حيل تجعل الرجل يشتاق إليكِ
نفسي قوي اخليه يشتاق لي طول الوقت او ايه هي الحاجة اللي بتخليه يبقى مشتاق لي جدا.
مدرب علاقات مشهور وكتب كتب مهمة جدا اتكلم عن الموضوع ده وقال انه شاف الحالات اللي هحكي لكم عليها دي كتير. تيجي له بنت وتقول له انا اخيرا لاقيت الامير اللي كنت بحلم بيه طول حياتي
بعد ما مر عليه ضفادع كتير.
اخيرا القدر ضحك لي ولقيت فارس احلامي.
المدرب بيقول ان الراجل بيكون متيم بيها. بيشتري لها ورد وبيكون رومانسي معها وبيخرجوا مع بعض في احسن الاماكن. وكمان بيطلبها للجواز
وللاسف بعد فترة بينهي العلاقة.
طبعا دي حاجة غريبة جدا
لكن مدرب العلاقات بيقول ان القصص دي حقيقية ومرت عليه كتير.
طيب ايه السبب اللي بيخلي الحاجة دي تحصل?
ركزوا معايه في الكلام اللي جاي ده لانه فعلا مهم جدا
اللي حصل هنا ان الراجل ده خلص مخزون الحب بتاعه كله بسرعة.
وبعد كده خلاص خلاص هو ما بقاش عنده اي حاجة تانية يديها لها
او ما بقاش عنده حاجة يبهرها بيها.
فخلاص مش بيحس ان هو بيفتقدها ولا بيحس ان هي وحشاه.
علشان كده بيحس ان هو مش عايز يكمل العلاقة.
مدرب العلاقات بيقول ان الستات هنا ما عملتش اي حاجة غلط وما لهاش اي ذنب.
وان الراجل هو اللي عمل في نفسه المشكلة دي.
لكن الست الزكية هي اللي ما توصلش الراجل للنقطة دي
وتعرف تكون متحكمة ومسيطره علي العلاقه.
علشان كده لما تلاقي راجل مغرم بيكي لازم تكوني زكية كفاية ان انت ما تخليهوش يستنفز مشاعره كلها بسرعة معاكي.
او يعني ما تخلهوش زي ما بنقول كده يشبع منك بسرعة.
علشان يقدر يحس بالحنين ويحس ان انت فعلا مهمة بالنسبة له وان هو فعلا بيحبك.
يعني كل ما عطيتي للراجل المساحة وما كنتيش متاحة طول الوقت وقتها هو هيحس باهمية وجودك في حياته
هديكو هنا مثل لطفل عمره سبع سنين مامته واقفة معاه في الملعب هنا هيقولها لأ لأ من فضلك روحي اقعدي بعيد انا اقدر العب لوحدي مش محتاج مساعدتك
هنا الراجل الصغير ده بفطرتو حس ان هو عايز يعتمد على نفسه وعايز يحس بالفخر ان هو يقدر يعمل الحاجة لوحده
لكن الولد ده وهو بيلعب مثلا لو وقع واتعور اول حاجة هيعملها ان هو هيطلع يجري على المرأة اللي في حياته اللي هي في المثل ده مامته علشان يقدر يحس بالامان.
وده اللي بيعمله معظم الرجالة بغض النظر عن عمرهم
هم دايما محتاجين لوقت كده يكونوا فيه لوحدهم. الوقت ده ممكن يقضيه مع اصحابه. ممكن يقضيه في الشغل او حتى قاعد لوحده ما بيعملش حاجة. وهنا ده بيكون اكتر وقت هو بيشتاق لك فيه. او بيحس ان هو مفتقدك
كمان مش المفروض تكوني متاحة طول الوقت. لا في الوقت اللي هو مشغول فيه انت كمان المفروض تشغلي نفسك بحاجات تانية.
فكل ما بعدنا عن بعض شوية كل ما اشتقنا لبعض.
هديكي مثال تاني انت وخطيبك كنتم في رحلة عائلية وقضيتم وقت حلو قوي
ضحكنا وهزرنا وحسينا ان المشاعر كانت في القمة.
فمن كتر السعادة اللي انت حسيتي بها في الوقت ده بتصحي تاني يوم تحسي ان انت عايزة تقضي يوم تاني زي اليوم الجميل اللي انت قضتيه امبارح معه.
لان كان في بينكم كيمياء عالية وكان فيه حب وحسيتي بمشاعر جميلة جدا
ده الغلط اللي احنا ممكن نقع فيه.
الصح بقى ان بعد الوقت الجميل اللي احنا قضيناه مع بعض ان انت تسيبيه بقى ياخد مساحته شوية. حاولي تختفي كده بعديها وتنشغلي في حاجة
هو كمان يعيش في العالم بتاعه لان ده هيخليه حتى لو هو قاعد مع اصحابه في الوقت ده هيبقى قاعد كده ويسرح ويفتكر اللحظات الجميلة او اليوم الجميل اللي عايشه معاكي امبارح. وده اللي هيخليه ان هو يشتاق لك وان انت توحشيه
لو انتم قعدتم تعيدوا نفس الحاجات دي يوم وراء الثاني وراء الثالث. لا هيحس ان انت وحشاه ولا حتى هيحس ان هو بيحبك اوي.
يبقى الخلاصة خليكي ذكية. خلي في بينكم مساحة لما تقربوا من بعض قوي. وتحسي ان مشاعر عالية جدا لازم بعديها نبعد شوية
وده سواء كنت مخطوبة او حتى زوجة. لان دي هي الطريقة اللي بتخلي الرجل يحس بالحنين ويحس ان هو مشتاقلك. اتمنى الفكرة تكون وصلتكم. اشوفكم على خير بازن الله. والسلام عليكم ورحمة الله وبركاته.
أفضل طريقة لتحويل تجاهل الرجل لك لإهتمام ويرجع مشتاقا ملهوفا التجاهل المفاجئ بعد الاهتمام
لماذا يتغير الرجل مع خطيبته فجأه ويبتعد لفتره دون سبب منطقي ثم يعود كأن شيء لم يكن
