زميلتي بتتكلم بلغات تانيه قدامي وده بيضايقني

في القصه انهارده هنسمع المشكله من الطرفين مش من طرف واحد زي كل يوم (هما 3 رسايل مختلفين مش رساله واحده)

🌹الرساله الاولي:

انا طالبه جامعيه في المملكه المتحده
عمري 20 سنه
فصلي الدراسي انتهي
بدل ما ارجع بلدي في الاجازه
قررت اكمل هنا واشتغل في الصيف

قادرت اشتغل في وظيفه في كافيه من اسبوعين
اغلب زمايلي في الشغل طلاب في الجامعه
علشان كده كلنا في نفس العمر تقريبا

كلهم قريبين من بعض ومتعودين يخرجوا يسهروا سوي بليل

في بنت بتشتغل معايه (خلينا نسميها ايفي)
في الاول ماكنتش اعرف انها بولنديه , لان لهجتها كويسه جدا
بس بعد كده اكتشفت انها مش من اهل البلد وانها جايه المملكه المتحده علشان الدراسه , مش عارفه ليه حاسيت انها خدعتني
لانها من الاول مش صريحه معايه ومكانش معرفاني انها من بولندا

انا مش ضدها بس كنت احب اعرف من الاول بس

علي كل حال
زمايلي كانوا خارجين امبارح بعد الشغل , وقالولي تعالي معانا , وانا وافقت

(ايفي) كانت موجوده معانا , واضح انها محبوبه من الكل
كمان كان معانا زميل اسمه (مارك) هو من اسبانيا
ايفي ومارك كانوا بيتكلموا مع بعض وايفي كل شويه تضيف للمحادثه كلمات عشوائيه بالاسباني , كانت بتعمل كده مع مارك بس
واضح ان مارك ماكنش عنده مشكله وكان بيرد عليها بنفس الطريقه

الحقيقه انا معجبه ب (مارك)
وحاسيت بالانزعاج شويه من طريقه كلامهم مع بعض واستخدام الاسبانيه

سألت ايفي عن اللغات الي هي تعرفها؟
اتضح انها بتعرف تتكلم بولندي وانجليزي واسباني وشويه هولندي

اتظاهرت اني معجبه بكميه اللغات الي تعرفها
وبعدين فتحت ترجمه جوجل علشان اسألها واعملها اختبار لغات

لعبت معايه اللعبه دي وكانت بتجاوب علي الاسئله

بعد كده بدأت اسئلها بالاسباني (باستخدام جوجل)
بصراحه فكرت ان ده الوقت الي المفروض تبطل بقه الي بتعمله ده
كنت عايزاها تبطل تتباهي باللغات قدامنا
لان واضح ان مارك مهذب جدا لدرجه انه ماطلبش منها تسكت

سألتها سؤال وردت عليه بالاسباني بسرعه جدا
قاطعت كلامها وقولتلها أني فوجئت بنطقها السيئ.

بان عليها الدهشه هي ومارك

قولتلها بصراحه لما سامعتك بتتكلمي انجليزي كنت فاكره انك كمان هتتكلمي اسباني احسن من كده

قالتي ان نطقها مش غلط , هي بتعرف اسباني من الطفوله وبتتفرج كمان علي مسلسلات بنفس اللهجه من زمان

قولتلها ياريت تبطلي كذب واعترفي ان نطقك للاسباني وحش

مارك ادخل في الكلام وقالي ايفي بتتكلم صح ولغتها الاسبانيه ممتازه

قولتله انت اكيد بتقول كده بس علشان متأذيش مشاعرها
لازم ايفي تتقبل انها مش شاطره في كل حاجه

ايفي قعدت تضحك قوي
وقالتلي ياريت انتي الي تبطلي تتكلمي في حاجات ماتعرفيش عنها حاجه

قولتلها اوك هتقبل كلامك

قالتي انتي صديقه مقربه و خلينا ننهي النقاش ده

بعد كده الكل اتعامل معايه بغرابه……….

تاني يوم الصبح حاولت اتواصل مع زمايلي علي الجروب علشان افهمهم ان ماكنش قصدي بس اكتشفت انهم عملولي بلوك

اختي بتقولي ايفي عندها حق واني غلطانه
انا دلوقتي مش عارفه هل تصرفي كان غلط؟؟؟

🌹#تحديث

اوك قررت اعيد تفكير في الموضوع

روحت لمنزل ايفي واتكلمت معاها واعتذرت عن سلوكي معاها
وقولتلها اني كنت غلطانه لما قررت اعملها اختبار لغات

قولتلها المشكله انك بتتكلمي اسباني بسرعه جدا
علشان كده انا افتكرت انك بتنطقي الحروف بطريقه غلط

فضلت تبصلي وهي ساكته
بصراحه ده كان مزعج ليه

بس كملت كلامي عادي
واعتذرت مره تانيه
وقولتلها ممكن تقولي للكل اني متأسفه

قالتي اوك هشوف هعمل ايه

كلمتها شجعتني اتكلم اكثر , علشان انا عايزه الامور تكون هاديه مع الكل

قولت ل (ايفي) ممكن تقولي ل (مارك) اني حاسه بالاحراج جدا و بالاسف

بصيتلي وضحكت وقعدت تضحك كتير قوي

حاولت علي قد ما اقدر اتمالك اعصابي , بس بصراحه كده كتير قوي الي بتعمله ايفي ده وضحكها بالطريقه دي وقاحه

ايفي قالتلي انتي مفيش فايده فيكي
وان اعتذاري ده مش حقيقي
وطردتني من بيتها

لما قفلت الباب سمعتها بتتكلم مع مارك (اتضح انه كان عندها)
حاولت اسمع بيقولوا ايه بس كانوا بيتكلموا بالاسبانيه ومافهمتش الكلام

انا ندمانه اني اعتذرتلها واني طلبت منها تتكلم مع الناس بالنيابه عني
وهي بدل ماتقبل الاعتذار ضحكت عليه بسخريه وطردتني , و كمان شكلها معجبه بنفس الراجل الي عاجبني

🌹#تحديث

كنت غضبانه جدا لان ايفي اساءت ليه بالضحك علي كلامي واتجاهلت اعتذاري , وبسببها بتعرض للتنمر من اصحابي في الشغل وكلهم بيتجاهلوني

كنت في الشغل الصبح
(بيكي) صاحبه الكافيه كانت موجوده
هي عاده مش بتيجي كل يوم

اتكلمت معايه وسألتني هل كل حاجه تمام؟

حاسيت ان دي فرصتني اشتكي لها واقولها كل الي بيحصلي والتنمر الي انا بتعرضله , قولتلها كل حاجه , وان (ايفي) قاسيه معايه , والكل ضدي وحتي رفضت تقبل اعتذاري عن الخطأ البريء الي ارتكبته

اوك……….
واضح ان (ايفي) اتكلمت مع (بيكي) واشتكتلها مني الاول
(بيكي) عارفه كل حاجه
قالتي ان زمايلي قالولها الي حصل يوم الجمعه

قالتي انها مش هتطردني
لكن لازم اكون حذره لاني في فتره اختبار
وفضلت تلومني واتهمتني اني بعمل مشاكل مع ايفي

حاولت ادافع عن نفسي . بس هي رفضت تسمعني
بعدها بيكي كانت بتعمل مكالمه واكتشفت ان هي كمان بتتكلم الاسبانيه!!!

اعتقد اني بتعرض للعنصريه
كلهم بيهاجموني وبيتنمروا عليه بسبب اللغه

انا بفكر ارفع قضيه علي صاحبه الكافيه بتهمه التميز والعنصريه………

(كده انتهت الرساله الاولي بس بعد كده صاحبه الرساله كتبت مشكله تانيه جديده)

🌹الرساله التانيه

كنت بشتغل مع بنت اسمها ايفي كانت بتكرهني جدا وبشتكي مني لكل الناس و عايزه تمشيني من الشغل , كمان راحت اشتكت مني للمديره وفي الاخر طردوني من العمل
علي العموم هي شخص سيء جدا

في الفتره الاخيره حصلت خلافات بيني وبين زميلتي في السكن
علشان كده كنت مجبره اسكن في بيت جديد

اكتشفت شقه صغيره جميله من غرفه واحده في شارع هادي

بدأت انقل اغراضي للشقه الجديده
وانا واقفه جنب الشاحنه الي بتنقل الاغراض للبيت الجديد
شوفتها وشافتني
كانت ماشيه مع واحد (خلينا نسميه م)

قولت خليني انا العاقله وشاورتلها علشان اسلم عليها

اتجاهلتني وهمست بكلام للراجل الي ماشي معاها وكملت طريقها للبيت

اتضح ان بلكونتي قدام البلكونه الخاصه بيها بالظبط

اول ماخلصت نقل كل حاجه
رن جرس الباب
كانت هي
قالتلي انها مش مصدقه اني اتنقلت للعيش قدامها بالظبط
واني كنت عارفه من الاول هي ساكنه فين

صرخت فيها وقولتلها انتي مجنونه
وعارفتها اني مش مهتمه بيها قوي كده علشان اقرر اعيش قدامها

بدأت تبكي وماشت

بعدها كنت قاعده بتفرج علي التلفزيون وشوفتها في بيتها قاعده مع (م)
وناس تانيه كانوا معايه في الشغل القديم
كانوا بيتكلموا ويشاورا عليه
الموضوع بجد كان فظيع

هي فتحت الشباك وقالتلي بطلي تتجسسي علينا , و قفلت الستاير

اختي قالتلي ان الانتقال للشقه دي غلط
بس انا قولتلها اني كنت محتاجه مكان رخيص

دلوقتي انا سؤالي هل انا فعلا غلطانه علشان اختارت الشقه دي؟؟؟

(تمام كده سمعنا المشكله من البنت الاولي
الناس علي ريديت قالولي انهم شافوا رساله تانيه مكتوبه تفاصيلها مشابهه جدا للقصه دي وهما بيعتقدوا ان صاحبه الرساله التانيه هي ايفي)

🌹ايفي كتبت علي ريديت (الرساله التالته)

انا عمري 20 سنه
بشتغل في كافيه علشان اصرف علي نفسي

في بنت جديده اسمها (هانا) بدأت شغل معانا وواضح ان عندها مشكله كبيره معايه

هي بتحس بأنزعاج جامد لما بتكلم بلغات تانيه غير الانجليزي
وبتعتبر ان ده اساءه شخصيه

انا عايشه في المملكه المتحده علشان بدرس
في بلدي الاصلي تعليم لغات تانيه الزامي للاطفال في المدارس

جامعتنا فيها طلاب كتير اجانب
وانا بشارك في انشطه كتير , انا اجتماعيه وبحب اتعرف علي ناس كتير
كمان بقابل سياح في الكافيه مش بيتكلموا انجليزي
علشان كده بتكلم معاهم بلغات تانيه مع السياح ومع زمايلي.

في يوم (هانا) اتكلمت معايه واتهمتني اني “بنت بيضاء ومدلعه”
وان الاشخاص العادين مش بيعرفوا لغات كتير , واني اكيد اتعلمت اللغات بفلوس والدي

قولتلها ده مش حقيقي
انا اصلا بشتغل علشان اقدر اصرف علي نفسي
عكسها هي بتشتغل علشان يكون عندها مصروف اضافي

فضلت تزعجني بالكلام

بصراحه هي اصلا من اول يوم وهي طريقتها غريبه جدا معايه (وفي تفاصيل تانيه بس مش عايزه احكيها دلوقتي)

حاولت اغير الموضوع لكن هي استمرت في الكلام
كنا خلاص بنقفل الكافيه
وهي مش عايزه تبطل كلام
وعماله تتهمني اني سخيفه ومثيره للاشمئزاز واتهامات تانيه

حاولت اتجاهلها

(هانا) فتحت تليفونها علشان توريني فيديو هي الي حملته علي التيك توك
عماله برضه في الفيديو تتكلم عن نفس موضوع اللغات والعنصريه وكل الكلام ده

في الاخر تعبت منها وقولتلها اذهبي الي *****

رورحت تاني يوم اشتكيت لمديره الشغل

لما هانا عرفت اني اشتكيت
بعتتلي رساله وشتمتني بكل الشتايم الي في الدنيا

دلوقتي في الشغل هيعملوا معاها اجتماع تأديبي

انا عندي احساس بالذنب علشان هي هتفقد وظيفتها بسببي

تفتكروا انا كنت غلطانه لما بلغت المدير؟؟؟؟

قصص