خطيبتي عايزه تنفصل عني بسبب مقلب!!!
انا شاب عمري 24
وخطيبتي عمرها 23
خطيبتي وعيلتها قرروا يعملوا رحله تخييم
هي رحله عائليه كبيره هيكون فيها خطيبتي واسرتها كمان عمها وعمتها واولادهم
خطيبتي قالتلي علي كل حاجه تخص الرحله , وعرفت المكان بالظبط
قررت استفيد من الموضوع ده
روحت لبيت خطيبتي وسلمت عليهم قبل ما يمشوا
بعد كده ركبت سيارتي وروحت لمكان المخيم
انا عارف المكان ده كويس و عرفت اخبي سيارتي بعيد عنهم
وقفت في مكان بعيد عنهم اراقبهم
لما الليل جاء
لبست زي دب وحاولت اخلي شكله دب بري 
واستنيت لما العيله كلها اتجمعت علي نار المخيم
وبدأت احرك الاشجار واعمل اصوات
العيله لاحظت بس ما محدش اهتم قوي
بعد كده بدأت اعمل اصوات اعلي
في حد من العيله اتحرك لمكان الصوت
وكان واضح الذعر عليهم كلهم
بمجرد ما الشخص قرب مني
جريت عليهم وانا بعمل اصوات , وبدأت اهز خيامهم وارمي الكراسي في كل حته………..وجريت وراء ابن عمها
وقتها سمعت حمايا بيصرخ ويقول هاتوا الم*سد*س
عرفت اني لازم انهي المقلب
خلعت الزي وقولتلهم ده مقلب
كلهم صرخوا عليه
وعملوا دوشه جامده
ومدير المخيم طردني لما عرف الي حصل
انهارده خطيبتي بعتتلي رساله بتقولي انها بتفكر جديا في الانفصال عني
وهي محتاجه وقت للتفكير علشان تعرف تاخد قرارها
انا دلوقتي عايز اعتذر وانقذ العلاقه
محتاج نصايح ايه الي ممكن اعمله علشان يقبلوا اعتذاري؟؟؟
حاسس بالاحراج جدا بسبب الي حصل
بصراحه فكرت اني ما اعملش تحديث , بس محتاج اعبر عن احباطي
الليله الي فاتت عيله خطيبتي عملت حفله شواء
خطيبتي اقنعت باباها اني اجي الحفله
هو كان الاول رافض
بس بعد محاولات وافق بشرط اني اقدم اعتذار صادق عن المقلب الي عملته فيهم
دخلت حديقتهم وكان موجود كل العيله
قعدت جنب خطيبتي وبدأت اعتذر
قولت ان المقلب كان غير مناسب ومش ناضج
وقولت انا اسف علشان افسدت عليهم رحله المخيم
حاولت يكون اعتذاري صادق علي اد ما اقدر
ولما خلصت كلام , استنيت رد منهم
بس كلهم كانوا ساكتين خالص وبيبصلولي وخلاص……
بعد كده عم خطيبتي همس بحاجه ل حمايا وانفجروا في الضحك
مش عارف هو قاله ايه
بس حمايا قالي انه مش قابل اعتذاري وطلب مني امشي
فقدت اعصابي وقولتلهم ماشي اذهبوا الي ********** كلكوا********
لما ماشيت من الحديقه خطيبتي جات ورايه وقالتلي انها خلاص هتقطع علاقتها معايه واني غير ناضج ومتسرع جدا
وقالتلي سيبني انا وعيلتي في حالنا وابعد عننا خالص
حاولت اعتذر وقولتلها انا اسف ياحبيبتي
ارجوكي انا عايز فرصه تانيه
ارجوكي
اوعدك مش هعمل كده تاني
وقعدت اتحايل عليها كتير
رفضت وقالتلي مستحيل يكون في اي فرصه تانيه , واني مستحيل اتغير
صرخت عليها وشتمتها
وقعدت اخبط برجلي في السياج الخشبي الي موجود في الحديقه وكسرته
وماشيت
دلوقتي مش عارف اعمل ايه
انا عايز اثبتلها اني ممكن اتغير واقدر اسيطر اكثر علي اعصابي
اصلح الموقف ازاي؟
مش قادر ابطل تفكير فيها حتي مش عارف اكل ولا انام
مفيش حاجه بتخليني سعيد
طول الوقت عمال افكر في علاقتنا وزعلان جدا علشان الانفصال
انا عايز ارجع لها تاني.
فاكرت البس زي الدب مره تانيه مش علشان اخوفها
لاء …… بطريقه رومانسيه
فكرتي اني البس الزي واروح عند بيتها وامسك استريو واشغل اغنيه رومانسيه بصوت عالي علشان تسمعها
واروح عند بيتها وامسك استريو واشغل اغنيه رومانسيه بصوت عالي علشان تسمعهاهو الاستريو قديم بس لسه شغال
عندي امل تقبل اعتذاري وتعتبره اعتذار لطيف
انا عارف ان الطريقه مبتذله شويه
بس عندي امل تحب طريقتي وتتقبل اعتذاري.
لبست زي الدب
اخدت الاستريو وروحت علي بيت خطيبتي بليل
احنا الاتنين ساكنين في نفس الحي
قررت امشي من طريق مختصر في الغابه
وقفت قدام البيت , و انا ماسك الاستريو
هو اصلا جهاز قديم جدا والصوت ماكنش عالي قوي
وبصراحه كنت خايف اخاطر واقرب من البيت اكثر
وقفت ابص علي شباك اوضه خطيبتي
شوفتها قاعده علي السرير وبتلعب بالموبايل
كانت وحشاني وفرحان اني شوفتها 
بعدها لاقيت حد من جيرانهم واقف في البلكونه ويبصلي ومعاه تليفونه
الظاهر انه اتصل بالشرطه
كنت خايف قوي
وعملت حاجه غبيه
قررت ادخل بيت خطيبتي
وحاولت افتح الباب الخلفي للحديقه
حماتي شافتني , وخافت وصرخت
جريت علي طول علي الغابه
وانا بجري قبل ما اروح الغابه الاستريو وقع مني
وطيت علشان اخده بس ظهري وجعني والوجع اثر علي رجلي الشمال
علشان كده سيبته علي الارض , وبقيت بجري في الغابه وانا بعرج
وبشتم نفسي علشان خطتي فشلت
الاسوأ من كده ان خطيبتي بعتتلي رساله انهارده الصبح بتقولي انها شافتني
وان ده اخر تحذير قبل ما تبلغ عني بتهمه الملاحقه
وقالتلي انها مستحيل ترجعلي تاني
وقالتلي كمل حياتك بعيد عني
انا دلوقتي زعلان ومكتئب كمان رجلي وظهري بيوجعوني قوي
يعني بعاني عاطفيا وجسديا
مش عارف اعمل ايه؟؟
خطيبتي بعتتلي رساله بتهددني انها هتعمل امر قضائي ضدي علشان ما اقدرش اقرب منها تاني
انا عارف انه مجرد تهديد بس عايز اتأكد لو عملت كده فعلا هل ده ممكن يأثر علي مستقبلي؟
هل هكون مسجل اني ملاحق؟
وممكن ما اقدرش اشتغل في وظيفه كويسه بعد كده؟
مش عايز ادخل في تفاصيل بس انا سيبت جهاز استريو في بيت خطيبتي السابقه , وتاني يوم والدها بعتلي رساله فيها صوره الجهاز وهو مدمر بالكامل وجنبه مضرب بيسبول
قالي في الرساله “دي صوره رأسك لو فكرت تقرب من بيتي مره تانيه”
دلوقتي انا عايز اعرف هل لازم اخد اجراء ضده لانه دمر جهاز الاستريو بتاعي وكمان هددني؟
طيب ايه الاجراءات الي المفروض اعملها في الحاله دي؟
انا بقالي اسابيع عمال افكر ازاي ارجع لخطيبتي السابقه وهي رافضه الرجوع تاني ابدا وفي مشاكل كتير مع عيليتها
دلوقتي انا عايز انساها ,بس مش عارف اعمل ايه
اخويه الكبير معزوم علي فرح قريب وانا زعلان قوي
علشان كنت متفق مع خطيبتي نروح الفرح ده مع بعض
والمؤلم بجد بالنسبه لي اني شوفتها عارضه الفستان الي كانت هتلبسه في الفرح للبيع علي الفيس بوك
مش عارف انسي الذكريات وكل الوقت الي قضيناه مع بعض
وزعلان علشان هي سابتني بسبب غبائي وتصرفاتي المتهوره
ممكن تساعدوني ازاي اتغلب علي حزني؟
طبعا كلكوا عارفين ان الهالويين كان امبارح
انا عاده مش بلبس زي الهالوين في العمر ده
بس فكرت اروح مع ابن عمي الصغير نتمشي مع بعض في الحي
انا ماعنديش اي ازياء تنكريه غير زي الدب
علشان كده لابسته
ماشينا شويه في الحي وبعدين وصلت للشارع الي ساكنه فيه خطيبتي
انا كنت عارف ان من المحتمل اعدي علي بيتها
بس عادي ماكنتش قلقان
قولت اكيد باباها مش هيكون موجود هناك دلوقتي
لما وصلت اكتشفت انه كان واقف ومعاه علبه حلويات بيوزعها
لما شوفته مسكت ابن عمي وجريت الناحيه التانيه بسرعه
بس للاسف كان شافني
وصرخ بصوت عالي وقالي “انا شايفاك”
مسكت ايد ابن عمي وجرينا لحد البيت
بعد ما عدي ساعه تقريبا الشرطه وصلت بيتي وقالولي ان والد خطيبتي رفع عليه دعوه قضائيه , وانا دلوقتي مستني ميعاد المحاكمه
طبعا ده ظلم انا اصلا ماكنتش ناوي اقرب منهم
كل الموضوع اني بحتفل بالهالويين مع ابن عمي
تفتكروا ازاي اخرج من الموضوع ده واقول ايه في المحكمه؟
قصص واقعية
قصص مكتوبة
قصص قبل النوم
قصص حب
قصص عربية
قصص رائعة
قصص مكتوبة قصيرة
قصص
