تصرفات جوزي المريبه!!!

تصرفات جوزي المريبه!!!

مش عارفه ابدأ ازاي
جوزي بيشتغل لوقت متأخر جدا كل ليله (او هو بيقولي كده)
فكرت اكتب المشكله واخد النصيحه
اسفه علشان كلامي مش مترابط
لاني حزينه وبكيت كتير قوي الليله الي فاتت

انا عمري 30 سنه
جوزي عمره 32

كنا مع بعض في الكليه
اتجوزنا من 8 سنين
علاقتنا كانت مثاليه جدا

انا راضيه جدا عن جوزي وهو كمان عنده نفسه الشعور
احيانا بنتجادل ونتخانق مع بعض بس مش كتير

احنا عندنا حاليا 3 اطفال” الكبير 6 سنين والوسطاني والطفل الاخير 3 سنين”
من وقت ما خلفت اطفالي وبقه صعب علينا نقضي وقت طويل مع بعض

اهلنا عايشين في مكان بعيد عننا
ومش لاقيين جليسه اطفال تقدر تتحمل اطفالي المشاغبين

وظيفه جوزي شاقه ومرهقه
وطول السنين الي فاتت كان مضطر انه يلغي الاجازه اكثر من مره بسبب مديره في الشغل لانه راجل صعب جدا.

احيانا بحس اني بشوف جوزي لدقايق بس في اليوم
لان الاطفال بياخدوا مننا وقت وطاقه

من ست شهور مدير جوزي في الشغل اتغير
والحمد لله ساعات شغله قلت
كمان مابقاش متوتر زي الاول

لسه بيشتغل كتير واحيانا بيسافر كام يوم , بس الموضوع اتحسن عن الاول
بقينا نقضي وقت اطول مع بعض , بس برضه لسه مش فرحانه
حاسه كأني انا وجوزي مجرد زمايل في نفس البيت , كأننا متغربين عن بعض

حاسه ان مفيش بينا تواصل قوي

اتكلمت معاه بصراحه وقولتله اني بفتقده , واني حاسه انه بعيد عني قوي

جوزي وظف جليسه اطفال , وبدأنا فعلا نخرج في مواعيد مع بعض
بدأت الامور تتحسن وجوزي بقه بيهتم بيه اكثر وبيظهر حبه 😍وبيشتريلي ورد 🌺

كنت فرحانه وحاسيت بالامل ان جوزي القديم الرومانسي بدأ يرجعلي مره تانيه ❤

من شهر تقريبا لاحظت شيء غريب
جوزي كان بيتكلم عن رحله شغل لمده اسبوع في شهر اغسطس

حاسيت ان في حاجه مش منطقيه لان الصيف للرحلات العائليه مش لرحلات الشغل!!! بس معلقتش

بعدها جوزي كان في الحمام وتليفونه عمل صوت رساله
بصيت في التليفون , كان بريد الكتروني من واحده اسمها “اليسون”
وعنوان البريد “رحلتنا” 😮

حاسيت بحاجه غريبه , سألت جوزي مسك تليفونه وقالي ده مجرد بريد عشوائي !!!

حاولت اتجاهل الموضوع , بس لاحظت ان جوزي من وقتها وهو بيخبي تليفونه !!!

الاسبوع الي فات شوفت حاجه تانيه غريبه
جوزي معاه وصل لمحل مجوهرات بمبلغ كبير جدا
احنا الحمد لله ماديا كويسين قوي
بس برضه المبلغ كان بالنسبه لي كبير ومش منطقي !!!

بطني وجعتني من كتر الخوف والرعب
وقرر ادور في لاب توب جوزي كنت عايزه اتجسس علي رسائل البريد الالكتروني الخاصه بيه.

اكتشفت ان اللاب مش في البيت , الظاهر جوزي اخده معاه الشغل
وده كمان غريب جدا , جوزي طول عمره كان بيسيبه في البيت !!!

كنت حاسه بالتوتر بس عماله اكذب نفسي , ومش عايزه اتكلم معاه في حاجه

من جوايه مش عايز اصدق شكوكي في جوزي 😢

انهارده الصبح اكتشفت فاتوره بطاقه جوزي الائتمانيه في درج الشربات!!!

ليه بيخبي الفاتوره؟؟؟

مشتريات جوزي كانت في الشهر الي فات
المحلات الي اشتري منها كلها محلات ملابس نسائيه
ومفيش حاجه من الي اشتراها دي موجوده عندنا في البيت

يبقي الحاجات دي لمين؟؟؟

جوزي بيشتغل لساعات طويله كل يوم , وفي اوقات مش بيكون موجود فيها في البيت

ممكن بسهوله يكون بيقابل واحده تانيه مره واحده في الاسبوع علي الاقل

مش عارفه افكر , و مش معايه الباسورد الخاص بيه علشان اتجسس عليه.

ولا عارفه حتي اتصل بالمكتب في الوقت الي بيقولي انه هناك , واتأكد هو فعلا موجود في المكتب ولا لاء

حتي مش قادره احكي لحد شكي في جوزي لاني عارفه اني هنفجر في البكاء
ومش هقدر امسك نفسي

المفروض انه يوصل البيت كمان كام ساعه مش عارفه اعمل ايه؟

مش عايزه اربي الاطفال لوحدي واعيش وحيده 😢

🌹#تحديث

انا هديت شويه وخلاص مابقتش ابكي
قررت اتصل بأختي الكبيره واتكلم معاها في الموضوع ده
هي عايشه في مكان بعيد عني
بس احنا طول عمرنا قريببن من بعض
هي كمان عارفه جوزي كويس

المكالمه مع اختي كانت غريبه جدا
قولتلها كل حاجه وانا متوتره جدا وبدأت ابكي تاني وكنت منفعله قوي

ردت عليه وقالتلي:

“اختي” كل حاجه هتبقي كويسه
لازم تهدي وتتكلمي مع جوزك لما يرجع البيت
اوعدك ان كل حاجه هتبقي احسن
اقفلي المكالمه وخدي دش وحاولي تكوني اهدي
استني جوزك
وبعدين قالتلي “انا بحبك”
وقفلت الخط!!!

ايه الي بيحصل في حياتي انا حاسه ان اختي اتجاهلتني 😮

شكلها ماكنش متفاعل ولا متأثر بالي بقوله
انا خلاص هتجنن

🌹#تعديل

بعد ما كلمت اختي , جوزي بعت رساله وقالي ان اختي كلمته وهو راجع البيت دلوقتي

حاسيت بالرعب فورا
انا مش مستعده اتكلم معاه دلوقتي
انا غضبانه جدا من اختي لانها نقلت الكلام لجوزي
الحقيقه انا كنت حاسه ان العالم كله بينهار حوليه 😫

كنت فعلا منهاره
لما سمعت صوت الباب بيفتح كنت راكعه علي ركبتي في المطبخ وببكي

لما جوزي شاف حالتي نزل بسرعه يشوفني
بدأت ابكي بصوت اعلي
قعد يعتذر , و انا بهز راسي وبقوله…..لا لا لا……..كتير قوي
ماكنتش قادره اسمع هو بيقول ايه؟

حاول يحضني علشان اهدي
وانا كنت عامله زي الاطفال الي بيرفضوا الحضن بس ماسكه في هدومه

قعدت في الحاله دي كام دقيقه لغايه ما استوعبت هو بيقول ايه
كان بيقولي “انا اسف علشان خوفتك”
“من فضلك اسمعيني”
“انا مش خاين”
“من فضلك اسمعيني”

اخيرا سكت وقولتله ……ايه !!!

كنت مرتبكه قوي ……

الحمد لله كل حاجه بقت احسن , وعرفت ان ده الي حصل:

بعد ما تكلمنا انا وجوزي في مشكله التواصل واني حاسه ان احنا مش قريبين من بعض زي الاول , جوزي اتصل بأختي وطلب منها نصيحه

اختي قالتله علي فكره , انه ياخدني في رحله مفاجئه وهي هتاخد الاطفال وتهتم بيهم.

صاحبه اختي وكيله سفر اسمها “اليسون”
اختي سابت رقمها لجوزي الي اتواصل معاها علشان يخططوا للرحله

الوصل الخاص بالمجوهرات كان “عقد” جوزي ناوي يفاجأني بيه علي العشاء في الرحله

والملابس كمان كلها مفاجأه رومانسيه ليه
(اخد هدوم من دولابي علشان يعرف مقاسي والبياعين ساعدوه)

اختي الي قالتله يعمل كل ده مفاجأه علشان تكون لفته رومانسيه من جوزي

وطبعا ماكنوش متوقعين اني هكتشف الموضوع من بدري وافترض الاسوأ

انا طول عمري بعاني من مشكله “القلق الزايد”
وبعد ما خلفت اطفالي المشكله زادت عندي

بس المره دي كانت اسوأ مره في حياتي , انا كنت حاسه ان حياتي كلها بتنهار

طبعا هو مقالش كل الكلام ده مره واحده لما كنت في المطبخ , الاول أكدلي انه مخلص ليه , لما فهمت ان دي مش نهايه جوازي
ارتحت شويه
بس حاسيت بالاحراج جدا.

بعد ما بقيت اهدي جوزي شرحلي كل حاجه

قعدنا نتكلم طول الليل
جوزي فتح كل رسايل البريد الالكتروني علشان اتأكد
وعرفني مكان الرحله
اتحمست قوي 😀
انا دلوقتي مش زعلانه منه خالص

الظاهر ان اختي قالتله الحق ارجع البيت بسرعه قبل ما مراتك تتصل بالمحامي 😂

اختي عارفه مشكله “القلق” الي عندي علشان كده يمكن اضايقها واقولها ازاي تخليه يخبي عليه

بس انا دلوقتي فرحانه ومش عايزه اضايق نفسي بأي حاجه

اعتقد اني محتاجه اعالج المشكله دي عندي
بدأت احس ان كلام الناس عني اني “اعتماديه” وبعتمد علي الناس الي حوليه في كل حاجه كان صح , بس هأجل ده لوقت تاني.

دلوقتي انا بستمتع بيومي مع الاطفال ومستنيه رحلتي ❤❤❤