أجازة شهر العسل 🏝️🏡✨
عيلتي أصولها آسيوية، وعيلته جوزي من أصول أوروبية.
أنا وجوزي لما اتجوزنا قررنا نعمل رحلة عائلية قبل شهر العسل الحقيقي.
قررنا ناخد العيلتين (عيلتي وعيلته) في إجازة لمدة أسبوع ل “بورا بورا” وكل التكاليف علينا🌴✨
أجرنا نص جانب من البيوت (الاكواخ) اللي هناك، وكان في فيلا واحدة بس في الجزء ده. وطبيعي أن إحنا اللي خدنا الفيلا 🏖️✨
البيوت مساحتها كويسة، فيها أوضة نوم واحدة (إما بسرير كبير أو سريرين)، و حمام، ومساحة خارجية لطيفة. حاولنا إن كل واحد يكون في مكان مريح ومناسب ليه.
أما الفيلا بتاعتنا فهي حاجة تانية خالص! 😍، فيها أوضة نوم واحدة وحمام، لكن فيها ساونا، غرفة معيشة، مساحة خارجية كبيرة، بانيو خارجي، حمام سباحة، وحتى زحليقة بتنزل على طول على المحيط! 🏖️
ما كملناش حتى 24 ساعة في بورا بورا، وحصلت خناقة!
واحنا بنتعشي، ابن عمي قال إنه عايز يجي يزورنا ويجرب الزحليقة اللي عندنا. فجدودي سألوا بنتكلم عن إيه، وطلبوا يشوفوا صور الفيلا بتاعتنا.
لما شافوا الفيلا، اعترضوا وطلبوا إننا نبدّل البيوت معاهم لأنهم شايفين إنه “ماينفعش الكبار في السن يعيشوا زي العبيد” أو “الفقراء” وأحفادهم عايشين في رفاهية! 😳
ده بورا بورا يا جماعة! محدش عايش “فقير” هنا! 😅 كل البيوت في منتهى الفخامة، ومع ذلك جدودي كانوا مصرّين إنهو ياخدوا الفيلا بتاعتنا!!!
المشكلة إن الفيلا اللي إحنا فيها هي الوحيدة اللي في الجانب بتاعنا، ولو إديناها لجدودي، هيبقى موقف مش حلو لجد جوزي وجدته . لو كان فيه 3 فيلات، كنا وزعناها عليهم كلهم، وأخذنا واحدة لنفسنا. بس للأسف ده مش موجود.
شرحت لهم ده، وبرضه لسة مصرّين إنهم ياخدوا الفيلا 😤
أنا طبعًا اعترضت، وقلت إن الفيلا دي من حقنا أنا وجوزي. دي أجازة مع العيلة علشان نحتفل بجوازنا، وكمان إحنا اللي دفعنا كل تكاليف الرحلة دي!
مش المفروض الناس تستمتع وتكون ممتنة إنها في إجازة مجانية بدل ما تشتكي؟ 🤷♀️
جدودي انفعلوا جدًا، وقالوا إني “بتفاخر بالفلوس” قدامهم وإني مش باحترمهم ولا بنفذ كلامهم. بعد كده، زعلوا جدًا وخرجوا من المكان وهما بيهددوا إنهم هيحجزوا أول طيارة ويرجعوا بكرة الصبح! 😤✈️
مش عارفة أعمل إيه. عيلتي بتقولي أديهم الفيلا عشان أحترمهم وأرجّع الهدوء للعيلة، لكن عيلة جوزي شايفة إن جدودي تصرفاتهم مجنونة تمامًا، وأنا بصراحة متفقة معاهم. جدودي بيتصرفوا بطريقة سخيفة جدًا. كل اللي كنت عايزاه إن العيلتين يتجمعوا ويتعرفوا على بعض، لكن دلوقتي كل حاجة بتنهار.
مش حاسة إني غلطانة خالص، لكن فضلت طول الليل بفكر إذا كنت المفروض أتنازل وأعزم جدودي ييجوا يقعدوا في الفيلا بتاعتي عشان ما يمشوش. بس في جزء تاني مني عايز يقول لهم بوضوح إنهم أنانيين جدًا وإنهم لازم يبطّلوا يعملوا نفسهم محور الكون، أن ده شهر العسل بتاعي.
فإيه رأيكم يا ريديت؟ أنا غلطانة لو رفضت أديهم الفيلا؟
🌿رغم إن كنت عايزة أرد عليهم بطريقة عنيفة وأقول لهم يبعدوا عني، قررت إن الأفضل أتعامل بلطف عشان ما يبقاش عندهم أي حجة ويقولوا إني قللت من احترامهم.
وقت الفطار، جدودي رفضوا ينزلوا علشان أنا موجودة. كلنا حاولنا نتصل بيهم، لكن ردهم كان “لأ، مش هننزل عشان حفيدتنا قليلة الأدب موجودة” 🤦♀️ بعد محاولات كتير للإقناع، وحتى اضطرينا نبعت لهم ابن عمنا الصغير لغرفتهم عشان يهدّيهم، وافقوا أخيرًا ينزلوا.
أنا بدأت الكلام معاهم وسألتهم إذا كانوا بدأوا يدوروا على رحلات عودة علشان يرجعوا بيتهم فعلاً، وقلت لهم يبعتولي تفاصيل حجز الطيران علشان أسدد الفلوس 😄
ردوا إنهم ما بصوش على الرحلات لسه، وقالوا إن المفروض أنا اللي أعمل كده لو عايزة اطردهم! 🤯
أكدت عليهم ان ده مش قصدي خالص”اني اطردهم”، لكن لو هم فعلاً عايزين يمشوا، خلاص أنا مش هاعترض هما حرين. كمان عرضت أبعت لهم موظفين يساعدوهم يوضبوا حاجاتهم علشان يكون عندهم وقت أكتر يستكشفوا المكان أو يستمتعوا بجلسة المساج المجانية اللي بتجي مع البيوت قبل ما يسافروا.
ساعتها وقفوا الأكل وبصوا لبعض في صدمة. هم متعودين إن كل مرة يهددوا فيها انهم هيمشوا، العيلة بتعاملهم كأنهم أطفال، وبتترجاهم يفضلوا، وغالبًا بيتعرض عليهم فلوس أو هدايا فخمة علشان يتعطفوا علينا ويتنازلوا ويرجعوا عن قرارهم.
بس أنا مش هعمل كده. أنا مستعدة أدفع لهم تذاكر الرجوع لبيتهم، بس بصراحة مش مستعدة أعمل حاجة أكتر من كده… خلاص عملت أكتر من اللازم علشان أريحهم في أجازتي اللي المفروض تكون شهر العسل بتاعي 💁♀️
في الاخر، طلع إن جدودي ماكانوش ناويين يرجعوا البيت أصلاً، كانوا بس بيحاولوا يخوفوني عشان أترجاهم يفضلوا. بس أنا فهمت اللعبة وكشفت الاسلوب بتاعتهم 😏
بعد الفطار، دورت علي رحلات الطيران ولقيت رحلة ميعادها الساعة 5 مساء، رحت للاستقبال وطلبت منهم يلغوا الحجز بتاع غرفتهم لباقي الرحلة ويبعتوا الموظفين علشان يساعدوا في شيل الشنط.
على فكرة، كمان ما أخدوش جلسة المساج المجانية لأن المنتجع بيقدمها بس للناس اللي بيقعدوا 4 ليالي أو أكتر.
الموظفين جهزوا شنطهم، وفعلاً مشوا من حوالي نص ساعة. دلوقتي أنا قاعدة في الفيلا بتاعتي باسترخي قبل العشا 😌
في شوية أعمام ( كلهم متجوزين) جم و اتكلموا معايا وقالوا لي إنهم تعبوا خلاص من جدودي وإنهم دايمًا لازم يكونوا محور الاهتمام ومستحقين كل حاجة.
واضح إن الكل كان محبط من تصرفاتهم، وأنا حاسة إني أخيرًا رجعت أسيطر علي الوضع! 💪
جدودي بيعملوا كده من زمان، والعيلة كلها كانت مبسوطة إن في حد أخيرًا قرر يقول كفاية ويواجههم. ولما اولاد عمي عرفوا، كانوا بصراحة مش فارق معاهم خالص إن جدودي مشيوا، وقالوا بالحرف: “هم كانوا بيبوظوا الجو 😅
دلوقتي الكل مبسوط، وكلنا بنستخدم الزحليقة اللي عندي قبل ما نرتب نفسنا للعشا الليلة.
مبسوطة جدًا إني قدرت أوقف جدودي عند حدهم من غير ما أكون وقحة أو قليلة أدب 💪😊
عندي سيل من الرسائل والتعليقات.والسؤال الرئيسي اللي كل الناس بتسأله هو بشتغل ايه؟!
أنا ما مشيتش في الطريق التقليدي اللي كتير من الآسيويين بياخدوه. الحقيقة إني سبت الكلية في آخر سنة وبدأت خط أزياء خاص بيا. الموضوع اخد مني كام سنة عشان ينجح، لكن فجأة حقق نجاح كبير من كام سنة.
بابا كمان رجل أعمال، وكنت دايمًا بشوفه مصدر إلهام ليّا، ومبسوطة إنه كان مثال كويس وقدوة وفتح لي الطريق.
نصيحتي ليكم: متتنازلوش عن أحلامكم! 💫💼
(القصة حقيقية مترجمة من ريديت)
#قصص حقيقية
#قصة واقعية
