لو بتفكري في الطلاق لازم تشوفي الفيديو ده الاول لو اطلقت هظلم الأولاد لو استمريت هظلم نفسي أعمل إيه

من فترة قرأت مقال لسيدة مطلقة كانت بتحكي فيه عن تجربتها مع الطلاق. وكانت بتقول ان هي حاسة بالندم وان القرار بالنسبة لها كان متسرع. وان وقت المشاكل كل اللي حواليها نصحوها ان هي تنفصل. لكن بعد الطلاق ما فيش اي حد من اللي نصحها ان هي تطلق وقف معاها او ساندها سواء ماديا او معنويا. وكانت بتقول ان هي بتتمنى لو يرجع بيها الزمن عشان تقدر ترجع تاني لكن للاسف ان الرجوع بقى شبه مستحيل. السلام عليكم ورحمة الله وبركاته. ازيكم عاملين ايه ؟ ان شاء الله تكونوا بخير. انا اسراء برنامج جنتي. انا كنت بعمل بحث كده عن موضوع الطلاق ان في بحوث اتعملوا. البحث الاولاني كان بيقول ان خمسين من تلاتين في المية من الناس بيحسوا للاسف بالندم بعد الطلاق. وفيه منهم بيتمنى لو رجع بيه الزمن تاني عشان يقدر ان هو يتعامل بطريقة مختلفة. وان احيانا كتير لما الوقت بيعدي وبيقل الغضب والانفعال وبنقعد نفكر كده بطريقة كويسة بنلاقي ان كان فيه تهويل جدا للمشاكل وان اوقات كتير الزوج او الزوجة بعد مرور وقت من الطلاق بيحسوا بحنين وبيقعدوا يفتكروا الزكريات اللي كانت ما بينهم وبيتمنوا ان هم فعلا كانوا ما خدوش القرار ده. الدراسة التانية بقى كانت عنوانها هل ستكون اكثر سعادة بعد الطلاق والاجابة في الدراسة دي هي لأ الدراسة بتقول ان حالات كتير بعد الطلاق للاسف ما حسوش باي سعادة. وان وقت العلاقة لو الشخص كان حاسس باعراض اكتئاب او حاسس ان هو ما فيش اي حد مقدره ان بعد الطلاق نفس الاعراض برضو فضلت موجودة ما اختفتش ولا اي حاجة وشافوا ازواج تانيين كان فيه بينهم مشاكل لكن اتمسكوا ببعض ورفضوا قرار الانفصال. الدراسة بتقول ان بعد خمس سنين حالات كتير منهم كانوا اسعد من الناس اللي اتطلقت طيب انا ليه عاملة الفيديو ده النهاردة ؟ لان احنا اوقات كتير ووقت الانفعال ما بنبصش غير تحت رجلينا، ما بنبصش قدامنا. خلاص انا حاسة دلوقتي مثلا ان هو جه على كرامتي او ان هو جرحني او اني مش قادرة ابص في وشه فممكن الست تاخد القرار بتسرع لكن بعد الطلاق اوقات كتير للاسف الست بتلاقي نفسها لوحدها تماما وللاسف برضو ساعات الاهل مش بيستحملوا البنت ولا بيستحملوا اولادها. والراجل طالما انفصل اوقات كتير حتى ما بيرضاش انه يصرف على اولاده. وهي بتلاقي نفسها مسئولة عن اولادها في كل حاجة والشيلة بتكون تقيلة وصعبة عليها جدا جدا. وطبعا عشان اكون امينة معاكم في دراسة تانية برضه بتقول ان الطلاق اوقات بيكون احسن من الزواج التعيس. وخصوصا في حالات زي الادمان او العنف اه طبعا معاك ان في حالات ما ينفعش فيها غير الطلاق. لكن في حالات تانية ممكن نقول لها فعلا اصبري. حاجة كمان اوقات الغضب مش بيخلينا نشوف غير العيوب وبس. واي حاجة حلوة كأنها بتتمسح من دماغنا. يعني ممكن جوزك مثلا يكون اب حنين جدا جدا. روحه في اولاده. كريم معاهم وبيصرف عليهم كويس او اي صفات حلوة تانية فيه. لكن احنا وقت الزعل للاسف بننسى كل ده. نصيحتي لك قبل ما تاخدي القرار حاولي تجربي النصايح اللي هقول لك عليها دي. الدين بيقول لنا ايه? حكم من اهله وحكم من اهلها وده مش معناه على فكرة ان انا اروح اجيب بابايا اللي هو اصلا زعلان ومحموق عشاني وهو يروح يجيب اخوه الكبير والاتنين يمسكوا في بعض ويولعوا الدنيا والمشكلة تكبر اكبر. لأ يفضل ان انا اشوف حد يكون فعلا حكيم من عيلتي حد يكون معروف ان هو هادي ورأيه دايما بيكون صح. نفس الحكاية الراجل المفروض يعملها. وعلى فكرة ممكن الحد ده يكون مثلا شيخ جامع او حد متخصص او فاهم في علم النفس. لان اوقات كتير للاسف الاهل بدل ما بيحلوها بيعقدوا الدنيا اكتر حاجة كمان هل انت دايما بترمي المشكلة على الراجل? يعني انت دايما عايشة دور المظلومه وحاسة ان انت الضحية في العلاقة دي لوحدك? ولا انت فعلا صريحة مع نفسك وعارفة عيوبك? طيب لو انا اعترفت بعيوبي هل انا فعلا بحاول ان انا اصلحها? ولا بس بعند طيب عيوب جوزك دي هل انت بتساعديه ان هو يصلحها? خلي بالك عشان واحد يصلح عيوبه او يتغير ده بيحتاج وقت مش في يوم وليلة. والاحسن من ده كله ان انت توكلي ربنا سبحانه وتعالى ادعيه من قلبك ان انت فعلا عايزة تتغيري وعايزة تغيري جوزك وبتتمنيه فعلا انك تعيشي حياة سعيدة. خليكي فعلا صادقة في نيتك وان شاء الله ربنا عمره ما هيخذلك ابدا. بتمنى لكم من قلبي حياة سعيدة. انا كده خلصت اشوفكم على خير والسلام عليكم ورحمة الله وبركاته.

المصادر

مصدر 1

مصدر 2

مصدر 3

شاهد ايضا

6 علامات تدل على انك بعلاقة سامة علامات تشير بأن الكون يحاول ابعادك عن الشخص السام

علامات وقوع الرجل في الحب تصرفات الرجل العاشق