سابني لوحدي علي الطريق 🚗🚶♀️
أنا عمري 23 سنة وخطيبي 25.
خطيبي الوسيم الرائع قرر يعزمني على العشا علشان إحنا الاتنين تعبنا في الشغل والأسبوع كان طويل جدًا.
كنا بنضحك ونتكلم ومبسوطين قوي. خلصنا الأكل وخرجنا، وبعد ما مشينا نص الطريق تقريبًا أنا قلتله: “ممكن نوقف العربية و نجيب حاجة حلوة؟
رد عليَّا وهو بيضحك وقالي: “هاها، مش لسه واكلين؟وكمل السواقة.
أنا بغبائي وأنانيتي فضلت أزن وقلت له: “يلا بقى، بالله عليك؟ نفسي في حاجة حلوة.”
رد وقالي: “عندنا آيس كريم في البيت”، وكمل في الطريق.
بعدها فضلت أزن وأزن وأزن، وهو كان صبور معايا أكتر من اللازم، بس كان ثابت على رأيه وقالي لأ.
استسلمت، بس بعد كده شفت مطعم أكل سريع قدامنا على الطريق، بهزار مديت إيدي على الدركسيون علشان ندخل على صف العربيات بتاع المطعم.
واضح إني حركت الدركسيون زيادة عن اللزوم، لأن للأسف عربيتنا انحرفت شوية وخبطنا في عربية تانية. والأسوأ من كده إن العربية لسة جديدة وخطيبي لسة شاريها.
السواق التاني شاورلنا ندخل صف العربيات، ولما وقفنا نزل خطيبي من العربية. و السواق التاني بدأ يشتم فيه ويقول كلام وحش جدًا، مع أن مفيش أي ضرر حصل للعربيتين (مجرد خبطة صغيرة في الإكصدام بتاع عربيتنا، والعربية التانية مفيهاش أي حاجة).
وهو بيتشتم، أنا مخرجتش من العربية وسيبته يتحمل هو العقاب على حاجة أنا اللي عملتها.
لما رجع العربية وبدأ يسوق، كان ماسك الدركسيون بإيده جامد لدرجة إن عروقه كانت باينة. وشه كان أحمر قوي، ومقالش ولا كلمة.
علشان أحاول أخفف التوتر شوية، قلت له: “طيب، كان ممكن الموضوع يبقى أسوأ من كده.”
أول ما قلت كده، داس على الفرامل بقوة وقال لي بأعلي صوته: “انزلي من قدامي!”
عمري ما حسيت بالخوف منه قبل كده، لكن في اللحظة دي حسيت بالخوف بجد. كان شكله بيحاول يسيطر على نفسه عشان ما يعملش حاجة تأذيني.
نزلت من العربية وهو طلع بسرعة.
بدأت الدنيا تضلم، وأنا كنت في طريق مليان شجر (طريق علي الغابة).فضلت ماشية لمده ساعة تقريبًا علشان أوصل البيت، ولما وصلت اكتشفت إنه ساب البيت وأخد كل حاجاتة.
حاسّة بالذنب. حتى مش عارفة أعتذر له لأنّه مش بيردّ لا على مكالماتي ولا على رسايلي.
إحنا كان بينا قبل كده خناقات بسبب تصرفاتي الطفولية، ودلوقتي هو سابني بسبب ده.
كمان بدأت تجيلي رسايل من اصحابنا مكتوب فيها ” إيه اللي عملتيه ده؟” و”إنتي مجنونة؟”
الظاهر هو حكالهم اللي حصل.
حاسّة إن كل الناس زعلانة مني.
فيه أي طريقة أصلّح بيها اللي حصل؟ أعتذر لاصحابي إزاي وكلهم واقفين في صفّه؟
(القصة حقيقية مترجمة من ريديت)
قصة مسلية
قصة قبل النوم
قصص واقعية
قصص مصرية
قصة سعوديه
