حب ورومانسيه

أفضل طريقة لتحويل تجاهل الرجل لك لإهتمام ويرجع مشتاقا ملهوفا التجاهل المفاجئ بعد الاهتمام

التجاهل المفاجئ بعد الاهتمام عند الرجل

انا وهو مخطوبين وبنحب بعض قوي وهو على طول بيعبرلي عن حبه وبيقولي قد ايه هو سعيد بيه وسهم الحب كان عمال يطلع في السما ومغرقين الدنيا حب ورومانسية. والناس كلها بتحلف بقصة حبنا

فجأة ومن غير اي سبب بدأ يتغير معايا
اكلمه ما يردش علي او يرد بكلمتين ويقفل على طول.

ابعتله رسايل يقراها وما فيش رد.

ولما سألته هو ليه متغير معايه؟

قالي ان هو مش متغير ولا حاجة وان ما فيش ولا اي سبب.

بنات كتير عندها نفس المشكلة.
بيحبني ومهتم بيا وفجأة من غير ولا اي سبب بطل يهتم وبعد عني واتغير.

الحقيقة علماء النفس بيقولوا لنا الموضوع ده بيحصل لسببين.

وانا عارفة ومتأكدة ان انتم هتتفاجئوا جدا من الاسباب زي ما انا كده بالظبط اتفاجأت اول ما سمعت الاسباب

والغريب كمان ان علماء النفس بيقولوا لنا ان الرجالة نفسهم مش بيبقوا عارفين اصلا هم بيعملوا كده ليه?

اول سبب من وجهة نظر علماء النفس

ان انتي غالبا عملتي حاجة خوفتيه منك من غير ما تقصدي.

والحاجة دي لما انت سألتي نفسك يا ترى ازاي اخليه يحبني اكتر؟

ولما من غير ما تقصدي خليتيه هو محور العلاقة.

وبدل ما هو يفكر ازاي يسعدك اكتر بقيتي انت نفسك كل اهتمامك ازاي تبيني له قد ايه. انت بتحبيه.

وبقى جواكي خوف ان انت فعلا خايفة ان انت تفقديه
وبينتي خوفك ده في كل تصرفاتك من غير ما تقصدي.

يعني بقيتي تغيري عليه زيادة.

ابتديتي تعملي مجهود مضاعف عشان تخليه يعجب بك اكتر.

اول ما يطلب يقابلك بتلغي كل مواعيدك وتفضي نفسك تماما عشانه

تنزلي تشتري هدوم جديدة عشان تكوني اجمل في عينيه.

في اليوم اللي بيجي يزورك فيه في بيت اهلك بتعملي له احسن واشهى الاكلات.

وهو بيعمل مجهود اقل بكتير منك.

يعني مثلا في اليوم اللي هو جاي فيه ممكن يدخل بايده فاضية وما يشتريش حاجة معاه. او يشتري حاجة رخيصة
بالرغم من انك مكلفة نفسك ودافعة فلوس كتير.

هنا انت بتبني العلاقة على مدى اعجابه هو بيكي مش العكس اللي مفروض يتم

وهو انا اللي معجبة بك قد ايه. او انت عاجبني ولا لأ

علماء النفس بيقولوا ان مهما كنت متعلقة بيه ومعجبة بيه وحقيقي فعلا بتحبيه من قلبك. اوعي توصلي له احساس ان انت خايفة انك تخسريه.

خلي بالكم كمان من الجملة اللي جاية دي لان هي فعلا مهمة.

علماء النفس بيقولوا لنا ان الراجل بيحب من قلبه
يعجب بالبنت اللي واثقة من نفسها وواثقة ان هي عاجباه وشايفة نفسها مميزة وجميلة وان في الحالة دي الراجل هو اللي بيخاف ان هو يخسرها مش العكس.

يعني الخلاصة حاولي على قد ما تقدري ان انت تكوني على طبيعتك
بلاش تبذلي مجهود خرافي ومضاعف عشان هو يعجب بيكي

حاجة كمان علماء النفس بيقولوها

لو حصل وهو بعد عنكوقت طويل او انشغل في اي حاجة اول ما تبدأي ان انتي تعاتبيه وتبيني قد ايه ان انتي حزينة وان انتي محتاجة له وان يومك كان صعب جدا من غيره كل ده معناه حاجة واحدة
انا بحبك اكتر ما انت بتحبني وانا ضعيفة وخايفة ان انا اخسرك.

وللاسف الراجل لما بتوصل له الرسالة دي ده بيخليه عنده لا مبالاة ناحيتك وللاسف كمان مش بيهتم بيكي اكتر
هو ده السبب الاولاني.

السبب التاني بقى انا كنت عاملاه في فيديو هو قديم شوية بس ان شاء الله اكيد هيفيدكم

شاهده من هنا 

انا كده خلصت يا رب الفيديو يكون عجبكم ان شاء الله. اشوفكم على خير. والسلام عليكم ورحمة الله وبركاته

 

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى