جليسة أطفال 🧑🍼👶
مراتي (29 سنة) أهلي (ماما 45 سنة، و بابا 46 سنة)
مراتي كانت بتشتغل عند أهلي، جليسة أطفال لأخويا الصغير (دلوقتي عنده 8 سنين) الكلام ده من 6 سنين.
هي وافقت علي الشغل ده كوظيفة مؤقتة علشان تقدر تجمع فلوس وتدفع مصاريف “كورسات” كانت محتجاها للكلية.
أنا قابلتها في بيت أهلي. وحبيتها جدًا، وبعد ما سابت الشغل عندهم بكام شهر أرتبطنا.
دلوقتي احنا متجوزين، ابننا الكبير عنده 5 سنين، وربنا رزقنا ب بيبي تاني لسة عنده 4 شهور.
بدأت الاحظ الموضوع ده كل ما برح عندهم :
لو أخويا محتاج مساعدة في حاجة، يطلبوا منها هي اللي تعملها.
لو أخويا زهقان وعايز يلعب، يطلبوا منها تلعب معاه.
إحنا بنبقي قاعدين مع بعض بنتكلم. وهي بتعمل حاجات لأخوية!!
أنا أعترضت علي اللي بيحصل ده وقلتلهم أن ده كلام فارغ ومش مقبول!! إحنا الاتنين جايين نزورهم مش جاين علشان مراتي تشتغل عندهم.
هما كل فترة كده بيسألوني لو ممكن مراتي تهتم بأخويا الصغير كام ساعة؟ احنا كنا بنوافق مفيش مشكلة في ده، لأني فاهم إن أهلي بيحتاجوا وقت راحة، وإحنا ماعندناش مانع إن أخويا الصغير ييجي يقضي وقت معانا ومع ابننا. خصوصا أن ده مكنش بيحصل كتير.
المشكلة بقة إنهم بقوا يطلبوا ده كتير جدا، حتى بعد ما جبنا طفل تاني وبقينا مشغولين جدًا برعايته.
مراتي متضايقة لأنها مرهقة قوي مع طفلنا اللي عنده 4 شهور.
أنا اتكلمت معاهم عن الموضوع ده بصراحة وقولتلهم أني مش موافق علي اللي بيحصل ده.
قالولي انهم اتعودوا إنها جليسة أطفال!!
مع انها بطلت الشغلانة دي من سنين.
المهم، أنا ومراتي روحنا بيتهم علشان يقضوا وقت مع أحفادهم الاتنين والمفروض كانت تبقى زيارة لطيفة ولمّة حلوة.
لكن المفاجأة، قالوا إنهم محتاجين يمشوا بعد ساعة علشان عندهم ميعاد، وسألونا لو ممكن نراعي أخويا؟
أنا قلتلهم إن عندي حاجات مهمة لازم أعملها بعد الزيارة، فردوا: “طيب خلاص خلي مراتك هي اللي تقعد معاه.”
مراتي كانت متضايقة، وأنا كمان كنت مخنوق منهم.
هي اخدت أطفالنا وراحت على العربية، وأنا قلتلهم يبطلوا يطلبوا منها تبقي جليسة أطفال، خصوصًا أن في مليون جليسة تانية و يقدروا يوظفوا أي واحدة لو عايزين.
اللي مزعلني قوي إننا جايين على أساس نقضي وقت مع بعض، وهم المفروض كنا يقضوا وقت مع أحفادهم (هما ماشفوش البيبي الجديد غير قليل قوي).
لكن طلع أن كل همهم إننا نقعد نهتم ب أخويا، عشان عايزين يمشوا ضروري!!
آخر حاجة قلتها إننا مش هنزورهم تاني لحد ما يبطلوا يتعاملوا مع مراتي بالطريقة دي.
دلوقتي هما زعلانين مني قوي. ومش طايقني حرفيًا
الموضوع صعب عليا لأنهم أهلي، ودلوقتي هما شايفين إني شخص وحش عشان بأمنعهم من أحفادهم لمجرد إنهم طلبوا مني خدمة.
بصراحة، أنا خلاص تعبت من كل ده، بس مش عارف إذا كان معاهم حق؟
هل أنا غلطان؟
(القصة مترجمة من ريديت. أصحب القصة أجانب).
