماقدرتش اساعدك
ياريتني فاهمت انك في خطر
بتمني تسامحني
اسف علشان ما وقفتش جنبك زي مانت عملت معايه
بحبك يا صديقي 💙💙💙
(القصه حقيقيه اصحاب القصه اجانب)
#قصص
