حب ورومانسيه

لماذا يخون الرجل شريكته مع أخرى أقل منها جمالاً؟ اسباب الخيانه عند الرجال

اسباب الخيانه عند الرجال

ليه الراجل بيخون ؟ اسباب الخيانه عند الرجال

النهاردة قرأت مقال كاتب المقال دكتور نفسي اجنبي. وكان بيتكلم عن اسباب الخيانة عند الرجال.

الدكتور بيقول ان هو من سنين بيقابل حالات مختلفة. وانه دايما بيندهش قد ايه الرجالة مبدعين في تبريرهم للخيانة لدرجة ان في كتير جدا منهم بيقعد يتكلم مع الدكتور علشان يقعد يبرر له ان اللي بيعمله ده اصلا مش خيانة.

وان عادي ما كل الرجالة كده. او مثلا ما كل صحابي كده. اشمعنى انا؟

 انا ليه عاملة الفيديو النهاردة؟

لان للاسف لما الخيانة بتحصل رجالة كتير اول حاجة بتعملها ان هي بترمي اللوم على زوجاتهم. وبيكون رد فعله اصل انت السبب !!!

وللاسف ستات كتير بيصدقوا ان هم فعلا السبب ,وبتقعد كده تفكر مع نفسها طب انا غلطت في ايه؟ او انا قصرت في ايه؟ والحقيقة كلنا عارفين ان في حالات كتير جدا ما بتكونش ابدا الزوجة السبب ولا اي حاجة.

انا هقول لكم ايه هي اسباب خيانة الراجل اللي الدكتور قال وركزوا معايه جدا في الاسباب. لان هي فعلا مهمة.

وفي اخر الفيديو ان شاء الله هقول لكم سبب. الدكتور ما قلش عليه. لكن انا شفت حالات مرت عليه كان سبب الخيانة هو السبب ده.

وانا عارفة ومتأكدة ان في رجالة كتير بتخون بسبب الموضوع اللي هقول لكم عليه ده

اول سبب احساس الراجل بعدم الامان.

يعني ممكن هو من جواه يكون حاسس ان هو مثلا مش وسيم كفاية مش غني كفاية. او ان هو مش ذكي. فعشان يثبت لنفسه العكس بيحاول ان هو يرتبط بستات ثانية لان هو فاكر ان هو بالطريقة دي بيرضي غروره.

السبب التاني ممكن ان يكون الزوج اناني.

هو ما بيفكرش غير في نفسه. مش مشكلة بالنسبة له مشاعر زوجته. هو عايز ياخد المتعة اللي هو بياخدها في اللحظة دي وخلاص مش مشكلة اي حاجة تانية بالنسبة له .

سبب تاني هو الرغبة في الانتقام.

هو في حاجة معينة مضايقاه من مراته وهو حاسس بالغضب من الحاجة دي. فهو بيحاول ينتقم منها بالطريقة دي.

ممكن كمان يكون اندفاع.

يعني هو الراجل ما فكرش ابدا قبل كده ان هو يخون. لكن ظهرت فرصة كده قدامه وهو قرر ان هو ينتهزها. من غير ما يفكر كويس.

صدمات الطفولة.

ممكن الراجل يكون اتعرض للاهمال او ايذاء او اعتداء وهو صغير فبيكون رد فعله ان هو بيتحول لراجل خاين لما بيكبر.

ممكن الراجل يكون مش عايز يكمل مع مراته

فبيلجأ للخيانة عشان يحصل حاجة من الاتنين يا اما مراته تكتشف وهي اللي تسيبه او عشان هو بيحاول يدور على علاقة تانية قبل ما ينهي علاقته مع مراته.

من ضمن اسباب خيانة الراجل بردو ان هو يكون اصلا نرجسي

مؤذي ما بيهتمش ابدا بمشاعر مراته

كده خلصت الاسباب الي كانت مكتوبه في المقال في سبب تاني من اسباب خيانه الراجل

وهو الحكاية اللي ما اكتملتش.

يعني مثلا ان جوزك كان مرتبط بواحدة وبيحبها جدا قبل ما يرتبط بيكي. وقتها مثلا ظروفه ما كنتش سامحة ان هو يتجوزها او هي رفضته او اهلها رفضوه

بعد ما يتجوز ويخلف وتعدي سنين ويشوفها تاني ويلاقيها مثلا مش مرتبطة فبيحس بحنين

او بيجيلو احساس ان هو لو كان عاش معاها كانت حياتو هتبقى اسعد

ويقعد بقى يقارن حياتو دلوقتي وحياتو معاها وللاسف بيدمر جوازه عشان عايز يكمل الحكاية اللي ما كملتش زمان.

ليه الراجل بيعمل كده علشان الممنوع مرغوب.

وعلى فكرة الراجل اللي بيعمل كده ممكن جدا مع الوقت يحس بالندم ويعرف ان هو ضيع حياته. وان حياته مع مراته كانت اجمل واسعد مليون في المية.

انا كده خلصت يا رب الفيديو يكون عجبكم. اشوفكم على خير والسلام عليكم ورحمة الله وبركاته.

اقرأ ايضا

6 علامات تدل على انك بعلاقة سامة علامات تشير بأن الكون يحاول ابعادك عن الشخص السام

10 اسرار لتكوني انثي اكثر جاذبيه ساحره تأسرين قلب زوجك وتغار منك جميع البنات

لو بتفكري في الطلاق لازم تشوفي الفيديو ده الاول لو اطلقت هظلم الأولاد لو استمريت هظلم نفسي أعمل إيه

المصدر

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى