الأكل النباتي 🥦🍽️❤️
أنا أب، راجل كبير في السن شوية، وبحب بنتي جدًا، بس بصراحة مش قادر أتفاهم مع مراتي وبنتي المراهقة في الموضوع ده.
إحنا طول عمرنا عيلة بتحب اللحمة، عايشين في منطقة ريفية في وسط أمريكا، والفطار دايمًا بيكون فيه “لحمة مدخنة”، ودي حاجة أساسية.
السنة دي بنتي اللي عندها 14 سنة قررت تبقى (نباتية)، وأنا شجعتها ودعمتها من قلبي.
بدأنا نبدل المكونات، ونجرب وصفات جديدة، وكمان بدأت أظبط ميزانية البيت عشان نشتري لها البدائل النباتية (اللي سعرها غالي شوية).
كل ده مكنش مشكلة بالنسبه لي. لحد من كام يوم. كنت بطبخ لحمة في طاسة، وبعد ما خلصت شطفتها عشان أحطها في غسالة الأطباق.
فجأة البنت اتعصبت قوي وقالت إن الطاسة دي بتاعتها، ومخصوصة للأكل النباتي بتاعها!
أنا اتصدمت وقلتلها: يا حبيبتي دي طاسة العيلة، موجودة في البيت من قبلك، دي مش “طاستك”.
طلبت مني أشتريلها طاسة مخصوص ليها، قلتلها حاضر، وفعلاً طلبتلها كذا طاسة بألوان مختلفة مخصوص ليها.
السبب إنهم ملونين علشان أفتكر إن دول بتوعها هي بس، وممنوع أستخدمهم.
كل ده مش كفاية بالنسبة لها. دلوقتي بقت شايفة إن غسالة الأطباق “اتلوّثت” باللحوم، والتلاجة فيها “اثار صوابعي اللي بتمسك اللحمة” (عشان أنا باكل وبعدين بفتح التلاجة). وطلبت مني ومن مامتها إننا نبطل ناكل لحمة تمامًا في البيت.
علي فكرة أنا مش قصدي إني بلمس التلاجة وإيدي فيها دهون، لأ، أنا بغسل إيدي الأول، بس هي متخيلة اني كده بلوث الثلاجة اللي هي بتحط فيها أكلها.
بصراحة، أنا مش موافق علي الموضوع ده خالص. بس مراتي عايزه تعمل لبنتنا اللي هي عايزاه. هي شايفة إن أهلنا ساكنين قريب، فممكن ناكل لحوم هناك.
بنتي قالتي مفيش مشكلة نحط “جبنة وزبدة” في التلاجة، لكن اللحوم بالتحديد بتخليها تقرف.
أنا مش عايز أضايقها، بس بصراحة أنا شايف إنها محتاجة تتأقلم وتعيش معانا زي ما إحنا، لأن أنا مش هبطل آكل لحمة في بيتي.
تفتكروا مين فينا الغلطان؟
(القصة مترجمة من ريديت. أصحاب القصة أجانب).
قصص قصيرة
قصص حقيقية
