لسه بحب مراتي وعايز ارجع لها

“لسه بحبها”

كنت متجوز من ست رائعه عمرها (24 سنه)
انفصلنا من سنتين

احنا اتخطبنا لمده سنه واتجوزنا 3 سنين

امي كانت كابوس في حياتي , للاسف انا بغباء مني سمحتلها انها تدخل في علاقتي بمراتي.

هي كانت بتسيء لمراتي السابقه , و طول الوقت كانت بتنتقدها

انا عمري ما اشتكيت لامي من مراتي , ولا حتي وقفت في صفها ضد مراتي ابدا , بس المفروض كنت اعمل لامي حدود اكثر خصوصا وانا شايفها بتعمل مشاكل علي طول

مراتي اتعرضت للاجهاض مرتين
انا كنت مخبي علي امي علشان مش عايز مراتي تتعرض لتوتر اكثر كفايه الي هي فيه

للاسف امي اكتشفت , شافت رسايل علي تليفون اختي وعرفت من الرسايل ان دي المره التانيه

انفعلت جدا وجات لبيتنا , طبعا ما اقدرش اطردها علشان كده دخلتها غرفه الجلوس وحاولت اتكلم معاها بهدوء

كانت مراتي نايمه في الطابق العلوي في غرفه النوم

امي اتظاهرت قدامي انها هاديه ومش هتعمل مشاكل

القطط كانت بره في الحديقه , سيبت امي وخرجت علشان ادخل القطط البيت “انا خرجت بس 5 دقايق”

امي انتهزت الفرصه وطلعت لمراتي فوق صاحيتها من النوم وصرخت عليها
وقعدت تتهم مراتي انها بتحاول تخرب علاقتها بيه وقالتلها تعليقات فظيعه انها عا**قر.

لما طلعت الطابق العلوي كانت طليقتي بتبكي

طلبت من امي تمشي فورا

لكن دي كانت القشه الاخيره في علاقتنا بالنسبه لطليقتي و بعد شهر انفصلنا رسمي .

قررنا نفضل اصدقاء , اعترفنا اننا لسه بنحب بعض بس خلاص العلاقه دي صعب تستمر.

احنا عايشين في امريكا بس والد طليقتي عايش في كندا

بعد الانفصال طليقتي راحت تزور والدها , واحد صاحب والدها عرض عليها شغل هناك وهي وافقت واستقرت هناك علي طول.

الطلاق عملي صدمه جامده وكنت زعلان من امي قوي
روحت للعلاج , المعالج فاهمني ان علاقتي بأمي مش صحيه

واتعلمت ازاي افضل علي تواصل مع امي بس بطريقه صحيه اكثر

انا بكلمها دلوقتي في المناسبات العائليه

اخواتي بيقولولي انها لسه مش شايفه نفسها غلطانه

انا لسه مش عارف انسي طليقتي انا حاسس اني بحبها يمكن كمان اكثر من الاول

ما ارتبطش خالص بعدها و هي علي طول في بالي

بعد الانفصال ب 6 شهور ما اتكلمناش مع بعض خالص

في ذكري جوازنا طليقتي بعتتلي رساله بتقولي فيها “ذكري جواز سعيد وكتبتلي الاسم الي كانت بتدلعني بيه قالتلي مش احنا اتفقنا نفضل اصدقاء”

لاخر السنه كنا بنبعت لبعض رسايل من وقت للتاني
“في اعياد الميلاد والمناسبات التانيه”

في عيد ميلاد اخويه طليقتي بعتتله هديه علي عنواني وانا سلمتهاله

هي واخويه اصدقاء من زمان وهو اصلا الي عرفني عليها

في السنه التانيه علاقتها كانت شبه الصداقه العاديه

قولتلها اني بروح للعلاج النفسي

قالتلي شكلك هتقطع الحبل السري اخيرا

قالتلي انها ارتبطت بس العلاقه انتهت

حاولت اتقبل الموضوع بس الكلام ده خلاني افكر انا اد ايه بفتقدها واني لسه بحبها , الليله دي فضلت سهران طول الليل بلوم نفسي لاني خسرتها

انا لسه محتفظ بخاتم خطوبتنا

طليقتي هتعمل زياره لامريكا في اكتوبر هي قالتلي انا اول واحد

الكل متحمس علشان زيارتها واخويه قرر يعملها حفله استقبال , انا طبعا هكون موجود في الحفله

اخويه بيفكر يعمل الحفله في بيتي لاني الوحيد من اصدقائنا الي عايش لوحده , البيت ده هو بيت الزوجيه الي كنا عايشين فيه مع بعض

اخويه سألني لو هطلب من طليقني نخرج في ميعاد؟

الصراحه انا ماكنتش ناوي اعمل كده بس لما اخويه لفت نظري من وقتها وانا مش بفكر غير في الموضوع ده

ساعات بفكر ياتري طليقتي هي الي طلبت من اخويه يقولي كده

لانها هي الي طلبت من اخويه زمان يعرفنا علي بعض (اول ما اتقابلنا)

سألت اختي ايه رأيك في الموضوع ده؟

قالتلي انها شايفه اني استني دلوقتي وهي لو عايزه ترجعلي هتطلب مني

انا حاسس انها لسه بتحبني حتي مره قالتلي بهزار “ان مافيش راجل بيفهمي زيك”

بس مش عارفه لو كانت بتتكلم جد ولا بس مجرد هزار لانها علي طول بتهزر بالطريقه دي

دلوقتي انا عايز حد يساعدني هل لو طلبت منها تخرج معايه ده تصرف صح ولا الاحسن اني استني؟؟؟

🌹#تحديث

انتوا اقنعتوني اتصل بيها دلوقتي ومش لازم استني لغايه شهر اكتوبر
الوقت متأخر جدا دلوقتي علشان كده هتصل بيها بكره
شكرا علي التشجيع 🌷

بصراحه انا حاسس اني متوتر جدا التحديث الجديد هيكون بعد المكالمه.

🌹#تحديث

سألتها لو موافقه تخرج تتعشي معايه لما ترجع امريكا؟
قالتلي موافقه 😍

هي اصلا سألتني انا اتأخرت ليه علشان اطلب منها الطلب ده 😂

قالتلي لو اتأخرت اكثر من كده كانت هي الي هتطلب مني 😍

شكرا لكل الناس الي شجعتني

كويس قوي اني بدأت بالخطوه الاولي, لاني كنت السبب ان جوازنا يدمر

انا حرفيا في قمه السعاده دلوقتي ❤❤

المره دي قررنا ناخد الامور ببطيء , احنا اول مره اتخطبنا بعد 6 شهور

انا الي هستقبلها من المطار , ايه رأيكوا اجيب معايه ورد 💐

اتكلمنا عن امي , قولتلها اني هتواصل معاها في المناسبات المهمه
وخصوصا اعياد ميلاد اولاد اخواتي , انا طبعا ما اقدرش ابعد عنهم
خصوصا اني عمهم المفضل

اعتذرتلها عن الي حصل زمان

قالتلي لو ما بطلتش اعتذار انا هقفل السكه في وشك 😂

انا عارف ان دي مجرد بدايه وعارف لما نتكلم مع بعض عن اسباب فشل جوازنا لازم اتأسف تاني من قلبي.

كمان اتفقنا ناخد علاج زوجي مع بعض.

اتكلمنا عن المستقبل لو رجعنا اتجوزنا تاني هي مش عايزه تسيب المدينه الي هي عايشه فيها دلوقتي

بس الرجوع لامريكا مش مسبعد بالنسبه لها (بس مش دلوقتي*

قولتلها انا عندي استعداد انقل حياتي في مدينتها

وماعنديش مانع اروح معاها لاخر الدنيا 😍

قالتلي انك شكلك مهووس بيه 😂

اتكلمنا مع بعض ساعتين في الاخر طلبت تقفل علشان عندها مشوار

علي فكره طلعت هي فعلا الي قالت لاخويه يقولي اطلب منها ترجعلي

استنتاجي كان صح ✅

شوفت تعليق بيقولي ليه ماسألتش اخوك من الاول علشان تعرف هي الي قالتلته ولا لاء؟؟

اخويه مستحيل يعترف , لو عملت فيه ايه ماكنش هيقولي
انا متأكد من كده.

انا عارف ان في حاجات كتير لازم نتكلم عليها قبل ما مراتي ترجع من السفر
اولها طبعا امي.

انا قولتلها اني بفكر ابيع البيت ونشتري بيت جديد علشان امي ما تعرفش العنوان.

اقسم انها كان هاين عليها تمد اديها من الشاشه وتخنقني 😅

قالتلي هي بتحب بيتنا قوي و طلبت مني بلاش اعرضه للبيع غير لما ترجع وتشوف البيت الاول لانها مفتقداه جدا

انا طبعا هنفذ اوامر اميرتي ❤❤

شكرا لكل حد سمعني وساعدني انتوا كلكوا معزومين علي حفل زفافي التاني ❤❤❤