“أجازه الكريسماس”
غسلوا دماغي من صغري إن الولاء للعمل والشغل بجهد هيضيفوا أصفار كتير للمرتب. فضلت متفائل رغم إني كنت باخد زيادة 3% بس كل سنة وبشتغل في الإجازات. ضيعت لحظات مهمة في حياة ولادي زي أول خطوة ليهم، مناسباتهم في المدرسة، وحاجات تانية عشان أزود أرباح المدير.
بعد وفاة جوز أمي وانا في العزا، اتصل بيا مديري يطلب مني أحل مشكلة، وامي كانت بتبكي على كتفي. في اللحظة دي قررت خلاص كفاية. غيرت الشغل وقررت إني احط العيلة أولًا والشغل مش في أول الأولويات.
بعد كذا سنة، بقيت جزء أساسي في الشركة. كتير من شغل العملاء بيشتغل أوتوماتيك عن طريق “ابليكيشن” أنا اللي برمجتها بنفسي و أنا الوحيد اللي بقدر أديرها.
عرضت أدرب حد كبديل، لكن مديري رفض وقال “مستحيل نخسرك!” لحد دلوقتي الأمور كانت ماشية كويس.
بداية ديسمبر، شركه اسمها ABC اتعملها تفتيش حكومي وطلعت غير متطابقة.
استعانوا بشركتنا عشان نساعدهم قبل نهاية السنة أو هيواجهوا غرامة قدرها 750,000 دولار.
شركة ABC اتأخرت في إرسال البيانات اللي محتاجينها عشان نبدأ الشغل.
أنا كنت بوفر في أيام إجازتي طول السنه عشان آخد أسبوع الكريسماس أجازه وأقضيه مع ولادي، خصوصًا عشان أعوض الوقت اللي ضاع وأنا بشتغل لما كانوا صغيرين. الوقت ده غالي جدًا بالنسبة لي.
الأسبوع ده واللي فات، كنت مبلغ مدير المشروع ومديري بإجازتي. قلتلهم إن محتاج بيانات شركة ABC قريب عشان أبدأ. وعرضت أشتغل ساعات زيادة عشان أخلص شغلي قبل ليلة الكريسماس.
يوم التلات، اتصل بيا مديري وقال لي إن شركة ABC أخيرًا بعتت البيانات اللي طلبتها من أسبوعين.
قال لي “آسف. بس مضطر أطلب منك تشتغل. و أجازتك للكريسماس مرفوضه.”
سألت “إيه هيحصل لأيام إجازتي؟” مديري قال لي “آسف. انت عارف القواعد. استعمل الاجازه أو هتروح عليك. قال لي حاولت أساعدك بس الموارد البشرية رفضت.”
كتبت خطاب استقالتي بعد المكالمة وظبطته إنه يتبعت يوم الاثنين الساعة 8 الصبح.
شركة ABC هتدفع غرامة 750,000 دولار لأن محدش يعرف يبرمج النظام ده غيري ومافيش حد بديل.
العملاء التانيين كمان هيبقوا مستنين تقاريرهم الشهرية والربع سنوية في أول أسبوع من يناير، ومحدش يعرف يعمل ده غيري.
ده غير أن عندنا ست مشاريع كلها بتعتمد على ال “ابليكيشن” بتاعي ، دلوقتي المشاريع دي واقفة.
سبع عملاء دفعوا مقدم لتطويرات ال “ابليكيشن” الخاص بيهم. مش عارف إيه اللي هيحصل فيهم.
افتكروا دايمًا. العيلة أولًا. اللحظات اللي بتضيع مش بترجع تاني ❤️
🌹#تحديث
من يوم الاتنين بعد الكريسماس، المدير بدأ يستخدم أساليب تلاعب وحملات تشويه عشان أغير رأيي وأرجع في الاستقاله.
خلال الوقت ده، عميل تاني بعت ملف كمبيوتر تالف، والقسم شغّل الملف ده، وده تسبب في تعطل فرع كامل من التقارير.
وده سبب حالة هلع في الشركة. كل ساعة التقارير بتكون فيها مش شغالة، الشركة بتدفع غرامة (لكل تقرير).
إجمالي ساعات التوقف في الشركه : 16 ساعة.
طوال اليوم، المدير والـCEO بيبعتوا لي سيل من الرسائل والمكالمات.
حوالي الساعة 3، جالي اتصال من رقم جديد. كانت مديرة أعمال شركه ABC
شرحت لها أن تأخير استلام البيانات لحد الكريسماس كان من عندهم ومش ذنبي.
مديرة الأعمال حكت لي قصة تانية. قالت إن المدير والـCEO اتصلوا بيها وقالوا ليها إني استقلت و”ببتز الشركه” عشان آخذ فلوس أكتر.
وضحت لها أن ده كدب ومش حقيقي، وأنا خلاص مش ناوي أرجع. بعد ما شفت إزاي الشركة بتعامل الموظفين.
مديرة الأعمال سألتني عن الشروط (الأجر، المكافأة، إلخ) اللي عايزها للرجوع للشركة. قالت لي إنها هترجع تتصل بيا في خلال ساعة.
رسالة من الـCEO: “هل مديرة الأعمال كلمتك؟ هل قالت لك على رأيها؟”
رسالة من المدير: “أراهن إن مديرة الأعمال هتخليك تدفع الغرامة دي من جيبك!”
مديرة الأعمال اتصلت بي مرة تانية بمكالمة جماعية وسألتني، “إيه الحاجات اللي محتاجها عشان تخلص المشروع؟ برامج، بيانات، أدوات، إلخ؟” قولتلها قائمة بكل حاجة محتاجها.
قالت لي، “إحنا هنعرض عليك “عقد عمل” تخلص من خلاله الـ ابليكيشن بحلول آخر السنة “بضعف الأجر اللي طلبته” 😲 و لو قدرت تخلصه قبل 31/12، هيكون ليك كمان مكافأة 🎉🎉🎉
و بعد رأس السنة، هنشوف وضع التوظيف عندنا ولو فيه فرصة ممكن نلاقي لك مكان “في شركه “ABC “، موافق؟”
وافقت على الشروط. وقلت لها تسجل الشروط “كتابة” وأنا ممكن أبدأ بمجرد ما IT يوفروا لي الجهاز اللي محتاجه.
يعني في النهايه أتعرض عليا أخد ضعف المرتب وكمان مكافئه + وظيفه في شركه جديدة 🎉 😎
(القصة حقيقية)
#قصص
