سمعت جوزي بيتكلم عليه مع اصحابه وبيقول…………😢
انا ست مش جذابه
كنت دايما كده
واعتقد اني اتأقلمت علي ده خلاص
انا قابلت جوزي من اربع سنين
هو عمره 30 سنه
وانا عمري 28
جوزي هو اعظم حاجه حصلتلي في حياتي 😍
هو بيقولي علي طول اني جميله و بيكرر ده طول الوقت
طريقته معايه كانت صادقه
وانا كنت مصدقاه لانه بيقول كده مش غير ما يبان انه بيجاملني
او كأنه مجبر يقول كده
( طريقته مختلفه عن طريقه ماما الي بتقولي اني جميله علشان بس تجاملني)
امبارح اصحاب جوزي كانوا عندنا في البيت
هما اصحاب من ثانوي ومتعودين يتجمعوا عندنا كل شهر
علشان بيتكلموا ويلعبوا ويتسلوا مع بعض
وقتها انا كنت في المطبخ الي الدور الي فوق بحضرلهم مشروبات ووجبات خفيفه , وقتها سمعتهم بيتكلموا
بصراحه اتنصت عليهم (عارفه ان ده مش صح بس بجد ما كنتش متعمده)
فاهمت انهم بيتكلموا عني
كان فيهم اتنين بيسخروا من جوزي بسببي
وتحديدا بيسخروا من مظهري 😮
الكلام كان هزار بهدف الضحك
واحد فيهم قال عليه اني “متصيدة”
(اعتقد انه يقصد ان هي الي كانت بتجري ورا جوزها علشان توقعه لانه احلي منها)
جوزي غضب جدا و انفجر في اصحابه وقالهم:
اسكتوا……انا عارف ان مراتي وحشه…….لكن اسكتوا……انا سعيد معاها
انت يا (جيم) هل البنت الساذجه الي خرجت معاها الاسبوع ده بتخليك سعيد؟ زي ما انا سعيد مع مراتي؟
وانت يا (ديف) قولي علي مره واحده بس خرجنا فيها مع بعض وبطلت تشتكي من مراتك؟؟
جوزي قعد فتره يتكلم ويدافع عني قدام اصحابه…….
لكن الكلمه الوحيده الي كانت عماله تدور في دماغي
انا عارف انها وحشه
انا عارف انها وحشه😢
الكلمه دي حطمتني , ومش عارفه السبب
طول عمري عارفه اني مش جذابه
بس جوزي ماكنش لازم يقول عني كده😢
ده كان طول الوقت بيقولي اني جميله وبيتكلم بصدق
لدرجه اني كنت بدأت اصدق انه فعلا شايفني جميله
بدأت ابكي وجريت علي الحمام علشان محدش فيهم يسمع صوتي
حبست نفسي في الحمام لمده ساعه
ولما خرجت ماكانش فيه اي حد من اصحاب جوزي في بيتنا
روحوا بدري عن كل مره , كانوا متعودين يسهروا في بيتنا لوقت متأخر عن كده بكتير.
روحت انام وماتكلمتس مع جوزي خالص
مش قادره اتكلم ولا اقوله اني حزينه 😢
انا عارفه ان دفاعه عني كان لطيف وصادق
والمفروض افرح علشان جوزي بيحب روحي مش شكلي
بس ده مش مهم بالنسبه لي
انا عايزه احس اني جميله , حتي لو ده معناه اني سطحيه
كنت ببكي طول اليوم
مش عارفه اتكلم معاه اقوله ايه؟
جزء منه عايز يصرخ في جوزي , عايزه اقوله بأعلي صوتي انت كذاب
وجزء تاني عايز يهرب من كل ده , عايزه انسي ان حتي افضل راجل قابلته في حياتي بيقول عليه وحشه 😢
🌹#تحديث
قررت اواجه جوزي واقوله اني سمعته
لما رجعت من الشغل قولتله عايزه اتكلم معاك , وقولتله اني سمعت كلامه مع اصحابه
بدأ يعتذر فورا………
وقالي دول شويه اغبيا وحمقي
واني كان لازم اقوله من الاول اني زعلانه
كنت عايزه اقاطع كلامه واقوله كلام كتير , كان نفسي اقوله
ان دفاعه عني جرحني لانه طول الوقت كان بيقول عني جذابه
لكن قدام اصحابه قال عني كلمه تانيه , وانه للاسف مش صادق معايه
واني حاسيت بالخيانه علشان قال عليه كده من ورا ضهري
بس للاسف بكيت وماعرفتش اعبر عن مشاعري كويس بالكلام
رغم اني كنت مخططه اقول كل الكلام الي جوايه😭
جوزي كان رائع معايه , فهمني وحضني وحاول يهديني
بعد دقيقه جوزي بدأ في الكلام وقالي انه كان غضبان وانه ماكنش عارف يعبر كويس وقتها
وقالي انا شايفك جذابه حتي لو العالم كله شايف غير كده
بعدها اخدتي لجهاز الكمبيوتر الخاص بيه
وفتح رساله بريد الكتروني كان باعتها لكل اصحابه ( الرساله اتبعتت يوم الاحد والمشكله كانت يوم السبت بليل)
جوزي كان كاتبلهم في الرساله
“انهم اتجاوزا الحد , وانهم مجرد اوغاد , ولازم تشوفوا حد تاني تتجمعوا عنده لاني خلاص مش هرحب بيكم تاني في بيت مراتي”
اعتقد ان كلمه “بيت مراتي” هتبان وكأني بتحكم في جوزي
بس جوزي ما اهتمش بشكله قدامهم , وكان عايز يبين ان الي عملوه غلط جدا في حقي 😍
لما شوفت الرساله كنت سعيده علشان دافع عني قدامهم مره تانيه
وخصوصا انه المره دي ما قالش الكلمه الي بتزعلني ❤
اعتقد انه فعلا في المره الاولي ماكنش يقصد , هو بس ماعرفش يختار كلامه بطريقه صح
قالي استني هنا شويه وهجيلك
مشي ورجع تاني ومعاه ظرف
قالي انه كان ناوي يهاديني بيه في عيد الميلاد , بس مش مشكله وقتها يبقي يجيبلي هديه تانيه
رفضت وقولتله لاء خلاص بجد مش مشكله خلينا نستني
بس هو اصر………
الهديه كانت تذاكر طيران ومخطط لرحله
جوزي رتب رحله في اول السنه الجديده لمنتجع صحي وفندق في كولومبيا البريطانية (في كندا)
الموضوع بجد كان مذهل ❤
وقتها ادركت انه دفع الاف الدولارات علشان يرتب للرحله
انا عارفه الميزانيه كويس ومتأكده ان جوزي مش معاه مبلغ كبير كده علشان يدفع ثمن رحله زي دي !!!
سألته جاب الفلوس منين؟
قالي انه بيخطط للرحله دي من اكثر من سنه
وكان بيشيل جزء من مصروفه الاسبوعي , وبيجمع الفلوس من غير ما الاحظ
من باقي البقاله والكلام ده 😂
اوقات بقول اني فعلا ما استحقش جوزي
انا بجد بعاني من ازمه , وهي ازاي اتعامل مع راجل زيه 😍
جوزي بجد راجل رائع
عزمني علي العشاء انهارده لازم اروح اجهز بسرعه ❤❤❤
(القصه حقيقيه مترجمه , اصحاب القصه اجانب)
#حواديت_الاجانب
#ريديت
